عالجت تكيس المبايض وحملت بعد الله (تجربتي بالداخل )

السلام عليكم ورحمة الله وبركاته

انا كنت يوم من الايام معكم بهذا القسم اشتكي من ( تكيس المبايض)

وكان نفسي مثل اي وحده بهالقسم تكتب قصة علاجه عشان يستفيدو الي نفس حالتها

والحمد لله ياارب الله ماخيب ظني وحقق لي مرادي ...

قصتي باختصار متزوجه لي سنتين2

قبل الزواج كانت دورتي غير منتظمه كل شهرين دوره بمواعيد مختلفه

واحيانا تغيب عني 3 او 4 شهور اقل او اكثر باختصار غير منتظمه

غير جهلي وعدم اهتمامي بدورتي يوم كنت بنت ...


المهم رحت لدكتوره شاطره لكن ماخبرتني اني مع تكيس لاني ماخذه منظم

غير انه خذت مني تحاليل كثيره واستخدمت ابر منشطه وانا مو عارفه معي تكيس

مارتحت لدكتوره ورحت لدكتوره عاديه مو شاطره

خذت مني التحايل الضروريه :

ثاني يوم من دوره ( تحليل تكيس المبايض + هرمون الحليب+ غده الدرقيه )

اكتشفت انو معي تكيس بنسبه ( متوسطه )

خطة العلاج /

عطتني منظم دوره لكن ناسيه اسمه اعذروني بنات ...


حبوب هرمون الحليب ( دوستينكس )
نص حبه يوم السبت ونصف حبه يوم الثلاثا (مرتين بالاسبوع)

كان نسبة الهرمون عندي 12 الفائده من الحبوب
انه اذا تنزل الهرمون الحليب في حالة انه ارتفع من التكيس وعشان يصير حمل ...

قالت لي هرمون الحليب اول ثلاث شهور لكني لم اتحمل خذيتهم شهر ونص وتركتهم
واهم شي بين كل فتره احللل هرمون حليب للتاكد ..


(علاج التكيس) :

جلوكفاج 500 مره بعد الفطور مباشره ومره بعد العشاء مباشره ، (للتكيس وتنشيط المبايض)
حامض الفوليك 1ملغم بعد الغدا. (للاستعداد للحمل يمنع تشوهات الجنين اذا حصل حمل )

قالت لي استمري عليها لمدة 3 شهور وتعالي راجعي بعد ثلاث شهور...

مااخفيكم الجلوكفاج اتعب نفسيتي وعصبيه وغثيان ودوخه ونعاس
اول شهر تعب منه لكن قلت الي بي الحاجه يسعى له وتركت عني الدلع
لان من خلال بحثي لم اجد علاج للتكيس الا ( جلوكفاج) ف حمسني انو استمر عليه ...
لكن بنات اذا ماتبون تحسون باعراض الجلوكفاج تاكلون الحبه بعد الوجبه مباشره ...


ومع العلاج الجلوكفاج والفوليك اول ثلاث شهور استمريت على >

( البرداقوش) كوب واحد يوميا ،
ولو خذيتي 2 يكون افضل ، فائدته يخفف من التكيس ومنظم شامل للهرمونات ...
طريقتي الصحيحه :
اشغل غلاية الماء وبعد مايغلي الما اخذ معلقة كبيره ( ملعقة الشوربه العاديه )
واسكب عليها الماء واغطي الكوب ربع ساعه عشان ماتروح الفائده، بعده اشربه كل عصر كنت اخذ كوب ...


((نصحتني دكتوره انو مااخذ منشطات لين يخف التكيس ))


الجزء الثاني *

بعد مامرت ثلاث شهور راجعت دكتورتي ورجعت سويت تحليل التكيس عشان اتطمن اذا خف او لا

وتبين معي ان التكيس خف بنسبه ممتازه وقالت من استمرارك على الجلوكفاج خف بما انه خف استمري

ع جلوكفاج والفوليك ثلاث شهور اخرى وراجعيني بعده ...

واضيفي الى ذالك ( حبوب التنشيط الكولميد) من ثاني يوم من دوره لين مايخلص الشريط
حبتين باليوم ...

وقالت لي ان قدرتي تزودي الجرعه الجلوكفاج يكون افضل يعني تاخذيه ثلاث حبات باليوم

او تاخذي حبتين 750 تقول ع حسب تقبل جسمك ...



استمريت ع جلوكفاج ثلاث شهور اخرى لكن احيانا خذ ثلاث حبات باليوم جرعه 500

واحيانا اخذذ بالصبح 500 وعلى النومه 1000 او 750 يعني على راحتي اهم شي مااتركه ..

وتركت البرداقوش فقط استخدمته اول ثلاث شهور ...


وابديت بخلطه اخذه وقت الدوره عطتني اياها وحده كبيره بالسن تقول انه حلوه تنضفك وقت الدوره
وتعالج الارحام ( ولو رحمك بظهرك رجعته لمكانه ) قصده ميلان وحاجه زي كذا..
تنفع لكل احد حتى الي ماعنده تكيس ،،
الوصفه سهله ...
من ثاني 2 يوم من الدوره الى ماتغسلين على الريق :

ملعقتين كبار سمن غنم + ملعقتين رشاد ( ملعقة الي نشرب به الشوربه العاديه )
نضعهم بفنجان ونحركهم لين يمتزجو ونسفهم ...

هذي الوصفه من 3 دورات الى 5 دورات ...تستمر عليها ...



والحمد لله بعد 6 شهور من علاج واستمرار حملت

*الدعاء_التوكل على الله_مع فعل الاسباب_صدقة بنية الشفاء)
* الصبر _الاستمرار_ التفائل
*كثرة شرب الماء_المشي _ النفسيه تبعد عن الحزن والقلق وغيره ...الخ)
*استمريت على جلوكفاج 6 شهور لين ماحملت.
*برداقوش اول 3 شهور.
*كلوميد منشط بعد ماخف التكيس .
*وصفة السمن والرشاد ال3شهور الاخرى .


ف النهايه /كتبت تجربتي لكم عشان ربي مايحاسبني على كتمان علم ومايحاسبني لاني يوم من الايام كنت هنا
اشتكي من التكيس ... وعشان الكل يستفيد ويفيد الي محتاجه علاج للتكيس ...

واخيراا انا جاهزه هنا ل اي سؤال ..
ادعو لي الله يثبت حملي لاني اخذ مثبت والله يجيب لي ذريه صالحه ...
والله يرزق كل محروم ومحرومه ...




* ان رئيتم موضوعي مفيد اتمنى تثبته عشان يستفيد الكل ...