ورده كورشيه :

صادقه ومقدره ان بعض البنات ماتحب وبعض البنات تبي تغير روتين بس ماهي مشكله ذي رغبه ان جات الحمدلله وان ماتيسرت فلا هي روحه الكهله الي بتنكد عليك هو كل وحده وظروفها ان قدرتي ولا أمر الله من سعه واقلك شي كنت اسافر بدايه زواجي وعمتي وأولادها  معنا لانه متعلق فيها وينبسط اذا هي معنا والله انه يخليهم وانه يجي يقعد معاي بغرفتنا بساعات لين هي من نفسها صارت تستحي انها تروح وصاروا يعرفون انه متعلق فيني انتي لاحببتيه بجوك دايركت يبي يختارك فلا تحاولين تقنعينه بشي ماهو قابله في دماغه بعدين تعالي بقولك شي ترى بعض البنات جوها يطفش يجيب البلاء وتقول نبي نسافر وحدنا تظنين لو لبست قميص حرير وريش انها خلاص جابت راسه طاروا الرجال من بعض الأجواء وهي الي ابي سفره رومانسيه مادري كيف يفهمون 

صادقه ومقدره ان بعض البنات ماتحب وبعض البنات تبي تغير روتين بس ماهي مشكله ذي رغبه ان جات الحمدلله...

سحلب ملكي :

ام زوجـي احبها ربي لايحرمني منها لكن بجاوبك بدون مثاليات عادي تسافر معانا إذا كانت الرحلة عائلية كبيرة والهدف مشترك (زي سفر سياحي أو زيارة عائلة) وما في خصوصية كبيرة لي انا وزوجي حياها ربي احطها بقلبي وعيني قبل راسي❤️ متى يكون سفرها معانا ((غير مريح)) صراحة إذا كانت الرحلة للراحة لي انا وزوجي أو عطلة رومانسية خصوصًا لو فيه خصوصيات بيننا نحب نحتفظ فيها اخواتـه احبهم ويحبوني بالنسبة لي عادي لو الكل مرتاح ووسيع المكان وخصوصًا لو ((الرحلة عائلية)) مثل ماقلتلك فوق بالنسبة لوضعهم الإجتماعي متزوجات او بنات اذا كانوا متزوجات غالبا يكون الوضع طبيعي لأنهم عارفين ان كل زوجين لهم خصوصيتهم اما اذا كانوا مو متزوجات صراحة فيه احراج او تقليل من الخصوصية الزوجية بالذات وقت النوم والسهر بالنسبة متى يكون عادي او لا عادي وماتفرق معاي اذا كانت رحلة عامة سياحية وكبيرة والكل عارف حدوده مو عادي اذا كانت رحلة زوجية خاصة رومانسية وفيها راحة واسترخاء زبدة الكلام الموضوع يعتمد على طبيعة الرحلة وعدد الأشخاص وراحة الزوجين

ام زوجـي احبها ربي لايحرمني منها لكن بجاوبك بدون مثاليات عادي تسافر معانا إذا كانت الرحلة عائلية...

سحلب ملكي :

تصدقين فرح سافرت مع أهله إسطنبول بس أنا وامه وأخواته وأخوه اللي بالثانوية هو ما جاء معنا والله كانت تجربة حلوة وغريبة بنفس الوقت صراحة أم زوجي وأخواته كانوا ودودين ومتعاونين معي وانبسطنا كثير فوق ماتتصورين رحنا المطاعم والمولات وتمشينا وكنت اسهر مع اخواته بالليل نضحك ونستهبل وزوجي يكلمنا سناب فيديو ونسولف شوي معاه وضحكنا وتصوّرنا والله شي مره حلو هالسفرة مانقصت من قدري ابد الا رفعت قدري عند زوجي وعندهم خلت علاقتنا يصير فيها محبة أكثر وحسيت بألفتهم وصاروا أقرب لـي حتى زوجي حب هالشي وصار يعرض عليّ نسافر أنا وهو لوحدنا تدرين ليش؟ لأنه شاف إني ما ماعاندته في أهله وما وضحت له إن أهلك مشكلة عويصة بالعكس كذا كسبته وكسبتهم 🫣❤️

تصدقين فرح سافرت مع أهله إسطنبول بس أنا وامه وأخواته وأخوه اللي بالثانوية هو ما جاء معنا والله...