عادي صديقاتك ينامون ببيتك

السلام عليكم

حبيباتي هل تصرفي غلط بالموافقه وهل ضروري استاذن زوجي قبل

وهل لو مثلا قلت لهالانسانه بسال زوج قبل تنام بببيتي ممكن تشوفني ضعيفه شخصيه او مالي راي في بيتي او بتعذرني

جارتي من 4 سنين قدام عمارتي بيتها

تكبرني ب15 سنه تقريبا وعلاقتنا اخويه قدر الله انو يتوفى زوجها من سنه وشوي

بعد العده راحت منطقه اهلها واجرت بيتها الطابق السفلي

وبقى اللي فوق لها ولبناتها اذا جت لانهم يحبون المنطقه وهنا صديقاتهم وهي جاراتها

وماحبت تاجر البيت كامل

يعني اللهم لا رياء ساعدناها يوم توفى زوجها حتى صار عندهم عطل باالماء وجاب زوجي لهم العامل وكذا

المهم هي زعلت من بناتها وخلتهم وجت وقال بفطر عندك وبريح ببيتي ولاجت العصريه عزمي الجارات انو مشتاقه لهم

5 شهور ماجت المهم فطرنا وراحت بيتها جتني العصر وقريب المساء جو الجارات بعد ماطلعو قالت ابي انام عندكم استوحشت في بيتهم وماقدرت تنام

واستحيت اردها صراحه قلت لها حياك ونمت معها بالمجلس

علما شقتي مو كبيره يعني وفي مكان مستقل للضيوف

وجى اليوم الثاني ماراحت !! مشت ثالث يوم الصباح

زوجي عطاني تهزئه محترمه وتكلم عن المراه وفي معنى كلامه انها ماتستحي ومدري ايش

وهو اول مره يتكلم عن زيارات احد وكذا

وقال اهلك ماقد جو نامو عندك وذي صديقتك جايه

علما قد جت اختي بدايه زواجي نامت عندي عشان زوجي كان شفته ليل واخاف لحالي تونسني مجرد 3 ايام وراحت

وجارتي ماقصرت حتى بعض الاثاث والاجهزه قالت لي خذي اللي تبين والباقي شوفو اذا احد يبهم باي سعر ياخذونهم

قلت لها اذا بفلوس باخذ غيره لا ومارضت




انا اقدر صداقتها ومحتاره وش اسوي ومره زرنا منطقتهم عندنا مناسبه ترجتني انام عندهم وما نستاجر بس اصلا صعبه لان مكانها ضيق ومعي زوجي مراح يرضى