عاجل وهام مافي اغلى من الشرف ياحريم انتبهواااا

طلعت الحديقه اشوف وحده من امهات زميلات بنتي بروضه الحديقه قريبه من بيتها بعيده من بيتي جيت مالقيتها جلست اطلع قهوتي وافرش لين تجي وانا توني جالسه الاوحده من جنسيه عربيه تقول معك مويه قلت تعالي تفضلي نتقهوى انا استنى وحده جلست وتقهوينا
الاتسوالف وتشكروتمدح تقول في ناس ساعدوني عطوني مبلغ كبييربشرط اني ارجعه شهري عن طريق مصروفي وشوفي ورى هشارع بيتي اللي شريته من مساعدتهم قلت ماشاءالله يعني كم تعطينهم شهري قالت مصروفي 500
قلت زين قالت اذا انتي محتاجه كلميهم قلت صدق قالت ايه وقعدت توريني محادثتهم معها واتفاقتهم بلبلاك
وتصوير بيتها يوم ادخلته
جت اللي انتظرها وسلمت عليها وقالت عن اذنكم بمشي وهذا بن البلاك اللي قلت لك اضيفيهم وراح يساعدونك باذن الله قلت طيب
نسيت الموضوع وجاء قبل شهر او شهرين مااذكر وضفت الرقم وقبل الاضافه طول الفتره ماتكلمت قلت مدري وش اقول الا اشوف في التحديثات وحده تسوي مسابقات اللي يجاوب له بطاقة شحن
وترجع تكتب من فاز
بعدبفتره اشوف تكتب انا بعيده عن الجوال بعد تكتب انا فاضيه اللي عنده طلب او شي يوكز
جيت انا وكلمتها قلت انتي تساعدين قالت اساعد واحقق احلام الحريم بس لانهم مساكين ومغلوبين على امرهم
قلت طيب انا ودي ببيت قالت ابشري افضى من مشرووع واردلك بعدين قالت ولاتدرين عطيني اسمك الكامل اعطيتها قالت صوري بطاقة الاحوال قلت ماعندي قالت مومشكله بخلي مديرة مشاريعي تكلمك
سكت انتظرتها ماردت علي
تركت الموضوع وانشغلت وكل مره تكتب بتحديث انا فاضيه اجي بكلمها وانشغل
لين جاء قبل اسبوع جيت وكلمتها لماقريت انا فاضيه
قلت لها وين هاذي ماكلمتني اول شي سوت نفسها ماتعرفني وتقول ذكريني حريم كثيريكلموني حاولت اذكرها واذكرت قالت هي قاعده تشوف لك بيت اواذا حابه تاخذين مبلغ خذي قلت زين الله يجزاك خير وانا بين صدق كذب بس كلام الحرمه اللي بلحديقه ومدحهم تطمنت
قالت خذي بنها وضيفيها وراح تعرفك هاذي مديرة اعمالي وماسكه كل شي هي راح تتاكد من بياناتك وبعدها مايصيرخاطرك الاطيب
ظفتها وسلمت وردت وبعدها قلت لها انا جيتك من طرف افلانه قالت عطيني اسمك الكامل اعطيتها قالت
عطيني رقم حسابك اعطيتها رقم حسابي قالت صوري بطاقة الاحوالوهي ترسل صوره لبطاقة احوال مبينه فيها صورتها واسمها قلت ماعندي انا مفهمه اللي مرسلتني عليك ان ماعندي
قالت مومشكله بس احنا نبي نتاكد انتي بنت ولالا
ارسلت صوره لنفس البنت اللي هي بس بشعرووجها بدون حجاب قالت صوري كيذا عشان نتاكد انك بنت قلت انا بنت ومستعده اثبت باي شي ثاني قالت طيب بس انتي ماعندك بطاقة احوال صوري نفسك عشان نتاكد انك بنت قلت لا مااقدرقالت وشلون ماتقدرين وانا ارسلت لك صورتين لي قلت انتي ارسلت بنفسك انا ماطلبت اللي فاهمته هينا انهم يحاولن يطمنوني عشان ارسل
بعدين قالت ماتبين تخلصين اجراتك بسرعه قلت بدون تصوير بكره لوحابين نتقابل عند العقاري واثبت اني بنت قالت
انا اعتذر بروح اعلم المسئوله انك ولد صوري نفسك ولاخلاص انسي المبلغ
ولاروحي كلميها اذا وافقت احولك المبلغ بدون تصوير احولك
رحت كلمتها قالت ليش ماتثبتين انك بنت قلت في مليون طريقه وطريقه تثبت اني بنت قالت انا بصورلك عشان تتطمنين ارسلت لي صوره قلت صوري وانتي ماسكه اللي الشنطه قالت وحده كفايه ولابصورلك وانا ماسكه شعري
هينا انا بدية اخاف ارسلت صورتين زياده وقالت يالله صوري عشان ارسلك المبلغ وتشترين البيت قلت لا
مااقدراصور وانا بدى الشك يتملكني
الاالثانيه ترسل وش سويتي عشان احولك المبلغ شكل المسئوله حبتك وراح تحولك
في اثناء ماتحاول ذيك تخليني اصور قلت لا ماااقدر قالت خلاص اجل انتي ولدواحذفتني
الثانيه جتني تقول مستغربه كيف ارسلت لك صورها لانها طيبه وتبي تطمنك انتي ماتبين بيت سكت وتركتها واناافكر
وتجي مره ثانيه تقول وش قلتي تراجعتي ولا لسه باقي قلت روحي انا ماراح اصور وحذفتها
قعدت افكر

احتمال صورالحريم اللي ارسلوها ماهيب لهم احتمال لوحده مثلي اوهموها ولما صورت وعرفوا اسمهابداالتهديد يااما تمشي ورى طلباتهم ولا الفضيحه
انا كتبت الموضوع لتحذير يااامهات ويحريم حتى نننتبه
احتمال هالعينه تكون مع بناتنا بلبلاك لان اوقات تجينا للسته اضافات بنات وتجي بنت تضيفهم وتشوف تحديثات والمسابقات وتقول بس ذولي بيسعدوني لان طول وقتها بتحديثات تتكلم عن مشاريع وغيرصورالعرض وتحط صور شكر محادثات وحسبي الله ونعم الوكيل