السلام عليكم ورحمة الله وبركاتة
عندي عضوية قديمة بعالم حواء ليش بندت ماادري وحاولت استفسر وماكو رد ؟؟؟
بنات بستفسر شي ..اخوي خاطب من ناس عوايل كبارية بالرياض وحنا الحمد لله اقل منهم بمستوى واحد فقط
وحددن الملكة قلنا للبنت تعالي القاعة رفضت وقالت انا مااروح قاعات ومن ذا القبيل سكتنا قلنا يمكن عاداتهم غيير
بس اهل البنت سوون حفل بروحهن وعندهن استراحة ويوم اخوي قال يلا روحن لبسوا الشبكة للبنت من عاداتنا مايلبسها الرجال ولا يشوفها الا بالزواج
قلنا يله وروحنا لبيتهم الا نشوف ظلام دامس للبيت وكانه اهله مسافرين دقينا عليهن قلنا عالماشر ليش بيتكم مظلم وكيذا قالوا حنا باستراحتنا بالمكان الفلاني
كلنا استغربنا من الموقف حنا متعنين مسوين الحفل بالرياض لو داريين ماسويناة بالرياض سويناة ببريدة وخلصناا وليش سووا حفل لحالهم وليش هالناس شايفة حاله
نزلنا والا عالم ..بهالاستراحة حسستني كأني بزواج مو ملكة
دخلنا ورحبن بنا وكيذا وشفنا البنت قاعدة زي الكووشة ..استغربناا وكلنا ملجومين ..سكتنا ورقصنا معهن واستانسناا
أخوي هالحين معصب وحالته حاله ليش وحنا ليش مايجون عندنا وليش حنا مو مستواهم ولاكيف وحلف انه يطلق البنت بس هديناه
البنت هالحين قالت ماتروح قاعات واهل البنت كمان ..شفناهم بقاعة زواج بنت خالتهم ويرقصون ومستانسين وعازمينا فيه بعد
بس ماقلنا لاخوي عن يتهور علينا
حددنا موعد الزواج ورحنا نبغى ننسق مع البنت عالكوشة والتنسيق بالحفل وعن اختيار القاعة انفجعنا قالت انا من قالكم بروح القاعة انا ماحب اروح والا اهلي يجي ياخذنا من بيتنا
البنت باين انها مو قواة في عينها ولا قله ادب ولا اهلها بس قايلة لنا باسلوب يعني مو اسلوب قلة ادب ..
وتحب اخوي حيل وهو كمان يتبادلوا بالهداية بس مايشوفوا بعض >>عاداتنا كيذا حنا طرف التوصيل :09:
حنا حددنا القاعة وخلاص قلنا عادي ماهوب حنا اول ناس العروسة ماتجي القاعة
الا اكتشفنا بالزواج انهم بقاعة ثانية ومسوين حفل لحالهم واخوي عصب وحلف قال الليلة بس هاذي هي معي وبعدها حطلقها وبوريهم مين انا
ودخل عليها وقعدوا صوروا بالكووشة مع بعض كأنه زواج ثاني
بعدين قامن يتعذرن حنا مانقصد وحنا مانحب ناس تصرف علينا وهذا زواج ماهو صرف ..حطيتوا يدكم على يدنا ونصير متاسويين بس ماهو بهالطريقة
وانتشرت هذي الظاهرة عندنا بشكل كبييير وبتصير موضه
يمكن حنا بنخرب برستيجهم ويبون يعزمون ناس مايبونهم يشوفونا ترانا حنا ذوق وضيوفنا ذوث ولا مااعرف وش قصدهن بهالموضوع
والحمد لله اخوي هدى وصار لهم اسبوع وحنا عايشين بخوف وترقب واخذته على جنب اقول اخبارك معها يقولي انا عايش احلى ايامي
بس سؤالي ليش هالحركات الغريبة ...يعني هما صحيح كبارية بس عائلة متواضعة ماتعرف للتكبر والغرور طريق بس مادري ليش هالحركة ؟؟
ياريت اسجــــــل @yaryt_asgl
عضوة جديدة
يلزم عليك تسجيل الدخول أولًا لكتابة تعليق.
تصدقين غريبه ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ <<<<<<< علامات استفها م
الصفحة الأخيرة
الله يهديهم