عادي عندكم ازواجكم يدخلوا معكم غرف الولادة ؟!

استغربت من حريم كثير يطلبون ازواجهم يدخلون معهم وقت الولاده طبعا في بعض المستشفيات الخاصه يسمحوا بهالشي ..
والسؤال اللي يدور براسي ومحيرني حيل وش فايدة تواجد زوجها معها وقت الولادة عاد من زين المنظر وهي تتعصر وتصيح وتدفع وتسوي حركات لاإراديه ممكن الزوج يتسرب بنفسة نظره معينة او يجي له احساس سيء لااردي ماراح ينساها وطبعا يختلف الازواج بنظرتهم وردة فعلهم ونفسيتهم
بوجهة نظري المرأه في وقت الولادة وضعها صعب جدا مو ممكن الزوج متخيلها بالمنظر اللي يشوفه وطبعا يختلف شعور الرجل مو مثل الحرمه .. يعني انا لو دخلت مع اي وحده غرفة الولادة واشوفها تتعذب وتعاني لحظات الكرب وعرصات الولادة احس اني ممكن يغمى علي من شدة الحزن على حالها ناهيك عن الاكتئاب والضيق .. لاني مااتحمل اشوف هالمنظر يتقطع قلبي وماراح انساه بحكم ان المرأه عاطفية .. وبنفس الوقت راح اقدر وضعها وماراح يخطر ببالي اني اعافها أو أتقرف منها أو انظر لها بنظرة مزرية مستحيل ابدا لاني مقدره وعارفة هالشيء طبيعي
طيب .. الرجل عقلاني .. وبهالطبيعه المختلفه عن المرأه ممكن جداً ينظر لها بنظرة مختلفة تماما عن المرأة العاطفية
والا وش رايكم ؟
بنات .. ودي اعرف وش فايدة الزوج لما يدخل مع زوجته وقت الولادة !! وهل الحريم اللي يدخلون ازواجهم مايحسون بالفشله والاحراااااااااج والخوف من نظرة الرجل تجاهها اللي ماتدري وش وراها؟

ابيكم تجاوبون لعل وعسى اقتنع بحركة هالحريم ؟!


(معليش يامشرفات مو عارفة وين احط هالموضوع .. إذا يناسب الاسريه انقلوه هناك ولاتحذفونه مايمديني انسخه لاني خلاص انتهيت من كتابته ومافيه خيار النسخ *)