ههههههه يا عمري يا احلى حواء ..
لو بقول عادات اهل الباحة من زمان ما راح اخلص .. لانها كانت كثيرة بس حلوة ببساطتها..
وكانت السعة في القلوب .. قد ما يتعبون قد ما ينبسطون ..
وكانوا خلطي :22:
كانت العرضة رجال و حرمة رجال وحرمة عادي القلوب صافية .. وما كان عندهم علم بالدين ..
الله يرحمهم ..
بس الحين خلاص فهموا الدين والتزموا به الحمدلله..


اما بالنسبة لغرفة العروس .. تكون على العريس ..
الا اذا اهلها قالوا خلاص حنا نجيبها .. يمكن
او اذا لها غرفة في الباحة وغرفة في الرياض او اي مدينة ثانية .. ممكن تكون وحدة منها عليها ..


وبس
شكرا لك بنت حمص..

موضوع جميل وانا من الباحه وكانوا بعض الامهات ينامون في بيت اهل العريس عشان تكون اول يوم جنب بنتها لو احتاجت شي مثلا تبغى تغير مفرش سريرها او تساعدها في اللبس في صباحيتها بحكم انها تستحي من اهل البيت ....وياورده مشمشيه احنا في قريتنا الساعه تسع واحنا في بيوتنا مثلكم ونستخسر الوقت الي قعدنا نحرق شعورنا فيه ونتكشخ مايمدينا نروح الاواحنا راجعين يازين الديره وزواجاتها واحلى ما فيها ان الحريم يلبسون حشمه وساتر اكثر من المدن واهم شي مافيه موسيقى ومحرمات اللهم لك الحمد

مشكوره يابنت حمص موضوع حلووو مره ياعسل اماحنا ليلة العرس وتنزف العروس حول 12 ويستمر الزواج للفجر واليوم الثاني اسمه صباحت العروس ويجونها العاائله المقربين وتتقدم للعروس الهداياوبظهر غداء عند ابو العروس

بس سين سؤال لبنات الرياض
يقولون العروس عندكم ماتدخل على الحريم في قاعه الزواج
يعني تلبس الفستان وتتزين لزوجها بس ومافيه حد يشوفها غيره
ودي اعرف صحيح هالكلام والا؟

صحيح في عوايل كثيره يسون كذا والعادات تختلف من قبيله لقبيله

انا اتكلم عن القبيله بالكويت العرس كان عندنا 3 ايام اول يوم يتجمعون الاهل والاقارب وتصير طقطقه ورقص وتبدا من الساعه8 الى الساعه 11او12 يعني بعد العشا ويجون اهل العروس ويبون دزتها وتكون جاهزه شقتها ومجهزين الحلى والفطاير والمعجنات والشاي والقهوه لهم
ثاني يوم الحوسه ودوخت الراس بس اونس شي من الصبح واحنا بالفنادق عشان المكياج والشعر والعرس يبدا من 9الى 12 ونص وفيه طقاقه او فنانه ورقص وناسه وحلويات من كل مكان واغلى الانواع واشياء غريبه وعجيبه كلن تقول عرس ولدي فيه فناتك واشياء محد سواها قبلي من غير القاعه وبكم كلف حجزها وتلبيسها والكوشه والخدمه وتزين الحمامات وانتم بكرامه وتجي العروس على 11 وتدخل على اغنيه لفنان يتغنى فيها وباسمها مسبوقه بقصيده مكتوبه فيها لشاعر معين تمدح فيها اهلها ونفسها وزوجها
بعدها يدخل المعرس ويدخل معاه عمامه واخوانه وخواله وعيالهم وهني الوناسه الرقص كلن يرقص مع اخته او زوجته او بنت عمه
ومن الميك اب الكثيف محد يعرف منو هذي الله يرحمهم برحمته يشوفون هالمصبغات على قولة ابوي الله يطول بعمره السالفه خبصه بخبصه
ويطلع المعرس مع العروس وتكون السياره واقفه برا مع عدد من السيارات يروحون فيها مجموعه من الشباب والبنات ويشغلون الاغاني والرقص ومرات اذا صادفتهم الاشاره حمرا يوقفون بالشارع وينزلون يرقصون بالطريق وناسه ولما تصير الاشاره خضرا يركضون لسيارات ويركبون وبعد مايخلص العرس يتجمع قرايب المعرس خالاته وعماته واهله بالبيت على العشاء ونتفرج على شريط العرس ليما الفجر
ويكون ثاني يوم عندنا حفله عائليه تنزل فيها العروس مع المعرس والكل يلاقيهم باليباب كللللللللللللللللللللللللللللللللللوش
والاغاني والرقص ليما المغرب
وسلامتكم بس هالايام صار العرس يوم واحد وبعد اسبوع مسائيه رقص واغاني وعشا