1/ كم كان عمرك عندمآ صمتي لأول مرة؟
ماذكر يمكن 12 او 13
2/ اذكري لنا موقف طريف حدث لك شخصياً في رمضان..
مامن ذاكره
3/في نظرك ماذا كان يميز رمضان في السابق؟
يميزه بساطته
4/ هل ترين ان ليالي رمضان لاتزالت تحتفظ بنفس نكهتها قديماً ام انها تغيرت .. وماسبب تغييرها..؟
لا تغيرت ليه مادري
5/ في بعض البلدان العربية والخليجية تتجمع بعض الاسر لتناول وجبة الافطار,, في نظرك هل اندثرت الآن ام لاتزال؟ وهل تؤيدها؟ وماهي الفائدة منها؟
لا موجوده بس قلت موب مثل اول وانا اؤؤيدها لانها تزيد المحبه بين الناس
6/علاقاتك مع الاصدقاء في رمضان هل تشعرين بأنها تقوى ام تضعف ,, وماهو السبب؟
احسها تضعف لاني تقل طلعتي في رمضان موي زيا ول
7/أكلة تفضلينها في رمضان لاتكتمل المائدة في نظرك الا بوجودها؟
احب الزبادي والتمر على السنه احس السفره ناقصه بدونها
8/ هل مر عليك رمضان في احد الاعوام كنت فيه بعيدة عن ماهلك؟ وماهو الفرق بين الحالتين؟
نعم مر علي وانا بعيده ووحيده في سنوات زواجي الاولى وكان كل يوم بسنه
9/ صفي لنا حالتك اثناء صومك وهل تشعرين بعصبية في اوقات النهار؟
يعني حالتي عطشانه ودايخه وبس اما معصبه لا
10/ النت ومنتديات حواء تحديداً ماذا تعني في رمضان؟ وهل تختلف علاقتك بها عن السابق؟
عادي لاني مادخل الا نادرا حسب الفراغه واحس اني قبل رمضان علاقتي في المنتدى اكثر من الحين
11/ مشروب تفضلينه في رمضان ولماذا؟
الفيمتو لاني احبه
12/ علاقتك مع اسرتك هل تتغير.. الى الافضل ام العكس؟
لا طبعا الى الافضل
13/ من الاسرة هل تحرصين على حضور احد افرادها على مائدة الافطار اكثر من غيره.؟ ولماذا؟
زوجي الله يحفظه لاني احس السفره ناقصه بدونه
14/ عام شعرت فيه بحزن شديد في رمضان وماهو السبب؟؟
عام 1419 كنت حامل وظروفي النفسيه سيئه
15/ الفضائيات في رمضان تتنافس على طرح مالديها..ماهي نظرتك لما تقدم؟ وماذا تقولين للقائمين عليها؟
فيها الحلو وفيها الشين واقول لهم اتقوا الله في اللي تقدمونه للناس
16/ هل جمعتك مائدة افطار مع احد او بعض اعضاء نعالمنتدى حواء ؟
ايوا جمعتني ببعض افراد العايله وعضوه من عضوات المنتدى
17/تسحروا فإن في السحور بركة.. هل تحرصين عليه؟ وهل تتناولين أي شي ام تحرصين على شي معين؟
ايوا اتسحر بس موب شي محدد اكل أي شي عادي
18/اوجزي لنا يومك في رمضان من الساعات الاولى وحتى السحور..
يومي ببساطه اقوم اصلي الظهر واقرا جزء من القرآن واسوي بخار لعيالي وعلى طول على المطبخ وافطر واجلس بعد الفطور مع ابو العيال نتقهوى واتابع التلفزيون الى 11 وبعدين اقضي باقي شغل البيت من غسيل وكوي وكنس واذا عندي وقت قبل السحور ادش المنتدى <<<< بل قلتي قصة حياتك مايسوى عليها هالسؤال
19/لو قيل لك بأن عجلة الزمان ستدور الى الخلف,,فأي رمضان تفضينل ان ترجعين اليه ولماذا؟
افضل ارجع لرمضان الاول يوم كنت صغيره علشان لمة امي وابوي وخواتي
20/ كلمة من القلب لأعضاء المنتدى في هذا الشهر الفضيل..
اتمنى لكل وحده ربي يحقق لها اللي تتمناه وربي يخلي لها زوجها وعيالها واللي موب متزوجه ربي يزوجها قبل تنتهي ذي السنه
منوره / عالم حواء الجديد 2
والله يخلي لك عيالك وبناتك
ويرحم اخوك