ام: سعاد :

ام: سعاد : @am_saaad_6

عضوة نشيطة

عادة مضايقتني

الأسرة والمجتمع

السلام عليكم بنات فيه شغله مره مضايقتني وخايفه الناس تاخذ فكره شينه وخصوصا اني احبه وهو طيب
زوجي رجال محترم وكريم وله سمعته الاجتماعيه لكن لما يكون عندي حريم
مايحسب حساب يعني مثلا يجي يدخل لحد المطبخ ويكونوا احيانا معايه في المطبخ سواء خواتي
او قريباتي فيه رجال ماشاء الله لازم يراعي النقطه هذي والله اخوي ماشاء الله يدق الجرس من
تحت يقول فيه احد بطريقي بصراحه مقهوره من جراءت زوجي يعني يدور ولا كأنه فيه احد

حسيت ان خواتي لاحظوا هجومه المباغت وخايفه تترسخ الفكره

انا قلت له لما دخل انتبه وش فيك تهجم بس عادي عنده:icon33:


سألتكم بالله احتاج ردود ذكيه وافكار عمليه
28
2K

يلزم عليك تسجيل الدخول أولًا لكتابة تعليق.

تسجيل دخول

اجمل لقاء
اجمل لقاء
بعض الرجال كذا ماعندهم ادب عشوائي مره ومايحسب حساب للاشياء

خوات زوجي كذا الرجال عندهم يدخلون فاي مكان يبون وبدون صوت
عشان كذا انا مااروح لهم بتاتا وزوجي كمان مايبغاني اروح عندهم


بس هم ناس كبار فالسن وطبعهم كذا وفي قريه بعيده عننا


لكن انتي عطي زوجك فكره ترى الرجال مايحب احد يهاوشه انتي عطيه فكره غير مباشره

يعني قولي له امثله على كذا

ان والله فيه فلانه زوجها اعوذ بالله مايحترم احد اذا كان في بيتهم نساء ضيوف يدخل عادي وماعليه من احد

وصارت مشاكل والحريم زعلو وقالو ايش هذا ماعنده ذوق وحيا


يعني انتي فهميه بطريقه غير مباشره عشان مايعند
ام: سعاد :
ام: سعاد :
مشكورين بنات انا سبق ولمحت له انه على الاقل ينحنح

المشكله انه يوصني اذا رحت لأحد مااجلس بوجه المجلس ولااتحرك من مكاني

بس صراحه بعض الرجال الله يستر عليهم يطلع من البيت اذا عرف انه حريم بيجون زوجته

ومايرجع الا اذا دقت عليه وقالت خلاص

اختي والله انك صادقه شكلي خلاص ابطل اي احد يجيني من جد قلبي يعورني اذا جوني اهلي وعلى اعصابي

الله يهدي الجميع بس احتاج افكار زياده تخليه يركد ويحترم على الاقل ضيوفي :(
حلا11 نجد
حلا11 نجد
بعض الرجال فيهم شفاحة اللهم يا كافي

الله يهدديه ويرزقه غض البصر
بترفلاي ستايلش
اسمحي لي

بما انه يحذرك اذا رحتي لاحد من الجلسة قدام الباب معناها انه يتعمد مو فاهي

انا اللي اعرفه ان الضيوف ما يطلعون من مجلس الحريم ابد الا خوات زوجي ممكن يدخلون المطبخ بس غير كذا ما احد يتحرك من قسم الحريم
وهو قولي له بصريح العبارة ... عيييييب تدخل
وانتي بلغيه اذا جاك احد واذا ما نفع قفلي الباب اذا عندك ضيوف
الجدة الصغيره
الباب اللي يجيك منه الريح سده واستريح....لاعاد تعزمين احد والحمد لله...