السلام عليكم ورحمه الله وبركاته
اختكم قصعه حلوى ترحب بجميع الحوائيات
سأعرض عليكم موضوع اختي لعل ان نجد منكن من سيكون بيدها حل موضوعها بإذن الله
السالفه صارت من عامين حيث ذهبت اختي عند اهلي طبعا زياره وهم في مدينه اخرى
وجلست هناك مايقارب الشهرين لامور خاصه وبرضى منه يعني مابينهم اي مشكله
ولما قرب موعد عودتها سمعنا من مصادر موثوقه بانه قد تزوج بامرأه اخرى قريبه له واكبر منه
واحدث خلالها مشاكل وبلبله وتكلم على اختي بأنها قد سافرت بدون رضى مني
وكل من قال له ليش تسوي كذا في بنت الناس يقول انتو ماتدرون عن شي من باب انها تفعل
اشياء لا ترضيني
وخلال تلك الفتره كانت بحال لا يعلم فيه الا الله فالمصيبه في اولها عظيمه ثم تصغر
بعد ان استمتع مع زوجته تذكر ان له زوجه اولى وابناء فاصبح يرسل لها من رسائل الحب وغير ذلك
يستعطفها ويريد عودتها
وهي على نياتها ماعندها مانع ترجع وبسهوله
تكلم مع الوالد طبعا بالهاتف لبعد المناطق رد عليه والدي ان لا مانع بعودتها لكن هل تستطيع ان تعيشها
عيشه زي الناس لانها طول الفتره الي عاشتها معه كان مايصرف عليهم الا ناااااااااااااااااااااااادر
يعني لبس لها ولعيالها ما يشتري حتى حليب لابنائه كانت غالبا تبيع من ذهبها وتشتري لانه دايم يقول ماعندي
هذا غير الاكل كان يرسل لها الوالد معلبات جبنه مربى قشطه عصيرات وغير ذلك لان حالته واهله فقرا
(كيف تزوج هذا الي افكر فيه الى الان)
ارجع للسالفه هو رد على الوالد ايه اقدر
المهم صار يكلم اختي بالجوال قالت له ابغى غرفه نوم جديده ورضوه
وماحددت كم قال طيب وين بتحطينها مافي وسع
قالت وبيت لحالي لانهم عند اهله وامه شيطانه بمعنى الكلمه
قال طيبب أقسم البيت بينكم والبيت اصلا حق ابوه يلعب عليها بكره اخوانه بيقولون برى نبغى حقنا
الوالد كلم عمي يتابع الموضوع لانه بنفس منطقتهم طبعا عشان يشوف المكان الي بيسكنها فيه
وكل ماراح عمي عنده يهرب ومايطلع له
وانتهت السالفه هنا لا سؤال ولا غيره هذا كان في شوال قبل الماضي يعني اخر مره تكلم فيها كان قبل سنه وخمس اشهر
حتى اولاده مايقول عندي اولاد اشتقت لهم
ولان الاب اصلا ما كان يحن على عياله ولا يكلمهم ولا يلعبهم صار الاولاد مايسئلون عنه
هم لسى صغار بحياتي ما سمعتهم يقولون وين بابه او بابه سوى لنا كذا
واليوم وبعد مرور كل ذي الاشهر ارسل على جوالها رساله نصها
السكوت نار
وأنا ابو فلان وفلان(ابنائه)قبل كل شيء
واقدر اسوي اي شيء
وانتي مو بعيد
هذا نص الرساله
الرساله طاحت بيدي وحذفتها قبل ما تقراها يعني مادرت عنها اختي لو قرتها بتصير لها حاله نفسيه ونحن ماصدقنا انها تنساه وتنشغل عنه
وانا احس من اسلوبه انه يهدد بالعيال والا اش رايكم انتو بنص الرساله
سؤالي الثاني في حال انه طلب انها ترجع هل تؤيدون ذلك علما بانه لم ينجز لهم شيء وانجبت زوجته الثانيه بنت وحامل بالثاني
هناك اشياء كثيره في قصتها مؤلمه لم اذكرها عانتها منه ومن اهله فيها اهانات
اطلب منكن المشوره وهل اخبرها برسالته ام اصمت وادع الموضوع للايام
ودمتم سالمين
قصعة حلوى @ksaa_hlo
عضوة
يلزم عليك تسجيل الدخول أولًا لكتابة تعليق.
طيف الصباح
•
والله مادري وش اقول بس الله يعينها ويكتبلها الي فية الخير
قولي لابوك عن الرساله ...
تبغين الصراحه لو انا مكانها باززززززعل انك ماقلتي لي عن الرساله ..
بس الاهم ابوك يعرف ..
تبغين الصراحه لو انا مكانها باززززززعل انك ماقلتي لي عن الرساله ..
بس الاهم ابوك يعرف ..
الصفحة الأخيرة