عاجل/ مشكلة ظلم لمدة تسع سنين - تكفون محتاجتكم لا تتركوني ..

انتظروا لا تردون طار الموضوع وجاكم

ادخل لكم في المهم ..
عم عيالي قسم الميراث قسمة غير شرعية جاب ورقة وجمع أخوانه وأخواته وعطى كل واحد مزرعة
وبما أني غريبة عنهم لم يتم إعلامي بالأمر ولا أخذوا رأيي وعطوني استراحة بحائل وانا في المنطقة الغربية
طبعا وكيلي لم يوقع على ورقتهم بالموافقة واتصلت على عم أولادي وقلت له إني ما ارضى بهذي القسمة الغير شرعية
قالي مو على كيفك إحنا قسمنا واتفقنا وانتهى الأمر
طبعا المزارع تأجرت وصار كل واحد منهم من بنات وأولاد يأكلون من إيجارها لمدة التسع سنين
وأنا لي استراحة حائل باسم عمي وعشان استفيد منها لازم جميعهم يتنازلون لي عشان اتصرف فيها
حاولت طوال هذي السنين إنه يفرغها لي وللأيتام اللي عندي ولكن بدون جدوى
مرة يقول لي فلان معترض ومرة يقول لي شغلتها طويلة وكثير من اللف والدوران
بعد ما قسم قسمته الغير شرعية خرجت من القسمة عمارة للشقق المفروشة كان لما يستلم الايجارات يوزعها ومن ضمنهم أنا وأولادي
وهذي العمارة هو الشي الوحيد اللي مستفيدين منه أنا وأولادي , وهم زيادة عليها متهنين بإيجارات المزارع اللي توزعت عليهم بدون حق
مرت السنين وأنا صابرة إلى أن جاء الوقت هذي السنة واشتكيته بالمحكمة و3 جلسات وما جاء والجلسة الرابعة تخلف قريبي اللي كلفته بهالقضية عشان كان مشغول
بعد كذا كلمني عم أولادي وقالي فيه أراضي تطلبها الدولة نبيك توقعين ونبيعها , عاد أنا عندت وقلت هذي فرصتي
ورديت عليه وقلت له ما أوقع لك أي شي إلين تعطيني حق عيالي
فإيش سووا ؟
أخذ المسألة جد وحتى إجارات الشقق المفروشة ما عاد يجيبها لي اللي ما يخاف الله له سنة حاشرها عنهم ما جاهم ولا قرش
اللي فكرت فيه الحين إني أنا وولدي الكبير وعمره 17 سنة نتصدى للقضية وأفتحها من جديد عسى الله ينصرني عليه
تكفون ابي اراءكم وش تنصحوني فيه ووش تشورون عليه ووش اللي ممكن أسويه عشان أكسب القضية
سامحوني على الإطالة ..
والسلام عليكم ورحمة الله وبركاته ..

ياقلبي احنا مانقدر نفيدك محتاجة محامي شاطر يساعدك ويجيب لك حقك بس مهم جدا تتفقي مع المحامي عالاتعاب مقدما حتى مايطمع وياكلك وعموما المحامين غاليين خذي هالشئ ببالك ربي ينصرك على من ظلمك

طالبي ان قسمة الحلال تكون بالمحكمة لان لكل مزرعه سعر و موقع
حلال عيالك افصلوه احسن عن حلالهم
يعني على الأقل يعطونك إياه فلوس و اشتري لهم شيء بعيدا عن الشراكة
و الأفضل تقدره المحكمة
مال أيتام هذا
و ان شفتيه ما تجاوب معك
كلمي شيخ بمدينتكم يكلمه

أختي منى ما خلى لي شي عشان اقدر اوكل محامي
الله يكون بالعون انتظر أحد يفيدني ؟؟
مشكورة ي قلبي على المرور وربي لا يحرمك الأجر ..