والله ياقلبي ماعتقد يختلفون كثير عن السعوديه
لكن المهر يترك لهم يحددونه بوقت عقد القران

وباقي التفاصيل حلو يكون فيها لمسات سعوديه شي بما ان العريس سعودي :)
والامور الي تخصهم اكيد بيسوونها باسلوبهم البحريني احس حلو كذا كلن يتمسك بعادته ويطلع العرس مميز وحلو بس طبعا بتنسيق بينكم

وربي يوفقهم

..
.

هلا حبيبتي
ان شاء الله اقدر افيدج ببعض المعلومات اول ما يجيون اهل المعرس علشان يخطبون يجيبون معاهم هديه حق العروس وكل من على حسب استطاعته الماديه اذا انتوا ميسورين الحال قدموا له شي من الالماس مثل ساعه من الالماس بتكون حلوه وتبيض الوجه واهم شي طريقه تقديمه لازم تاخذينه عند محل الورد وتغليف الهدايا وتاخذين معاه شوكلاته تكون من الاماكن الراقيه مثل باتشي ويكون تغليفه راقي وحلو بالنسبه حق المهور يختلف من عيله الى الاخرى على حسب استطاعته اذا كان ميسور الحال مثلا 5000 الاف دينار وما فوق غير ان يشتري له شبكه من الالماس مع دبله الماس وطبعا تكاليف العرس بيكون كله على المعرس وعن مراسيم الزواج تروح العروس تحجز القاعه في اي فندق ان شاء الله افدتج ببعض المعلومات الف مبرووووووووووووك

انا اعرف عائلات بحرينه وحضرت زواجات عندهم
ترى ما يختلفون عنا
نفس الشي
الخطبة والمهر والشبكة والزواج والملكة كلها زينا

والله يوفقك اخوك ويتمم له على خير ويرزقه بالذرية الصالحة

الله يجزااااااااااااااااااااكم خير خواتي على ردودكممم كفيتو ووفيتو
بس ابي اعرف بالشوفة شلون بيكون الوضع
هل البنت تطلع عادي عندكم بدون حجاب ويشوفها
او بعباتها وحجابها ؟؟

والله يختي يا ام سيف عندنا الوضع عادي..
اذا جا يخطب اهل المعرس يجيبون معاهم شي هم وذوقهم ايش يجيبون.. ناس تجيب حلويات وكاكاو... ومدري عاد اذا كان فيه اكثر من كذا..
اذا جا يشوفها حنا عندنا تطلع بعباتها وطرحتها.. اغلب الناس اللي اعرفهم بهالطريقة..
يوم الملكة لازم يجيب لأم العروس هدية تكون حلوة وراقية.. ذهب.. الماس.. ساعة..
شبكة العروس ودبلتها هي تطلع تختارها وعادة تطلع مع العريس وامه وامها ويختارون الشبكة والدبل..
عاد بعد الملكة خليها هي تعلمه على باقي الحاجات والف مبروك مقدما :)