عادات وتقاليد اهل الزوج

موضوعي للنقاش والفضفضه،،
عادات وتقاليد اهل زوجي في صالحهم كلها بس انا كسرت القاعده في بعضها هههههههه لانها ظلم ،،وهالعادات موجوده في كل عوائلهم مو بس اهل زوجي ومن زماااااان وبهالسبب الطلاق عندهم كثير ،،


ام زوجي بين فتره وفتره تعطيني محاضره ان زوجه الولد لازم هي اللي تزور اخت زوجها وتكلمها وتعطيها الهدايا بس هذا الشي مو من حق زوجهالولد وعيب عندهم لان هذولا الحموله لازم تكسب رضاهم !!!! بس انا ماسمع الكلام 😬

واجب عليك تخدمين اخت زوجك في بيتك وبيتها وبيت الحموله بس هي ممنوع تشيل صحن سواء عند امها او عندك ،،وابو زوجي عطاني محاضره عشان هالموضوع يبوني اخضع غصب !!!
اذا اخت زوجي جت من سفر يبونا نروح نستقبلها في بيتها واذا جت مسافره لازم نروح نودعها واذا وحده منا تخلفت ياويلها !!!

ممنوع ولدهم يودي زوجته مناسبات اهلها او عند خالاتها وعماتها او اقاربها ولازم اهلها يقومون بهالشئ !!!!

والعاده المضحكه اذا مات احد من عائلتهم بناتهم يروحون العزا ساعه وانا وسلفاتي يجبرونا نجلس ثلاث ايام متواصله وكأن الميت قريبي مو قريبهم !!!

ممنوع نتجمع انا وسلفاتي لوحدنا بدون احد من اهل الزوج او نروح عند بعض يقولون تبون تشوفون بعض تجتمعون في البيت العود وغير كذا لا ،،،

القهوه ممنوع تشربينها انتي وزوجك في بيتك لازم فالبيت العود تبين تشربين لوحدك عادي بس زوجك يتقهوى معاك ويخلي قهوة اهله هذيجريمه عندهم 😕

لو ام الزوج تعبت تعب حتى لو بسيط زوجات الاولاد عليهم الفطور والغدا والعشا ،، وبناتهم والخدامه ماخذين اجازه

ملاحظه ان لازم في كل عائله وحده من زوجات الاولاد مستعبده رسمي وماابالغ يعني تصير مرافقه لام الزوج تخدمها على طول حتى برى البيت وزوجي كان ناوي يخليني الحارسه الشخصيه لامه بس وقفته عند حده والله يقويني اكثر واكثر خخخخ
هذي ربع عادات وتقاليد اهل زوجي وانا وسلفاتي كرهنا اخوات زوجي بسبب التفرقه فالمعامله واللي حلال عليهم حرام علينا ،،،
كيف عادات وتقاليد اهل ازواجكم السيئه وكيف تتعاملون معاهم انا مرتاحه من تمردي الحمدلله 😅 بس زوجي مب عاجبه شوي ويطلقني