السلام بنات
حابه اقولكم شي ان ربي اذا حب عبده ابتلاه ولازم ياخواتي انكم ماتحزنون لان اجركم الان مضاعف اكثر واكثر بهالشهر الفضيل
عاشقة القلم انتي كتبتي ان المصائب جاتني مع بعض ابذكرك اختي ان الله سبحانه وتعالى يحب يختبر صبر عبده فمن سخط له السخط ومن رضى له الرضى
وتذكرو اخوتي ان الله سبحنه وتعالي قال في كتابه الكريم ( فان مع العسر يسرى *ان مع العسر يسرى )

سلاااااااااامتك ام الغوالي الف سلامه

لاتتهاوني بالعلاج واكيد روحي لطبيبه شعبيه تعطيك صباخه عباره عن حاء فيه ادويه حاره تلم الراس وان شاء الله بسيطه الله يخليك لنا ولعيالك يارب

طمنينا عنك

عشوقه

آآآآآآآآآآثرتي الرفق واللين ومايتحسف الا راعي الرديه وانتي العيبه ماتطلع منك وكله يهون من اجل عيون وخاطر الوالدين

بنات

ماادري وش فيني وش جرالي فيني انكساااااار غريب وحزن ودموع ماتوقف وخنقه وضيقه وحنييييييييييين غير طبيعي لامي وابوي وزوجي وخاااااااااااااصه امي

اشتقت لها بلحيل وربي كانت ملاك طاهر قلبها ابيض من القطنه الله يرحمها ويغفرلها الغاليه


حتى اهدتني مرة اخوي بعد عمرتها البخور الي يجي اعواد طوال ويطلع ريحه ولعته المغرب ابغير جو البيت ولعلي انعم شوي براحه وسكينه مع الرائحه الطيبه واتذكر اميمتي حلوة اللبن كانت تحبه ودوم تشعله في بيتنا وجلست اصحي وادعي لها


المهم

يابنات حصل شئ زاد ضيقي وكدري

اختي توه واصله من الرياض مغرب اليوم واتصلت عليها وقلت ابجي بعد التراويح ازورك اشتقت لها ولعيالها

ورحبت اخيتي بلحيل واستعدت

المهم

ويجزم ولدي يعتمر بكرا مع اصحابه ويعتذر عن توصيلي لانه مشغول

واتصلت على اختي

واعتذرت منها ولزمت عليها تجي تسحر معي لاننا مشتاقين لهم

وجت

وانبسطنا بالاول رغم وضوح تعبي وضيقة صدري وهي كذلك

قالت لي اول ماجت بكيت امس اشتقت لامي بلحيل وزوجي هداني وقال اصبري واللقاء بالجنه

قلت لها سبحااااااااااان الله وانا مثلك مشتاقه لها وبكيت وخاصه العصربلحيل من شوقي لها خاصه

المهم سولفنا ولاعندنا خلاف وضحكنا شوي

وبعد ساعتين الحديث جر بعضه قلت لها بسالك سؤال جاوبيني بصراحه

قالت على حسب السؤال مااوعدك اجاوبك

المهم سؤالي تافه وعادي جدا

مادريت الا يوم اخذته بزعل ورفعت صوتها وجابت الاول والتالي وقالت اشياء ماتنقال ولجت وصجت

قلت خير وش فيك هو سؤال

المهم تهاوشت انا وياها ابفهمها وهي مصره على الفهم الخاطئ
بالاخير قالت خلاص لايجي اكثر

قلت خلاص

قمت اتوضا ابتسنن

لقيتها لابسه عبايتها وتقولي مع السلامه ابصلي بالمسجد الي عندكم ويجيني زوجي هناك واخذت عيالها وراحت

قلت تسحري والا ننتظرك تجين قالت مااشتهيه

المهم اخر هوشتنا مع بعض قالت

انا وانتي مانصلح مع بعض لاعاد تجين لمي ولا اجي لمك نشوف بعض عن الناس بالعزايم والدوريات

