مع اني مو بحرينية بس حبيت اشارك بالموضوع لان عندنا قرايب ونسابة هناك من الشيوخ ومن العوايل الكبيرة ( القبايل )

وحبيت ارد على هالجزئية اللي سبقتني لها الخالدية جزاها الله خير على مشاركة اخت في الموضوع

بنات العوايل الكبيرة او القبايل بشكل اصح ,,, مايرضون بنتهم تطلع مع المعرس بروحها او انها تبات عنده

هذا الشي منقود عندهم ومو من سلومهم ,,, لأن الملجة عندهم يعني بمثابة الخطوبة
حتى ان البعض مايقبلون يدش عليها غرفتها في البيت

واذا يبي يزورها ,, حياه الله في البيت واذا كان يبي يطلع معاها لأمر ضروري او انه يبيها تختار شي
لازم الام تكون معاها او حد من اخوانها ,,, مع ان هالشي نادر يصير

واللي اعرفه العوايل الكبيرة في البحرين مهورهم تبدأ من 50000 ريال ,, هذا اذا مثل ماتفضلت اختي الشامخة ,, كان اهلها مو محتاجين وهم قادرين القيام بتكاليف العرس ,, ومهرها يحطونه لها في حسابها

واكثرهم يعطون 70000 ريال الى 100000 ريال ,,, وطبعا الشيوخ تتفاوت في المبالغ العالية


انتوا اول شي لازم تسوونه ان الحريم عندكم يتصلون على ام العروس ,, تكلمونها وتحددون موعد

بعدين تصير جية الحريم لأم العروس ,,, تتكلمون بنبذة عن المعرس

منهو منه ووظيفته والامور الاخرى اللي تهم اهل العروس

بعدها الام تطلب منكم فرصة للسؤال عنكم

وبعد مايسئلون ويقتنعون ,,, تتصل الأم وتقول لكم حياكم الله او من الممكن اذا طولت تردون تتصلون انتوا فيها ,,

هني يجي دور المعرس ووالده او عمامه يجون لوالد العروس علشان تحديد موعد الملكة والمهر والامور الاخرى

هذا اللي اعرفه وحبيت اساعد فيه


تقبلي مروري :26:

اولا بالبركه يا قلبي
ثانيا المهر انتو وكرمكم يعني كم بتعطونها ويفضل انكم تقدمون المهر معاه ذهب او الماس او عطور او ساعه كشخه جذي يعني ان مع المهر يكون في هديه
انا خطيبي لما يه خطبني يوم الملكه ياب المهر في صندوق خشبي صغير موجود داخل صندوق خشبي كبير هذا الصندوق الكبير فيه عطور وقطع قماش غاليه جدا بعضها هندي وطقم ذهب وخاتم الماس لي وخاوتم ذهب ثقيله لامي وجدتي
اما عن الملجه يعني ممكن تطول لسنه لكن يفضل ما يطولون فيها وترا مو كل العوايل عادي ان البنت تتأخر معاه وتطلع لوقت متأخر في بعض العوايل ما ترضى يعني على حسب
اما عن الحفله يعني تكون ميزانيتها لها غالبا تكون في فندق والفستان ومصاريف الحفله على المعرس وتكون منفصله عن المهر
والشبكه العروس الي تختارها
والله يتمم لكم بخير ان شاء الله
واي سؤال انا حاضره

انا مش من البحرين لكن رايي من راي الشامخة الخالدي والله يوفقكم ويسر لكم

انا اهلي مايرضون ابات معه في البيت يقولون لي عيب في الخطوووبه
اما عن المهر اتوقع لازم تسألونهم عادي مافيها شي والشبكه البنت اللى تختاره
ومصاريف الحفله على المعررررس
والف الف مبررررروك

الله يجزاكم خير خواتي
طيب معناته انه لما يتم الموافقه وتتم الخطوبة نقدم لهم المهر بدون شبكه وهي تروح تختار شبكتها معاه ؟ ولا نحسب قيمة الشبكه ونضيفها للمهر ؟؟ وهم يشترونها عقب بالملكة يجيبونها ويلبسها اياها ؟
وبالنسبه للفستان هم اهل العروس يطلبون نشتريه لها ولا نحسب قيمته ونضيفها للمهر من قبل ولا عقب الملكة يعطيها المعرس قيمته بدون ماتطلب هي ؟؟