عاجل ولا يقبل التاخير

يا بنات عندي لكم مشكلة صديقتي المقربة جدا لي ، كلمتني عن مشكلتها بكل صراحة وطلبت مني ان اعطيها حل ، فاقترحت عليها ان انشره في هذا القسم وقلت لها البنا ت ما بيقصرون .....
بالمختصر هي متزوجة تقريبا من 7 سنوات وعندها 4 اطفال ، مرت بمشاكل كثيرة مع اهل زوجها لين ما طلع لها بيت على قد الحال ، المشكلة انها من يوم ما اتزوجت وهذا الزوج ما يقدر هاي الانسانه اهله فوق كل شي ، حتى وهي بعيدة عنهم ، ودايم كان يوعدها انه لما بيكون لهم بيت بيتغير وبيصير رب اسرة مسؤول وبيوفر لها كل شي ( قصدي قدر المستطاع ) المهم مع مرور الايام وانشغال الزوج وحججه المتكرره عندي شغل ، ابغي اطلع مع ربعي ، معزوم ، متضايق ،....... ما كان يطلع عياله الا كل ثلاث او اربع شهور مرة تقريبا لاتقولون مو معقول انا بعد قلت نفس الكلام
قَصر الزوج وايد تجاه زوجته وعياله ماديا وعاطفيا واجتماعيا ، تخيلوا ممنوع تخيط لها ملابس الا في السنة مرتين عيد الفطر وعيد الاضحى ، ما كان يزور اهلها يمكن في السنة ثلاث مرات
المهم هذا الزوج شو يتوقع من هاي الزوجة ؟؟؟؟؟؟
الزوجة ملتزمة وتخاف ربها وصبرت عليه ، بدل ما يعطيها باعت كل الي عندها وعطته ، وبعدها صابره ، بس شو صار معاها ...... قالت لي انها ما تعرف كيف وجدت نفسها تكلم واحد مش خليجي وتعرفت عليه يوم كانت تأثث البيت ، بس الموضوع وصل انها تحبه وهو بعد يحبها واثنينهم متزوجين وعندهم عيال ، وكل واحد حصل النقص الي عنده في الثاني ( هذا الشي طبعا بكلامهم مع بعض ) وتطورت العلاقة الى انها كانت تطلع معاه على الغدا او العشا ، ولاحظت شوي شو ي انه مجنون فيها ويتمنى اليوم قبل بكره انه يتزوجها ، وصل الوضع معاهم انه يبغي يوصل لمبتغى الرجال اكيد عرفتوا شو اقصد ، بس هي رفضت ولكن سمحت له انه يمسك ايدها ويقبلها بس
بعد ما رفضت قطع علاقته معاها مباشرة لااتصالات ، لا مقابلات ......
وهي الحين تعيش حياة تعيسة حسب ما تقول على الاقل كان منسيها شوي تقصير زوجها معاها
ما يرد عليها ابدا ، شكله سوى هال الحركة عشان يخليها تروح له وبعدين يستلمها .....
طولت عليكم .................
انا كان ردي انه رفعت معنوياتها رغم غلطتها وقلت لها انت صح وهو الخطا ، لانك تخافين من عذاب رب العالمين ، بس هو ما يهمه غير جسمك ، احسن انه جات منه وافتكيتي منه
ساعدوها بنات هي تعبانه وايد تقول كل لحظه تمر وهو على بالي ، اي مكا ن اروح له احسه موجود