كل ماشفنا بعض نتعب

وهي صادقه يابنات

اختي هاذي تحبني اكثر خواتي وانا كذلك وتموت بعيالي وانا كذلك

واحسن خواتي لي وانا كذلك لها

بس من اشوفها واجتمع معها ماادري وش يصير بنا مو دايم

بس سبحان الله انا اعتبرها مستفزه تستفزني بالكلام

يرتفع ضغطي كثير من كلامها

دايم تشكى

ماياكلون
ماينامون

مايفرحون

مايروحون

مايسافرون
ما ما ما

دايم تتذمر وفيها وسواس من العين بشكل كبير

ماتمدح ابد

هي وعيالها دايم مرضى

تحب تمدح نفسها قوه ولازم انتي تمدحينها وتجاملينها طول الوقت

الانتقاد مرفوض واذا انتقدتي بشئ بسيط وعادي صرتي عدوة مثل ماحصل معي قبل شوي معها

المهم

اني تعبت واحس اني ماني حمل غثاء ومشاكل ووجع راس

الله يرحمه ويغفرله كان راد عني اذى كثير من ناس كثير بوجوده فقط بيننا

الله يعين على هالدنيا بخير

شعاري الجديد

لتكوني محبوبه دائما ومرتاحه نفسيا وعقليا وجسميا
لاتنتقدي احد

جاملي دائما

امدحي دائما

كل مشاعرك ونظرتك واحاسيسك اكتميها بصدرك لاتظهريها لاحد ابدااااااا

السلام عليكم
اخباركم بنات وش فيكم قالبينها حزن وهم
ام الأمراء
طبعا النفسية مش ولا بد وكلامك كمل الباقي الله يعظم اجرك وأجرنا وإن شاء الله تتعدين هالمرحلة احمدي الله أنه اصلح عيالك وادعي لهم بالصلاح وودي اسألك كيف اربي ولدي بالطريقة الصحيحة والله التفكير فيه وبتربيته اتعبتني مافيه أحد يساعدني ودي مين ياخذه للمسجد يوميا وودي مين يوجهه لكن الكل نفسي نفسي واخواني الله يهديهم مو ملتزمين والوالد ماودي ابلشه بولدي يكفي قايم بمشوايره والأعمام وجدهم مشغولين بعد الفلوس ونفس الشي مامن هداية ماأدري شلون الله يرحمه طلع غير عنهم!
إذا قفلت عليه بالبيت اخاف يتعقد واذا تركته انفلت ياااالله احترت يارب ساعدني ...

أم الغاليين سلامتك ماتشوفين شر يالغالية مره جاني صداااع مستمر ورهيب مو راضي يروح وسألتني معلمة الله يجزاها خير أنتي متعودة على الحناء قلت يعني من زمان ماحطيت حنا قالت راسك تعود عليه حطي حنا وجربي..
رحت البيت سويت حنا وسبحان الله لما حطيتها حسيت ببودتها بكل جسمي كأنه نار وانطفت وراح الصداع عاد اذا تحبين الحنا جربي..

بسومة
طالعة من الشر ويااارب آخر الأحزان لاتختفين عاد خلينا نشوفك مانستغني عنك والله...

ام الروقان
لاتستسلمي للحزن اشغلي نفسك ادعي الله دائما واسأليه الأنس بقربه..

صاحبة الأميرات
ربي يحفظ لك عيالك وزوجك ويخليهم لك تعوذي من ابليس والله يتقبل منا كلنا بنفقد الشهر الله يعيده علينا اعواما عديدة ..


أم الأمراء وش السؤال اللي خلى اختك تزعل كل هالزعل :27: لا وبتقاطعك بعد الله يهدي الجميع ماعاد أحد يتحمل أحد أنا من زمان مطبقة هالقاعدة جااااملي وبس ولا اسكتي ..


عاشقة
الله يعينك من قريت موضوعك ذاك اليوم وضايق صدري ومقهورة من اختك هي كم عمرها؟ ااه بس ليتها اختي والله شي يقهر صدقيني الضعف ماعاد ينفع في الزمن هذا ياتاخذين حقك بنفسك ولا تنداسين تحت الرجلين ..

يابنت الحلال

ياعزيزه

هي تدرس محو اميه من سنين

ودايم بكلامها تقول استلمنا المكافاه او اذا جاء مجال لذكر وظيفتها وراتبها ماتقول راتب تقول مكافاه من زمان هذا كلامها

جيت اليوم وانا اضحك من سذاجتي هالخبله انا

واسالها قلت هاللحين نظام الاميه يسمون الراتب مكافاه ولا انتي تقولين كذا دايم عشان تطفين العيون يعني ان المكافاه قليله وماتسوى لكن لاقلتي راتب يحسبونه شئ كبير

وانا فعلا اتسائل من زمان ودي اسئلها وجاء مجال اليوم

ماجاوبتني عادي

لا

انهبلت

وقلت وش اخاف منه ومن ادرى منه ماهمني احد بس هم كذا نظامهم قلت صدقتك خلاص ماحصل الا الخير

بس ماش مجتمع ماتعود على النتقد ابد كلش مدح ومجامله ولانكون اعداء

الله يهدي الجميع

وانا فعلا اخطيت ولا وش دخلي ان بغت تسميه عونيه ههههههههه

اختي ام الامراء
انا قريت مشاركتك الاخيره وموضوعك انتي واختك ون كلامك فهمت شخصيت اختك
اذا انتي عارفه شخصيتها خلاص عطيها مثل ماتبي دمها تحبك متحب عيالك وصدقيني متحب عيالك بزياده الا من محبتك انتي
يعني لاتشوفين سلبياتها لا ... عامليها بالي يرضيها يقول المثل لاجل عين تكرم مدينه
انتي وضحتي انك فهمتي نفسيتها خلاص عطيها من الكلام الي هي تبيه اني وش بيضرك
ومافيه احد مافيه عيوب بالعكس دامها تحبك اكسيبها اكثر
مالومك الانسان الي يتشكى انسان ممل<<<خخخخخخخخخخخخخخخ
بس مثلا اذا اشتكت قوليلها يالله انتو مافيكم الا العافيه بمزحه طبعا وادخليله بجو مرح شوي
اما الكلام الي قالته انها ماراح تجيك لا هذا بس لانها زعلانه ماعليك بترجع
الله يخليكم لبعض
بس ودي اعرف وش السوال الي خلاكم تقلبون على بعض <<<خخخخخخخخخخخ وحده ملقوفه