من فتره شلت رجلي بالمكينه كانت اول و اخر مره لانها خلت ساقي منقطه و شكلها مو حلو ابدا
و بعد بحث طويل رحت قمت اخلط كل يوم بعد الشاور سودو كريم مع جيلسوليد و ادهن فيه بس مليت منه رغم ان شفت نتيجه و تركته لانه ما يتشرب بسهوله و زهقني
وقعدت ابحث بالعم جوجل و توصلت انه الي يعالج النقط الساق هو مقشرات احماض الفواكهة بنسبه لا تقل عن 15% فرحت الصيدليه و شريت تركيز 17.7% من شركه غلايتون و قيمته 10.5 دينار و العلبه حجمها كبير تكفي و تزيد و بخلال شهر راحت النقط من ساقي الحمدالله و مره بالاسبوع اسنفر رجولي و اشوف الجلد الميت يطلع قدام عيوني حتى من ركبتي يطلع منها الجلد الميت و حاليا بستخدمه لرقبتي و اذا نفع معاي بخبركم
و هذه صوره الكريم
و اذا ما حصلتوه فهذيلا كريمات بديله عنه يحتوون على نفس ا لتركيبه
بس احب انبهكم على شغله تنتبهوا لها بخلال فتره العلاج لا تفكري تشيلي الشعر عن طريق النتف لانه الجلد يتقشر فلو شلتيه راح تنزعين طبقه من الجلد و راح تحترقين بعد ما توقفي العلاج باسبوعين شيلي
و الي يحصلها سنفره بأحماض الفواكه تسنفر فيها رجولها يكون افضل و اذا ما حصلتي ممشكله سنفره الليمون و زيت الزيتون و السكر تكفي
و مابي منكم الا دعوه حلوه صادقه بظهر الغيب