السلام عليكم يا بنات
باختصار
انا واهل زوجي بيننا مشاكل ..بس هم في مدينة وانا في مدينة..الان هم عندهم جية للمدينة اللي انا فيها عشان يفرشوا بيت واحد من عيالهم بيسكن هنا في نفس مدينتي..وفي نفس الوقت انا بسافر اولد عند اهلي.. يعني نفس توقيت سفري انا وجيتهم هم...
المشكلة فين؟؟؟؟؟
المشكلة اني خايفة يجوا بيتي وانا مو موجودة... الصراحة ماابغاهم يدخلوا بيتي وانا مسافرة.. طبعا حتسألوني لليش.. حقولكم عشان قبل كدة صارت بيني وبين زوجي مشكلة وصاروا يتكلموا علي وعلى بيتي..
لكن المشكلة هي هل من حقي اني اطلب من زوجي مايدخل اهله البيت وانا غير موجودة؟؟؟ ولا من حقه غصب عني لانه بيته زي ماهو بيتي؟؟؟
طبعا مااخفي عليكم بيتي لسة جديد واشياء كثير ناقصة فيه وماكملت الفرش لسة.. يعني مخلينه على مهلنا ..وهم لما كان بيتي كامل ونظيف قالوا العكس..فما بالكم الان وهو فعلا ناقصه اشياء كثيرة... انا قبل مااسافر حخلي البيت يلمع لكن زوجي ماحيسافر معايا وهو حيبهدل البيت وحيكون البيت فوضى بحكم وجود عزوبي فيه..ولو جوا حيشوفوا الفوضى حقت زوجي ..ويحسبوني تركته كده.. الصراحة جيتهم هاذي خربطتني ..وصرت خايفة يستغلوا فرصة اني مو موجودة ويقولوا له نبغى نشوف بيتك... مع العلم انهم جوا كم مرة نفس المدينة وانا موجودة بس مارضوا يدخلوا بيتي.. لانهم زعلانين معايا.. ولكن هم نفسهم يشوفوا بيت ولدهم الجديد..
وانا حاسة انهم لو عرفوا اني غير موجودة بيجوا..
ايش رايكم يابنات؟؟؟؟
اقول له بالعربي لاتدخل احد بيتي وانا مو موجودة؟؟ ولا مو من حقي؟؟؟
عذبة99 @aathb99
محررة
يلزم عليك تسجيل الدخول أولًا لكتابة تعليق.
0o0شوكالات مالحه0o
•
للرفع
قوليله بس بدون زعل ووضحيله السبب انك لسى ماكملتي فرش البيت واذا رفض لا تسويها مشكله البيت بيته وهم اهله
الله يكتب لك الخير وتقومي بالسلامه
الله يكتب لك الخير وتقومي بالسلامه
انا عن نفسي لا
واذا ضطر يدخلهم يعني صاله والمطبخ مايتعدون هذي المكان
دعوتكم لي
اللهم ارزقني ولدا تقيا ذكي ليس في خلقة زيادة اونقصان عاجلا غير اجل اللهم امين اللهم استجب اللهم استجب اللهم استجب
وجميع المسلمين
وصل اللهم على محمد وال محمد
رب اني لما انزلت الي من خير فقير
واذا ضطر يدخلهم يعني صاله والمطبخ مايتعدون هذي المكان
دعوتكم لي
اللهم ارزقني ولدا تقيا ذكي ليس في خلقة زيادة اونقصان عاجلا غير اجل اللهم امين اللهم استجب اللهم استجب اللهم استجب
وجميع المسلمين
وصل اللهم على محمد وال محمد
رب اني لما انزلت الي من خير فقير
لا مو كذا اكيد راح يزعل بس حاولي تتفهمي انتي وزوجك ووضحي السبب بس باسلوب نقاش مو تتامرين عليه .
انتي نظفي بيتك تمام وما عليكي بعد هيك لو جوزك رجع كركبه لانه حتكوني عند اهلك وهم عارفين واكيد جوزك حيكيلهم انك سبتي البيت نظيف
وما تعطي الموضوع اكبر من حجمه وفكري بس بولادتك والبيبي اللي جاي بالطريق وربنا يهونها عليكي
وما تعطي الموضوع اكبر من حجمه وفكري بس بولادتك والبيبي اللي جاي بالطريق وربنا يهونها عليكي
الصفحة الأخيرة