هلا قلبي

اسفه والله كنت مستعجله

انا جربت سارا قبل سنتين وزياده يمكن

اذكر كل اللي عندها اشياء صغنطوطات

وشفته مره بعزيمه كان حلو شكله بس طعم ماذقت لاني كنت مرجمه

طيب العصير ليش ماتاخذيه من 2 فى 1 ؟

وممكن بما اننا على برد تستغنين عنه وتضيفين كابتشينو او اي شي ...

المكشوف صراحه احسن شي بيت الشوكولاته ودونيه ..

والمغلف صراحه انا يهمنى التغليف والصف مثله مثل الطعم

لونوتر طعم كويس بس تصفيف عدم

يعنى يمكن جوى افضل شي بالتصفيف تقريبا

حنان وناديا الحميد حلو صفهم وقريب شغلهم من بعض

طيب ديليس شفتي شي عنده ..؟

البسكونات الصغار ممكن تحطينها مع الكابتشينو

اشوفهم بالزواجات صارو يحطونها بالصحن مثل الكافيهات

ممكن تدورين نوع جديد من الموالح والمكسرات للشاهي ..

ممكن جاتوهات سواريه

التمر طيب وش سويتي فيه ؟؟

هلا والله بشهلوله

اليوم عملت لفه في الثلاثين
جوي **عجبني بصراحه وفكرت اعمل عنده صينيه وحده صفه حلو مره وطعمه حلو وعطاني عينات اذوقها ..

مارينون ** رحت له ابي اشوف المكشوف والله عادي بس موتني قهر ((طبعا مو بخل )) قلت له ممكن اذوق قال طيب قالي اي نوع تبغين اشرت له على اربع حبات 4 فقط ... وشوي يفتح البوكس ويحطها ... ويقول مدام 20 ريال والله فتحت ثمي وبغيت اضحك لاني حاطه في بالي انها ببلاش المهم حاسب زوجي وطلعنا ...بس صدق مقهوره والا الشكولاته بلجيكيه بعد ..

لونوتر *** والله حلو بس صح صفهم عادي بس ماقصر عطاني عينات وتحت امرك مدام ..

باتشي ***نفسه نفسه

روز *** شوكولاتته شكلها ماعجبني والاالسعار حلو ,,,,,اما المعجنات شكلها حلو الي كيلوها 120 ريال قلت له باخذ منك ربع كيلو اذوقها قال لازم نصف ...

سعد الدين *** احس اشياءه مافيها جديد والاسعار زي البقيه

فلفيت *** احسن شئ عنده الماركات وانا مابيها ,,,, ونفسهم خايسه البنانيين

لافندر *** ياحبني لهم كلهم ذوق عجبني بصراحه وعطوني عينات من كل شئ ويمكن اعطيهم الصينيه الثانيه والموالح ...

عاد باقي لي بيت الشكولا ... ودونيه ...وديليس .. انشاء الله الجمعه ...والا ناديه الحميد الكيلو 300 احس مره بيكلف خاصه الصياني كبار ؟؟

والتمر حاطه في بالي الصالحيه وشرايك ؟؟؟؟2×1 ايش العصير الحلو عنده ؟؟؟؟ والعصير ابيه للمستشفى ضروري ؟؟؟؟

والبسكوتات الصغار مع الكبتشينو من وين او زي ايش ؟؟؟؟ يمكن احطه في البيت ..

شهلوله والبنات اذا عندكم شي اقترحوا على ؟؟...

:: لافندر *** ياحبني لهم كلهم ذوق ::

صااااااااااااااادقة ذا المحل يبررررد قلبك بالتعامل الراقي يغلبونك بالطيب صراحة

أما دونيه وبيت الشوكلاته اكرررررررررررررررررررررهم أخلاقهم زفت وتعاملهم على مزاجهم...!! مافيهم أي احترافية بالتعامل !!!

الله يسهل عليك يالغالية يارب...

صادقين لافندر راقي تعاملهم
والسودانى ذرب لسانه
اما مرينون ذاك اللبناني الخايس ودك تصفقينه
ذاك اليوم شفت عنده سكر مغلف بماركات قلت له الحين كم طبقه مغلف
قال ثنيتن .. قلت مشوار (اقوله لاختى) قام رد اللى مو عاجبو مو مجبور ياخد
طبعا انسي تذوقين لانه كانه يصرف عليك
لونوتر راقين مره
اما عصاير 2 فى 1 كثيره
كاديلاك ومون بلاك وبيناكولادا خرابيط كثيره
اما البساكيت الصغار تلاقينه بالمحلات مثل روز جهينه الهدلق
وممكن تسوين بالبيت جوز الهند مع النستله وتحمصينه بالفرن لين يصير ذهبي
او ويفر صغار اي شي ينفع ..
التمر شكلين اعجبوني
بس من زمان شايفتهم
التمر اللي بالفازات ويكون طبقات عسل ومكسرات ومدري ايش
والتمر اللي بالاصيص مغروز بشجره صغيره

شوفوا حبيباتي اول شي كيفكم
ثاني شي انا نفا سي في البرد العام على ذي القعده في التقديم حطيت بدل العصير كابيتشينو وحلى الكاسات شريت كاسات شفافه وزينتها بكريستالات وورد وحطيت فيها الحلى والله انه طلع يجننننننننننننننننننننننن صح تعبنا (اختي الله لايخليني كانت عندنا وكانت تسويه )بس والله انه مميز حتى الصياني احنا اللي غلفناه يعني مو احسن تغلفين الصياني وتودينها للمحل يصفها
امس صفا راسي وانا افرفر في شارع الثلاثين على محلات الحلويات كلها تشبه لبعض نفس الديزاين تدرون وش سويت شريت تحف وشموع وكريستالت ولواصق وبدعت في الصياني حقتي وطلعت تحفففه ومميزه (عند ي عزيمه اليوم ادعوا ان ربي يتممها على خير لأنها كبييره )
اتمنى اني اضفت شي الله يتمم لك وتولدين بالسلامه يااااااارب