هههه تذكريني ب اخوي من ابوي الله يسعده نفس طباع ابنك واخس بعد
هذا اخوي تربى معانا
مستحيل تلاقي احد يكرهه الكل يحبه
طييييب فوق ماتتوقعون بس فيه عادة برود الدم هذي كان مجنن ابوي فيها
والله كان ابوي يصحيه بالضرب والموية الباردة عشان يقوم
ولا قام لف علينا واحد واحد يبغى يسولف معانا
وابوي ماسكه يا ابن الكلب ياحقير يلا ياوسخ روووح
مواقفه طريفة جدا وخصوصا مع ابوي يقوم يمسك ابوي ويبوس فيه ويعضه وابوي يوخره وهو يضحك
امي كانت تقوله انت مكانك تصير فنان كوميدي مايليق عليك الا كذا من كثر دمه ماهو خفيف والله زارع له القبول بين الناس
عندنا بالفيلا كان ابوي زارع شجر كثير ويوم دخل اخوي هذا ثالث ثانوي ابوي عطاه سيارة
صار يغيب عن المدرسة ويروح يتخبى بين الشجر بسيارته وينام
واخواني الشباب مسكوه وقالو ل ابوي
وابوي مسكه ذاك اليوم
للحين ما انسى يوم كلمه جوال قدامنا بالصباح
يدق عليه يقوله ها ياولدي ياحبيبي بشرني ياقلبي عسى وصلت المدرسة ياروحي
وذاك يقوله اييه ي ابوي وصلت والحين قاعد بالحصة سكر سكر ما اقدر اكلمك
وابوي يقوله الله يرضى عليك ياحبيبي بقولك شي بس
وذاك يقوله سم ابوي
يا ابن الكلب انا واقف وراك وانت نايم بين الشجر اطلع ياكلب يا ابن الكلب
وماتشوفون الا صوت سيارته والفرامل دعس برا الفيلا كلها
الله يسعده والحين كبر وصار منصب وشغال في ارامكو وقريب نخطب له ولسا على نفس الموال معانا
مستحيل يمر يوم ومايحارشني فيه على الواتس او الجوال
soumeea
•
الصفحة الأخيرة
واخرتها وهو نازل من الدرج قاعد يعد عدد البلاطات من عند غرفته لباب البيت 😅😅😅😅
انا ميتة ضحك وصوت صراخ ابوه وشتائمه وصل للشارع وهو ولا على باله
ب اي مكان هو كذا
لاخذته مول نجيب اغراض للبيت يلف المول كله
كل شوي الاقيه طلع من مكان وماشي بروقان وانا اعجل معاه وهو ساكت
حركاته غريبة جدا تجلط الواحد