استوقفني في المنتدى الاختلاف الموجود بين عادات الخطوبة ... يعني في ناس تبدأ بالحريم ...وناس تبدأ بالرجال اول...
بداية احب ان اذكر مبدأ الخطوبة في الاسلام ...
قال صلى الله عليه وسلم : ( إذا خطب أحدكم امرأة فقدر أن يرى منها بعض ما يدعوه إلى نكاحها فليفعل ) رواه أحمد .
وعن أبي هريرة رضي الله عنها قال كنت عند النبي صلى الله عليه وسلم فأتاه رجل فأخبره أنه تزوج امرأة من الأنصار فقال له رسول الله صلى الله عليه وسلم (أَنَظَرتَ إِليْهَا ؟ ) قال : لا . قال : ( فَاذهَبْ فانظُر إِلَيْهَا فإِنَّ في أَعين الأنْصَار شيئاً) رواه مسلم
قال الإمام النووي رحمه الله "]فيه استحباب النظر إلى وجه من يريد تزوجها" .
طبعا طريقة الخطوبة والعادات ..تختلف من ناس لناس...عشان كذا ودي انكم تشاركوني بعادات الخطوبة لديكم وتناقشون معي ايجابياتها وسلبياتها.
سأبدأ بعاداتنا ...وهي ان ام العريس تكلم ام العروسه .."المهم تعطيها خبر ان بنتكم عاجبتنا ومالى ذلك المهم الام تبلغها ان الاب هو اللي راح يحدد يوم للنظرة الشرعية يعني ينتظرون اتصال منها ... ويكون يوم بسيط جدا .. يعني ابو الولد وامه فقط .. على فنجال شاهي على قولهم .
طبعا من وقت ماتبلغ الام الاب ..يبدأ الاب يسال عن هالشخص..وبعدين يقرر لهم يوم للنظرة.
في عاداتنا ايضا...عندنا ان الام تزور اهل البنت عشان تشوفها في يوم لحاله يعتبر مرفوض جدا... يعني اذا كانت تحب تشوف البنت ...تقدر تشوفها في زواج معين او اي اجتماع اسري ...لكن تزور مخصوص عشان تشوف البنت وبعدين تقرر فهو موضوع مستحيل يرضاه الاباء عندنا في عاداتنا.
طبعا مميزات هالعادة ..ان الموضوع ..مايطول في الرد لازم وهو في بيتهم يعطيهم خبر عشان مايعلق بنت الناس...يعني يجلس الولد والبنت في وجود محرم ... ويكون له مطلق الحرية انه يسالها عن شغلها ..او احيان الاب يخليها تمشي قدامه يعني تجيب العصير او شيء من كذا... المهم يشوفها الين يقول اكتفيت ... ويروح والد العريس يساله ...من وقتها اذا هو مرتاح والا لا ؟؟
اذا حس براحة ...وقال ايوه ... يبدأون تفاصيل المهر والشبكة ... اذا ماحس براحة ... تنتهي الامور وكلا يروح بحاله.
في عاداتنا ايضا ..مستحيل ان الواحد يجي يخطب بدون امه وابوه "مع بعض". .. حتى لو كانوا مشغولين او منفصلين
لازم يجون معه لازم والا مايستقبلهم والد البنت ..الا في حالة انه يتيم ..هذا امر ثاني طبعا.
اتمنى ان موضوعي عجبكم .. وانكم انبسطوا عليه ..الله يوفقكم يابنات ويسعدكم ويزوج كل مخطوبة بين الاذان والاقامة :icon28:
وهذي لكل وحده ترد علي:26:
اتطلع لرؤية مشاركاتكم.
موضوع حلو
احنا معنا اذا مثلا الاهل قرروا ياخذوا هاالبنت
يروحوا الاهل يعني الام والجده مثلا ويجلسوا مع الأم واخوات العروس
ويفتحوا سيرة الخطبه وايضاً تجي البنت ايشوفوها , هذا طبعاً اذا خلاص موافقين يبوها
لانه مامعنا بعاداتنا نظرة شرعيه للرجل الا نااااااااادر اتصير اذا كان الرجل مصرر ايشوفها
, يعني الرجل معنا ياخذ البنت على وصف اهله بسسسس
ويشوفها بعد العقد يعني حظه ونصيبه !!!!!!!!!!!!!
بعد كذا خلاص تبدا الترتيبات للعقد وحفلة الخطوبة .