nouf ahmad :

و عليكم السلام ورحمة الله وبركاته عاداتنا أهل بريده يمكن مو كلهم لكن قرابتي هذي عاداتهم / أولاً كيف تكون الخطوبه من لازم يكون مع الخاطب ؟ الخطبه عاديه يا يحبها و يبيها يا تنذكر له يا يشوفها في مكان و تعجبه و اللي يجي مع الخاطب وقت الخطوبه أبوه و أخوانه أو أعمامه أو خواله اللي يبي و ممكن تجي الأم وبناتها بدل الرجال في أول مره / ثانياً يوم الملكه أيش لازم يجيب العريس من هدايا كم يكون مهر الزوجه وكم لازم يكون سعر الذهب الي تشتريه ؟ يجيب هديه لعروسته ذهب أو ألماس طقم أو ساعه و المهر غالباً من 40000 فما فوق و الذهب هي تشتريه من مهرها اللي تقدر عليه تشتريه ماله تحديد معين / ثالثاً وكم تقدر تكلفت الزواج ؟ إذا قصدك الزواج بشكل عام يكلف كثير خطبه وملكه و هدايا و حفل زواج و بيت و أثاث و سياره ما أقدر أحدد أما إذا قصدك حفلة الزواج يختلف كثير فيه ناس تستأجر قاعات كبيره و يكلف من 50000 إلى 60000 و فيه ناس تستأجر قاعات صغيره بأقل تكلفه و فيه ناس تستأجر أستراحات خاصه للمناسبات و كمان تكون أقل تكلفه و فيه ناس تسوي عرس للرجال بس من غير نساء و يكلف أقل بكثير وهل تكاليف الزواج على أهل العروس أم على العريس ؟ التكاليف غالباً على البنت من مهرها إذا كانت تبغى زواج كبير و أحياناً أهل العريس يقولون نبغى زواج كبير و يتشاركون في التكاليف وأيش الهدايا الي لازم تقدم للعروس من أهل الزوج وللعريس من أهل الزوجه ؟ الهدايا من أهل الزوج للعروس كلها ذهب أو ألماس و مبالغ ماليه و من أهل العروس للزوج هذي ما يعطونه شيء إلا إذا بينهم صلة قرابه وأيش الهدايا الي لازم تقدم للعريس والعروس من الأقارب وأيش الهدايا ؟ العروس معروفه عندنا ذهب أو ألماس أو مبالغ ماليه و العريس مبالغ ماليه أو سياره أو مساعده في ثأثيث البيت أو ساعه أو قلم تتعدد خيارات الهديه للعريس كثيره و الهدايا الي تقدم لأم العروس وأم العريس ؟ عندنا أم العروس تنعطى ذهب و أم العريس لا ما تنعطى شي إلا إذا رجعو المعاريس من شهر العسل يجيبون لها هديه و خياراتها كثير و متعدده

و عليكم السلام ورحمة الله وبركاته عاداتنا أهل بريده يمكن مو كلهم لكن قرابتي هذي عاداتهم...