]انا من نجد ومن القصيم ...العادات تختلف من مكان لثاني....فمثلا البدو عندنا على المعرس كل شي من والى تقريبا زيكم
والحضر يختلفون .....المهور عندنا من 40 الى 60 في الغالب...وعندنا الشبكة مو كل العوايل تسويها فيه ناس يسوونها وكبيرة وتكون على اهل المعرس طبعا ...............
وفيه ناس مايسوون غير ملكة صغيرة فيها القرايب مررة وتكون على اهل العروسه .............
.والزواج اذا اتفقوا انه كبير يكون النص بالنص على اهل العروسين,,,, وبعض الناس على اهل العروسه كل شي من والى ......وبعضهم اهل العروسه الزواج عليهم من والى بس الذبايح يجيبها المعرس ......وطبعا كل شي يسوى برضا الطرفين.والتقديم على اهل العروسه واهل المعرس هم الضيوف.....
وبعض الناس يسوون زواج صغير لبنتهم واذا جت من السفر اهل المعرس سووا لها عزومه كبيرة مثل الزواج بقاعة اوقصر
والمعرس يجيه عونه من اخوانه او القرايب مررة او معارفه والعروسه تجيها هدايا من اخواتها وصديقاتها ...والمعرس عليه المهر والشبكه والهدايا بعد الملكه مثل جوال وشريحه وعطورات وغيره وعليه تاثيث الشقه والصباحيه طقم للعروسه وساعة فخمةاو اي شي وطقم لامها ...ام المعرس تعطي العروسه طقم ذهب اوابوه واحيانا خواته يجيبون هدايا كلن اللي يقدر عليه......هذااللي عندنا....وبصراحه الله يعين رجالكم اا المهر غالي وكل شي عليه حرام الضعيف وش سوى علشان كل هذا ..من وين يدبر كل شي ......وذا اللي خلا اكثر الشباب مايقدرون يتزوجون والبنات وش كثرهن في البيوت ....والرسول صلى الله عليه وسلم قال فيما معنى الحديث اقلهن مهرا اكثرهن بركة.......
واكيد انه بتقولون يتسلف وياخذ قروض ......بس اللي بياكلها الحرمه بعد الزواج اذا الرجال محمل على ظهره ديون وش كثرها عقب الزواج ...................
والاختلاف في الراي لايفسد في الود قضية ...........وهذي عادات وتقاليد كلن مجبور عليها........

تصديقن وربي توي ادري ان عادادتنا تختلف عن بعض<<<< نا يمه بالعسل
احنا نختلف بشئ واحد الملكه على البنت بالنسبه لي عقدنا القران تقريبآ بأسبوعين بعدها سويت حفله كبيره يسمونها عندناالشبكه كانت كبيره بقاعه وكلفتني 25 الف واهل العريس يجيبوا عربيه فخمه يكون فيها طقم الشبكه وساعه وانواع العطورات وشنطة مكياج وأشياء كثيره وتكون مشرعه بلون الفستان عاد هم يتصلوا ويسألوا عن لون الفستان وبالنسبه للمساعده للي تجي للعريس هدي كلها عندنا حتى ام العروس وخالاتها وعماتها يجيهم

لا احنا عندنا الملكه على البنت او اهل العروسه هم يتكفلووووون بالملكه سوا كانوا يبغونها كبيره ااو مختصره

والزواج يكون مشترك على الاثنين بين اهل العروسه والعريس
واحيانا يكون فقط على اهل العريس

نفس حلا الشمال شكلك من الجماعه بس الي تسوي العرس يكون الرجال معطي مهر كبييير ويكون يجيب هدايا وعطورات وذهب والماس حسب قدرته

اهل الجنوب عوايدنا مثل عوايدكم بالضبط كل شيء من الى على العريس واهل العروس يجون مثلهم مثل المعازيم بس يترقصن ماعليهم ولا شيء والمواجيب مثلكم بالضبط سواء للعريس او لام العريس او ام العروس يعني مانفرق عنكم بشيء بس العريس مو لازم 500الي من قرايبه بكيفه بس من الجماعه 100عادي