عاداتكم في تنويم وضبط اطفالكم..الرجاء الدخول

اذا عندك طفل عمره سنه الله يكون بعونك هو اللي يحوس النوم والله اني ما ارتحت لين ولدي كمل ثلاث سنوات ارتحت بالنوم
لانه صار يسهر مع اخوانه ثم ينام معهم
لكن نصيحه اذا جات الساعه 10 طفي كل لمبات البيت ونوميهم والصباح صحيهم والله افضل طريقه حتى لو بكى وطفش شويه وينام لان البيت ظلام
ولازم ينامون بالليل عشان خلايا المخ والنمو

شوفي ياحبيبتي ..
انا عندي بنتين ..
الاولى سنتين و6 شهور والثانيه سنه و6 شهور ..
اصحيهم 11 وافطرهم ونقعد
ومااخلي لهم اي فرصة نوم ابد ابد ..
الا لاصارت عشر او تسع ونص دخلت الغرفه وطفيت المبات وعطيتهم حليبهم ونومتهم ..
ومرتاحه على هالنظام ..

شوفي حبيبتي عن خبرتي بعمر الطفل سنة

لازم ينام باليوم نومتين او باقل نومة وحدة بالنهار

اذا انتي امراءة عاملة فانصيحتي نوميها الظهر لمدة ساعتين ونوميها نومتها اللي بالليل الساعة 9 عشان تصحى بدري معك واذا انتي ربة منزل فالازم ينام نومتين بالنهار عشان يسهر بالليل وينام عالاقل الساعة 11 وصدقيني بيصحى لك عالساعة 10 ونص طبعا لازم في قومات بعز الليل يبي يشرب حليب بس

نفس الشي بكري الوحيد بعمر السنه افكر وش المفروض ينعمل على شان أهو يرتاح وانا أرتاح معه ، بس افكر انه ما اعوده على رضاعه الليل على شأن مساله الفطام بعدين ما تتعبني ..