بصراحه مدري كم كلفت بس هم ياقلبي 4 الله يكثرهم ويقلل عدوهم

السلام عليكم

شلونكم بنات وشلون عيالكم يارب الكل بخير

صحوبة عسى ربي يشفيك ويخليك لعيالك ويخليك لنا ننتظر اخبارك و
مشاركاتاك اللي تشرح صدورنا

عزيزة اسأل الله العظيم في هالليالي المباركة ينصرك على من ظلمك واكل حقك وحق عيالك ويجعل كيدع بنحره اللهم اشغله بنفسه اللهم انت القادر على كل شي رد حق اختي عزيزة لها اللهم انك سميع مجيب الدعاء

ملوكة ياقلبي انا مر علي عيدين وانا بالحداد اول عيد كان مر على وفاة زوجي شهر والله اعلم بالحال ويوم العيد الكل انشغل عيدنا اول يوم يكون ببيت ابوى عسى ربي يشافيه الكل راح هناك وخذو عيالي بقيت انا وخدامتى بروحنا جهزت القهوة والشاى والحلويات والعيادى للي بيزونى وبدت الزيارات بعد العصر والحمدلله حاولت اكيف نفسي معاهم عشان عيالي مابيهم يشوفونى متضايقة ويتضايقون كافي انهم عايدو اهلهم بروحهم من غيري كافي يشوفون الكل لابس وكاشخ الا امهم وهالشي ضايقهم فانتي عندك ست الحبايب عسى ربي يخليها لك ويطول بعمرها من يجي العيد انزلي وقعدي معها واستقبلي الزوار عشان تريحي امك والكل عالم بقلبك انك للحين حزنانة على زوجك ومحد لايمك

بسمة ان شاءالله قربت طلعتك متى ؟
ناشبتلك انا عسى ربي يطلعك من كل شر وجميع خواتي بالملف

عشوقه نبي اخبارك اليوم

تفاحة وين وشلون بنيتنا

ام الامراء ترا لمن قلت لك قولي امين اقصد امين اني ما اتزوج لانك كنتي تصرين على الدعاء لي بالزوج الصالح وانا شايله هالفكرة من راسي وانت مصرة بالدعاء :)

قولو آمين عسى ربي يزيد ترابطنا ومحبتها ويجعل كل وحدة فينا تعين الثانية على دينها ودنياها ولايفرق بينا ويحبب خلقه فينا وفي عيالنا ويشرح صدورنا وييسر امورنا ويفرج كربنا ويرزقنا من عنده ويسخر لنا خلقه انه سميع مجيب

هلا ملوكه عاش من شافك طولتي الغيبه ياقلبي

وليش بتحبسين نفسك بالعيد خزن وحوش وش دعوى

ياقلبي كلها كم ساعه وتمر سوي مثلي على وقتك المعتاد في رمضان حطي راسك ونامي نومي العوافي

وبعدين اصحي ومشيه يوم عادي لاتفكرين ابد

والله يجزى اهلك خير بيجهزون لك غرفه والله يرزقك الزوج اللي يسعدك ويهنيك يارب

والله يفرج العشوقه يارب وننتظر اخبارك ياعمري عشوقه وين نمتي؟

باقي البنات اخباركم اليوم

ام الروقان صوري العيديات خلينا نشوف افكارك

ام الغاليين هلا ياعمري عيدين بالحداد الحمد لله عدت وبدى العد التنازلي لطلعتي

ولاناشبه ولا شي ياقلبي مابينا شي الا مشكوورة على السؤال الحلو مثلك

احلى خوات في الدنيا كيفكم
عزيزه ياعمر ي الله ينصرك نصر عزيز مقتدر
ويشغل الظالم بنفسه
عشوقه كيفك الحين ..الله يعطف القلوب ويحننها على كل ارمله فينا يارب اجبر كسرنا وغير سوء حالنا بحسن حالك ياكريم يا ارحم الراحمين

اهلين باحلى رفقه بالدنيا
اخباركم يالغاليات خلاص رمضان بيودعنا اسأل الله ان يتقبل صيامنا وقيامنا ويغفر لموتانا ويجعلنا من عتقائه ياكريم

عشوقه طمنيني عنك ياقلبي وربي يوم جيت انام تذكرتك وتمنيت اني اعرف حالك ولا اوصل لاختك ابي اعرف هي اختك كم عمرها وما حاولتي تتقربين منها ترى حتى البنات لهم مشاكلهم وظروفهم بالذات اني زي مافهمت انكم ثلاث بنات بس وهي الوحيده اللي لسى ماتزوجت حاولي تحتوينها وتتقربين لعالمها مهما كان عمر الدم مايصير ميه على قولتهم

ملوكه ياعمري عليك انا بعد مر علي العيد وانا بالعده وطول اليوم هواجيس وذكريات الحمد لله على كل شي ولا العيد الثاني وافق ايام زواجي هو اللي من جد بكيت فيه وبكيت الكل حتى خالي ياقلبي عليه ما انسى دموعه وهو واقف على راسي عاد هو مرررررررررره حنون واقل شي يبكيه ولا الثاني كان يلبس بيروح الصلاه وهون وجلس معاي اللين ضحكني الله يسعدهم ويوفقهم وين مالقو اما حبايب قلبي اختي ومرت اخوي من يوم تنحت وهم عيونهم علي وعيوي تدمع وهم زي ويوم بكيت وحضنت نايف قام يبكي حبيبي شالوه عني وانا يقالي بشرد من عندهم طبيت بخوالي بس الحمد لله ارتحت