rs1407
:26:
abanoo
:26:
Dandosh
:26:
HETAF15
:26:

سيكون بإذن الله لي عودة لأعلق على ردودكن الكريمة

و أستخلص النقاط الرئيسية التي اتفقتن عليها

بالنسبه لي ماعندي شروط أبدآ وماأحب أي شخص يدخل بيتي يساعدني الا
لما أطلب منها المساعده وتكون لحاجه ماسه ...ماقدرت عليها لوحدي
لأني أحب أوفرلهم الراحــــــــــــة التامه
وأحب اكون جالسه معهم معظم الوقت لأنه من غيراللباقه أعزم ضيوف
وماأكون جالسه معهم بس بالمطبخ وهذا خطأ
ويدل على عدم أحترام وتقدير
وهذا الكلام ينطبق على الجميع أهلي اهل زوجي وغيرهم..........

أما الاطفال فالحمد لله بيتي واسع وان ماشالتهم الارض تشيلهم
عيوني أهم شئ الاطفال ينبسطون وماأمنع دخولهم لأي مكان
فوق تحت برى جوى كله واحد
أهم نقطه ينبسطون ويفضل الاطفال دون 3 سنوات تكون خدامته معه
علشان تحرص عليه ...
وطبعي مااحب الخدامات يساعدون خدامتي اذا كان عندها طفل صغير
فهو أولى بالرعايه
لأني أنا اذا زرت ناس أحب خدامتي تهتم بالبيبي أما اذا كان مافيه نونو
مافيه اشكال تساعد الخدامات الموجودات

من ناحيه الضيافه الحمد لله الكل يمدح ضيافتي والكل يخرج من بيتي
مبسوط ويكون قضى وقت ممتع ببيتي

((( 1 )))

لما يكونوا ضيوفك من أهل زوجك ايش شروطك



1###تعطينى اتصال قبل تجي بوقت كافي ..اقل شيء ساعتين ..

2###بزارينهم :04: يفضل لو ماتجيبهم بس الشكوى لله بتجيبهم تأدبهم ...

3###واذا خربوا ياليت الله لايهينها تقوم تنظف الحوسه اللي يسوون ..

4###وتبطل اسئله شخصيه ..هذا من وين وهذا بكم ...:angry2:

5###وبلاش حركة التفتيش بالبيت ... وفتح الادراج والدولايب ..:angry2: والله يحييهم ..

6###الهدايا ماأسأل فيها الا اذا كانت للمناسبه ..بيت جديد او مولود او عروس ...فقط ..

7###اكره مااشوف اللي تجينى متأخره ...:time: هذي قمة الاحراج الناس بتقوم للعشى وهي تو داخله ..


((( 2 )))

لما يكونوا ضيوفك من جيرانك ايش شروطك
زياراتهم قليله جدددددددآ ...فعشان كذا مالي احتكاك فيهم ..ولا لي شروط عليهم ..




((( 3 )))

لما يكونوا ضيوفك من أهلك خواتك زوجات اخوانك ايش شروطك
يعطونــــــــــي موعـــــــــــد بس قبل يجون ..لزوم الضيافه ...




((( 4 )))

لما يكونوا ضيوفك من ناس غرب قليل تشوفينهم يمكن قرايب من بعيد لكن رسمي مرررررة ايش شروطك
يعطوني موعد قبلها بيوم ..
وبقية الشروط اللي تمشي مع اهل زوجي تمشي عليهم ...



((( 5 )))

وانتـــــــــــــوا اللي بعالم حواء بعد اذا بتجوني علمونــــــــــــــي ..علشان اعلمكم شروطي ...<<<<<<امـــــــــــــــــزح ترى بيتي عاااااامر بالضيوف ..وياهلا ويامسهلا فيكم ....:)

خميرة فورية
:26:
الواثقة من نفسها
:26:
@حره على كف صقار@
:26: