هههههههههههههههههه
كل اللي قلتيهم شرطي لهم واحد
يعطوني خبر قبل مايجون اقلها ساعه او ساعتين ولو يوم يكون احسن بعد
الشرط الثاني
كل المقبلات اللي احطها ياكلون منها ودلة القهوة والشاي يخلصونها مااحب اكب شئ زايد:angry2:
ثالثا
يعلمون عيالهم مايلمسون ولايخربون ولايكسرون شئ ويتفضلون بالغرفة المخصصه للالعاب في الطابق الثالث ويخلونا نعرف نسولف كم ساعه بدون شوفتهم :icon28:
غير كذا سللللللللللللامتك انا مااحب اطرد الاطفال من زيارة بيتي بس احب يجلسون بغرفة الاطفال والالعاب والبلايستيشن وكل شئ بيوصلهم من اكل وحلويات ومسليات لحدمايجي اهلهم بيروحون ينزلون:)
واخيرا

مافيه مانع لويساعدون بغسيل الصحون قبل الروحه :( :( ماعندي شغاله وزوجي يكره الضيوف اللي يتعشون ومايساعدون صاحبة البيت بالتنظيف تصدقين من تزوجته وهو يشترط علي لما نسير على احد اني مااطلع الا وبيتهم متنظف ومترتب مثل ماكان واحسن والحمدلله مااقصر :icon28:

أياً كان نوع الضيف....هذه شروطي :1/
ابداً ماعندي خلاف حياهم الله بس الله لايهينهم ...يتصلون قبل مايجون ؟؟؟انا مونمسه بس عشان استقبلهم احسن استقبال ...يمديني اسوي حلى او فطاير ...ابخر البيت واجهز نفسي مأحب أقدم شاي وقهوه وبس.:icon28:
2/ يتقيدون بالموعد موتقول بمرك بعد المغرب ويأذن العشاء وأنا ماشفتها ؟؟؟:(
او تقول بعد العشاء ازورك ...وتجي 9,5 وأنا مقابله الترامس.
او لما تكون عندي عزومه وناس من 8,5 عندي وناس يدخلون الساعه 10 ....لا يلوموني اذا قدمت لهم فنجان قهوه وقلت لهم سمو على العشاء .....:42:
مااقدر الضيوف اللي ملتزمين بمواعيد الزياره وممكن منهم حريم كبار ..مأقدر اهينهم على شان وحده, بمجرد مايكتمل عدد لابأس به ادخل القهوه وبعدها الشاي ....والمتاخرات فقط فنجان قهوه ..ونخلي لها الشاي بعد العشاء.
3/ لما يكتملوا الضيوف كبار وصغار وتنقص ينت او بنتين وابتدي اقدم ضيافتي وتقول امهم ياليت تنتظرين فلانه ماجات مع انها صغيرة ماتعدت 22 سنه ...يعني اهين الكبار عشان الصغيره كان جبتيها بيدك :024: .(الموقف هذا صار لي مره كنت عازمه عزيمه كبيره بالبيت لضيفه جايه من بلد اخر وكان المعازيم بحدود 70 امراه ووصلت الساعه الى 12 وبنتين ماجوا ...عند الكوافيره ...دخلنا العصير والقهوه والشاي والعود وكلووووووووووووووووووا واحنا ننتظر وامهم تقول بناتي مابعد جوا....وانا بخاطري ياليت تكلمينهم وتقولين لهم لاتجون هذه مووقت دخله ...لما وصلت الساعه 12 ..قلت للحريم تفضلوااااااااااا الام طلعت عيونها ..ومادخلت على العشاء وزي الي تبي تحرجني جلست تنتظر عند الباب الخارجي للفلا ...وانا اسوي نفسي متفاعله معاها ...شكلك تشاغبتي عليهم عسى مافيهم شي بالطريق على هذا التأخير ) قالت لأ بس مشوار الطريق ماتبي تقول عند الكوافيرة ..قلت اشوي ويوصلون مع ان البيت 10 دقايق وهم واصلين
4/ تذكرت شي ...لما تكون عزيمه اكره الاطفال اول من يدخل الغرفه ويحجز له كرسي ....
وامه ماتقول شي مع اني دائما في عزايمي احط صحون بلاستك وكاسات على جنب عشان الامهات يغرفون لعيالهم ويجلسون على طاوله الاكل العائلية بالصاله ويتركون سفره الطعام للضيوف ..يعني تدخل الام ومعها 2 او3 من عياله والثانيه بعد ..وسفرتي كلها 16 كرسي وين اودي باقي الضيوف ....
تلاقوني اتلبق للصغار واقومهم ..حبيتي في كراسي لكم بالصاله تاخذين صحنك وتروحين هناك ....والام تخزرني والبعض ينحرج مني وبغصب اعياله يروح الصاله ..وساعات انا اكشر على انيابي ومن بدايه الدخول على العشاء اقول الصغار مكانهم الصاله خلونا نتعشى بهدووووووووووووء.
اصلا حتى لوالطاوله تكفي البزران هذرتهم كثيرة ويبربسون ..ماأجد يحب ياكل ويقعد يمهم ..
ادري بتقولون هذه نمسه ومانبي نروح لها .....
بس بالعكس بيتي دايما فيه زوار كبار وصغار وعرفوا طبعي وصاروا يحترمون ...الا في الموااااعيد

اهم شي التصال قبل بيوم لاني ماعندي شغاله

صبـــاح / مســاء الخير

مشكــــوره حبيبتي عالمــــوضوع الي طرحتيه

- بـالنسبة لأهـــل زوجــي:arb:
أول حــاجه البيت بيت ولدهــم والله يحييهم في أي وقت صعبه بــأرفض وجودهــم في البيت
لجل مايتضايق زوجــي مني
وعندي قــاعده في حياتي أكسبي حب أهل زوجك:arb: لجل هو يحبـــك

-بــالنسبه لضيوفي وجيراني
أفضل الأتصـــال قبل كل حاجه ,, والوقت المناسب الي يناسبني ويناسب ظروفي
وبالنسبة للأطفال على حسب الاهل لان بعض الاهل يخلون اطفالهم على راحتهم يكسرون و :angry: يحوسون ..ماحد يقولهم شي..
-اما لو كان الولد متربي وهادي مافي مشاكل .. بس بشكل عام .. لا افضل وجود الاطفال في العزايم الرسميه .. العائليه مو مشكله .

ماحب زحمة المطبخ .. يعني وقت العشا الكل داخل المطبخ .:angry: . وخصوصا لو كانت عندي شغاله ..