كل بنت نفسها تكون جميلة .. لكن للأسف فى عادات غلط بنعملها فى حياتنا من غير ما نقصد بتأثر بالتالى على بشرتنا زى ايه :
الجوالات : يعتبر الجوال دلوقتى حاجة مهمة جدا فى حياتنا لدرجة إن طول الوقت ماسكينه منقدرش نستغنى عنه ولما بيرن الجوال بنحطه على بشرتنا وبيكون مليان بكتريات من الجو فبالتالى بتنتقل لبشرتنا على طول طيب الحل ؟؟
نستعمل سماعات الجوال علشان نتجنب ملامسة الجوال لبشرتنا .
تانى حاجة معانا : المياه الساخنة : ودى بتأثر كتير على البشرة لآنها بتخلى البشرة تفقد الزيوت الطبيعية اللى بتغذى البشرة ده غير إنها بتزيل الطبقة الدهنية اللى بتعمل على ترطيب الجلد ده غير كمان بتعجل من ظهور التجاعيد على البشرة .
الحل ؟؟
نستخدمة المياه الفاترة .. مياه دافية ..
تالت حاجة بقى : المخدة أو الوسادة : دى تعتبر بيئة خصة لتجميع البكتريا والزيوت اللى بتكون موجودة فى بشرتك .. علشان كده لازم نغير أغطية المخدات باستمرار وغسل الاغطية بالماء الساخن لقتل اى بكتريا ..
وكمان حاجة مهمة جدا خلايا البشرة بتتجدد واحنا نايمين فخلايا الجلد الميتة بتفضل على المخدة وبكده ممكن أوى تسد مسام البشرة بتاعتنا علشان كده لازم نهتم بتنظيف بشرتنا ونغسل بشرتنا قبل ما ننام .
رابع حاجة : كريمات البشرة :
أهم حاجة تكون كريمات أصلية .. وكمان فى نقطة مهمة لما بنكرر استعمال كريمات البشرة لفترة طويلة بتفقد مفعولها وبالتالى بتقل تأثيرها على البشرة .. علشان كده نحاول نجدد كل فترة الكريمات اللى بنستعملها وكمان تكون مناسبة لنوع بشرتنا .. وبعدين كل سن ليه منتجات بتكون مناسبة له ..
خامس حاجة : ناس كتير متعودة على اللبان ( العلكة ) بصفة مستمرة .. وده غلط لأنه على المدى الطويل بيسبب تجاعيد جوالين منطقة الفم والشفايف ويخلى الجلد كمان يفقد مرونته ..
فالأفضل نستعمل اللبان على فترات .
أى استفسار انا تحت امركم
د/ صفاء أبو العزم @d_sfaaa_abo_alaazm
عضوة فعالة
يلزم عليك تسجيل الدخول أولًا لكتابة تعليق.
أماني فيصل
•
ymahaaa :
بسال من كريم عنايه للوجه للبشره العاديه ايش افضل كريمات وبالنسبه لواقي شمس افضل ماركهبسال من كريم عنايه للوجه للبشره العاديه ايش افضل كريمات وبالنسبه لواقي شمس افضل ماركه
كريم طبي يا قمر ؟؟
الصفحة الأخيرة