عادي جدا وش فيها انتي ارتاحي فتره عند اهلك وغيري جو وهو يغير جو

بعدين غالبا الرجال اول سنتين من الزواج تكون فيهم حركات العزابيه

من جمعه شباب واستراحات وقهاوي :) بعد كذا يصير بيتوتي 100%

خليه يروح وبعد كذا لاحقه عليه

ماتلاحظون ظاهره سفر الأزواج لحالهم زايده السنين الاخيره .........؟
اكره ذي الحركه كثيييييييييييييييييييييييييييييير ,
والصراحه مهما جاملت الزوجه وسوت نفسها راضيه وحاولت تتنسط بغياب زوجها مع اهلها ألا أن سفره يظل جرح ماتنساه .
الله يهدي شبابنا وازواجنا ويجعل خيرهم لأهلهم .

انا ماادري ليش تكبرون السالفة؟؟
وش فيها اذا سافر الزوج مع اصحابه واستنانس وانبسط .. واذا رجع سافر بك؟؟؟
بعض الحريم تحسب انها اذا تزوجت خلاص تملكت الزوج ومايتحرك الا معها ؟؟؟

يااختي: انا زوجي ( والله العظيم) مدمن سفر .. كل عطلة اسبوع لازم يسافر.. وبالاجازات يسافر مره مع اخوته.. ومرة ثانية مع اصحاب الدراسة.. ومرة ثالثة مع اصحاب الاستراحة... ومرة رابعة مع عيال حارتهم قديما .. وهكذا.. يعني الاجازة كلها تروح ماجلس بالبيت يوم واحد..خليه ينبسط ويشوف حياته.. بس المهم انه لنا حق حنا يسافر بنا في الاجازة .. والباقي مخليته على راحته ..

شوفي بشكل عام انا ضد ان الوحده تحكر زوجها ولايسافر مع ربعه بين كل فتره ...بس في حالتك لاااااااااا والله تدرين ليه؟؟؟!!!

لانه زي ماقلتي بغربتك ماكان معاك حتى المبيت يبات برا في الاغلب ...لو كان مقابلك طول الوقت زي

غالبيه الي متغربين يمكن بس في حالتك ماامداه يمل منك....((المطلوب منك الحين:

اتبعي كل وسائلك الدفاعيه بس برواق ودلع وجرعات مكثفه من الكلاااام الحلو ؟؟؟ليه :لانك في بدايه

حياتك والا لو انك مخضرمه كان قلت سفلي فيه ووريه العين الحمرا والخضرا بعد
في حالة مافاد فيه لاتبيني انك استسلمتي لاااااا ازعلي واسفهيه واذا سافر بعد طنشيه !!!لانه اذا شافك استسلمتي صدقيني بتكوني فتحتي على نفسك باب انتي في غنى عنه وبياخذها عاده...لانهه اول مره وردة فعلك هي الي بتحدد موقفه...لان زوجك بصراحه واضح انه اناني ومايفكر الا بنفسه ..مافكر انك محبوسه بهالغربه لحالك وقدر وقفتك معه!!!فهالاشكال ماينفع معها الا موقف قوي وواضح..

الشييييي الاهم في هالموضوع انه لو سوى الي براسه وسافر ....حطي شروطك على كيفك حددي المكان الي تبين تروحين له بعد مايرجع..ولا يروح الا وحجوزاتكم مضبطه من كل شي ....لانه بيجي شبعان سفر ومبسوط ولاتستبعدين يقولك خليها السنه الجايه واوعدك ومن هالكلام!!!!! لاااااا اصحي تتنازلي عن سفرتك...لو تهاونتي بيستسهل المسأله كل سنه ...وبالتوفيق

بصراحة ما أأيد السفرة مع الاصحاب ؟؟
هذاك اول يوم كان عزوبي لكن الحين خلاص صار فيه وحدة تشاركه حياته
وكل صغيرة وكبيرة ووقفت معه بكل شيء اخر شيء يتركها ويسافر مع
اصحابه ؟؟؟؟

حتى لو بيعوضها مالها داعي الحركة ,, اوكي يروح لأصحابه يزورهم
يسهر معهم بحدود المعقول بس يسافر لا والله مالها داعي ,,

نصيحة زوجك على ماعودتيه ياقلبي بس مو معنى هذا انك تستخدمي
اسلوب جفش معاه لا خذيه بالطيب واللين والأهم ان هالسفرة ماتخرب
عليه دينه ومجرى حياته وانت فاهمتني ,,, اجلسي معه وفهميه قد ايش
انت تعبتي وانتظرتي اللحظة الي يعطل فيها عشان تطلعون وتنبسطون ..


هذا زوجك والي تسوينه مو حكرة مثل مايقولون بعض العضوات مع احترامي
بالعكس الزوجين جسدين بروح واحد واذا الواحد فيهم مافكر بالثاني ماصارت
حياة زوجية والله يسخر لك زوجك ويصرف النظر عن هالسفرة ,,