عادي عندك تطلعين طفلك / طفلتك للزوار وقت النفاس؟ والا لا؟

مرحبا خواتي..

/

احنا متعودين انه اذا وحدة ولدت تروح نفاس عند اهلها اربعين يووم ..وتقوم الاميمة الله يخليها لنا بالواجب من مجاميعو تختار لك غرفة مناسبة بالبيت وتحط لك سرير وتضبطه لك لما تولدين..

والناس تجي عندك وتسلم عليك وتتحمد لك بالسلامة ويشوفون البيبي ويدعون له وانواع التعليقات ..ليش خشمه كذا؟ مهوب عليكم اكيد على اهل ابوه ...ليش هالاسم موب حلو قديم مرة...ليش ماتغطين اذانه ترا يبرد

وكل حرمة ماتقصر ياما بنصايح ياما بنتقادات ياما بتعليقات مالها داعي..

/
المهم امي تقول من تالي الناس الي نزور بناتهم ولادات وفي النفاس مايطلعون اطفالهم للضيوف ولا يجيبونهم ابد

ليش؟

هل يخافون من الكلام .. والا من العين؟

وانتي وش تفضلين انك تكونين بالغرفة والناس تجي تسلم عليك

او ان امك تستقبلهم في المجلس وانتي تروحين لهم تسلمين شوي وترجعين لبزرك؟من غير ماتطلعينه للضيوف؟


شاركونا بارائكم وخبراتكم..

انا محتارة بصراحة ..

:26: