عاديه وقبيحه مفروض زوجها يخونها

هههههههه سلامات حبيباتي وش فيه المنتدى قايم قاعد على البنات العاديات ومتوسطات الجمال وحده قبل فتره منزله موضوع انه قريبتها العاديه تبي تتزوج امير وتضحك على حلمها والمستفز ان كل الردود خليها تستريح دامها مش ملكه جمال والثانيه مستغربه انه ولد عمتها للحين ماخان ولا تزوج على زوجته السمينه !!!!
ياهالمسكينه اللي حاسدينها على كل شي زوجها دلعها قلتوا اوف زوج فلانه مدلعها ويحبها وش لاقي فيها !!! يعني الجميله هي اللي مفروض زوجها يدلعها والعاديه يضربها كل يوم ويتفل في وجهها !!!!
واذا تزوج ع الجميله قمتوا تصيحون جميله مزيونه وش ناقصه يوم يتزوج عليها حتى لو انها حيه من تحت تبن قمتوا تهاجمون الرجال والعاديه لاتزوج عليها سكتوا كلكم وقلتوا من حقه يتزوج عليها
واذا خانها اول شي تكتبه انا جميله ليش يخوني !!!!
اذكر مره كنت جالسه مع امي واختي وجت اختي تسولف تقول ل امي كلمت خطابه وفيه واحد من شيوخ احد الدول الخليجيه طالب بنت تكون من القبيله الفلانيه اللي هي قبيلتي وطالب جسمها يكون حلو ومخصر ، المهم قالت ل امي وش رايك اقولها على فلانه اللي هي انا تقصدني قالت امي هههههه وش بيلقى في فلانه ماهي جميله مع اني عاديه وانا متيقنه انه عندي مزايا كثير غير جمال الوجه قالت امي مفروض ياخذ فلانه وحده من جماعتنا هذيك المزيونه صدق ههههههه متخيلين مع ان الرجال ماطلب مزيونه طلب جسم ومن القبيله هذيك وامي على طول ربطت الفلوس والعز والمشيخه بالجمال
هذي نتاج الحشو سنين وهم يقللون من حقوق البنت العاديه مستكثرين عليها حب زوجها لها ياخي الحب من الله ماله دخل الجمال هذا غير الحش وااو سفرها زوجها بالله ؟ وش لاقي فيها يوم يسفرها يع مع انه مزيون ، واذا اخذت غني يالله هنا يجلسون شهور يحشون فيها واهم شي ايه ارزاق حظ الملايح في الارض طايح وحظ القبايح في السما لايح يمه يمه يالحسد ، ولا اللي تقول ماتدرين يمكن لاقي فيها شي حنا ماندري عنه ههههههههه !!!! ليش لايكون ماخذ غوريلا ولا كائن مشوه عشان تقول هالجمله !!!!!!!
والجميلا الدلوعا لو تاخذ واحد متزوج او مطلق زعلوا قالوا اوف جميله وتاخذ واحد معدد والمسكينه العاديه لا وافقي على معدد وتنازلي واحمدي ربك بعد عشان انتي انسانه درجه ثانيه مالك مزايا مثل الجميله