عادي نستخدم كذا خلطة تبييض في نفس الوقت؟؟

السلام عليكم خواتي..

اول شيء احب اشكركم واايد.. لاني استفدت منكم و من تجاربكم .. و بصراحة في فترة قصيرة جدا تغير لون بشرتي و حتى طبيعتها بشكل واضح و ملفت..

بس حبيت تفيدوني اكثر و تجاوبوني على الاسئلة اللي عندي بخصوص تبييض البشرة و تفتيحها..

قبل شهر و اربعة ايام بالضبط.. قررت اني اعالج بشرتي و افتحها و اهتم فيها اكثر ..

فقريت خلطة تبييض للاخت المها و الخلطة طبيعية 100% و بصراحة استفدت منها واايد و لوني فتح عليها ما يقارب درجة الى درجة و نص خلال شهر واحد.. و الاسبوع الماضي قريت عن بذور القطونا و فايدتها في التبييض للاخت زيزي.. و بديت هم اجربها.. و لقيت منها فايدة بعد.. و اول امس قريت عن خلطة طبيعية للتفتيح تتكون من قشر موز و بطاطا و ليمون و حليب لوحدة من الخوات ما اذكر اسمها و جربت الخلطة.. في البداية ما لاحظت اي تغيير و بعد ساعة او ساعتين لاحظت انه المكان اللي حطيت عليه الخلطة كان فاتح عن بقية جسمي بشكل ملحوظ و قررت استخدمها على طول..

عموما نتيجة كل هالخلطات فتح جسمي بمقدار درجتين الى 3 درجات خلال شهر و اربعة ايام بالضبط .. هذا غير النضارة و اللمعان اللي صاروا في بشرتي بشكل ملحوظ الحمدلله.. و بصراحة ناوية اكمل لان بعده عندي اماكن غامقة في جسمي ما فتحت 100% .. بس متخوفة يا بنات...

هل عادي اني استخدم كذا خلطة في نفس الوقت؟؟؟

لاني غير هالخلطات استخدم مرطبات و ز يوت تفتيح لترطيب بشرتي بعد الحمام مثل زيت الخروع و زيت جنين القمح و ناوية استخدم رشوش الاخت حور الجنان الطبيعي اللي هو عبارة عن منقوع قشور الليمون و البرتقال في ماي ورد.. و قالت انه يفتح البشرة...و يستخدم بعد عقب الحمام ..

و ناوية استخدم صابونة البابايا للتبييض بعد... بس للامانة للحين ما شريتها.. و في الوقت الحالي استخدم لغسيل جسمي من الخلطات (خاصة اللي احطها طول الليل) شاور جل عادي او سكرب خفيف عادي (يعني صوابين ما لها علاقة بالتبييض).. بس الصابونة اللي ناوية اشتريها راح تكون خاصة للتبييض..

فهل اتوكل على الله و اشتري هالصابونة؟؟ للعلم انها بتكون الشيء الكيمياوي الوحيد في كل خلطاتي.. و هل استخدام كذا خلطة ممكن يضرني حتى لو كانت الخلطات كلها طبيعية 100%..

عفية جاوبوني..

انتظر ردود خبيرات التبييض..