عادي ولا بكيفها ولا يتراوالي

السلام عليكم
شغالتي جت من ديرتها معاها جوال ماهمني براحتها اهم شي تشتغل وماتقصر في عملها وخليتها قالت ابي نت شبكتلها نت
جتني بنتي قالت ياماما الظاهر معاها جوالين قلت انا سالتها مامعها الا واحد قالت مدري فيه جوال فيه زي النور من تحت تطفي وتولع وجوال نفسه بالضبط لكن مافيه نور قلت قد شفتيهن مع بعض قالت لا ما اشوف الا واحد سألت العاملة قلت معاك كم جوال قالت واحد اسكت مشيت الموضوع جا نقاش بيني وبين اختي عن الجوالات والعاملات وقلت الاختي يختي شاكة ان حقتي معاها جوالين بس ماتاكد قالت اختي معاها واحد او اثنين او عشر جوالات وش بيتغير ؟! شوفي ترى مايخلينا على أعصابنا ونفسيتنا قلقانه الا التحقيق والتدقيق من وراهن انتي مديره وهي موظفه عندك عليك من شغلها ونظافتها وعملها اما الشي اللي جوى غرفتها سواء جوال او غيره يخصها هي بما انها ماقصرت بشغلها او نزلت جوالها معاها وقامت تطقطق فيه وتطنش شغلها،، فنصيحه ياخيتي لاتدققين وراها وريحي راسك
نجي لكم انتم اخواتي وش رايكم هل انتم مع اختي ولالا ابي رايكم