عروس الشام :

أول شي سنفورة ارجعي حرام عليكي حبينا سنفرتك كتير :) كلنا معك بس أنا ما عندي نت و شحدت موبايل جوزي لفوت أون لاين منه :) ان شاء الله هاليومين بيوصلوا النت صبا بالنسبة للمعالجة هي محتاجة طبيب نفسي بكل تأكيد و ممكن تقرأي أكثر عن معالجة الشذوذ في المواقع المختصة مثل (مجانين) أو بعض المقالات في اسلام أون لاين بقسم مشكلات و حلول اعملي بحث و اكتبي كلمة شذوذ و بيطلعلك المواضيع المتعلقة عموماً أغلب الشواذ تم الاعتداء عليهم في الصغر و بيحتاجوا مجموعة دعم.. ممكن تخليه يقرأ مشاكل غيره في قسم مشاكل و حلول حتى يشوف كيف عم يعانوا ليتغيروا بتذكر في مشكلة شخص تم العتداء عليه و بس كبر سولت له نفسه يجرب مع غيره بس خاف من عقاب رب العالمين و عايش بقلق و جهاد مع نفسه لمدة سنوات ليحارب الأفكار الشيطانية براسه.. الله يوفقه و يشفيه.. المشكلة صعب اعمل بحث. من الموبايل.. انطري علي كم يوم و بجبلك روابط و بالنسبة ليلي سألت كيف نكتشف ان فيه تحرش أعتقد القمر الحالم شوفي أنا مو شاكة بشي الحمدلله بس قلت بجرب مع ابني لشوف هل يحصل معه شي بالمدرسة أول شي قلتله رح احكيلك حكاية عن ولد شطور كتير اسمه الشاطر حسن الشاطر حسن كانت تصير معه مشاكل بالمدرسة و يزعل كتير و يرجع على البيت يبكي و ما يحكي لحدا ليش زعلان و صار يحس بالحزن و الخوف و ما كان عارف انه أمه بتحبه كتير و هي الوحيدة يلي ممكن تسمعه و تلاقي حل لمشاكله و بيوم من الأيام أمه حست انه عم يبكي راحت حضنته و باسته و قالتله أنا أمك يلي بتحبك و مستحيل ازعل منك لو حكيت الحقيقة أنا بس بزعل من الكذابين و أنا و بابا منحميك لو في شخص مدايقك و أنا صديقتك يلي بتحفظ أسرارك ممكن تحكيلي ليش زعلان؟ فراح الشاطر حسن تشجع و حكى لماما عن مشاكله و ماما حلت كل المشاكل و خلته يرجع مبسوط من جديد.. توتة توتة خلصت الحدوتة لاحظي ما ذكرت نوعية المشاكل حتى ما افتح مخيلة ابني و يألف لأنه استاذ بالتأليف و بيتقمص شخصيات الحكايا يلي بحكيها.. بس قلت مشاكل ولما سألابني شو هي المشاكل قلتله ناس غليظين دايقوه للشاطر حسن و ما قدر يدافع عن نفسه (كمان من دون تفاصيل مشان الاستاذ مؤلف يلي عندي) من يومين مسكته و قلتله يا ماما أنت أعز أصدقائي و بحكيلك كل أسراري بس لا تفضحني و تقول للبابا.. طبعاً ضحك و عجبه الموضوع وشوشته بأدنه حتى يدخل الجو و قلتله كم شغلة سخيفة عن طفولتي.. يعني مرة كسرت شي و لا مرة ضيعت شي.. قصص سخيفة من طفولتي و قلتله هي أسراري انت الوحيد يلي تعرفها لا تقول لحدا بعدين قلتله انت عندك أسرار؟ مو نحنا أعز الأصدقاء؟ لازم نحكي أسرارنا لبعض طبعاً أستاذ مؤلف حور كل القصص يلي حكيتها عن طفولتي و عمل نفسه بطلها و صارت أسراره :) عموماً أنا بس حبيت جرب تجربة بس الحمدلله أنا متابعته منيح و متأكدة ما في عنده مشاكل

أول شي سنفورة ارجعي حرام عليكي حبينا سنفرتك كتير :) كلنا معك بس أنا ما عندي نت و شحدت موبايل جوزي...