(ام الغاليين) :

السلام عليكم شلونكم خواتي جميعا وشلون عيالكم يارب الكل بخير اشكر خواتي اللي سالو عنى واطمنكم الحمدلله حامده وشاكرة ربي والله الصداع للحين وهاليومين بدخل على دكتور يشوف يعلتي احس بالهدوء زينة ببيتي وبروحي بس مع عيالى مابي احد يجينا بس من اطلع او يزورنى احد مع الازعاج والصوت يرد والحمدلله يارب على كل حال سحايب لاتوسوسين حلمك هو من عقلك الباطن مثل ماقالت بسومة بسبب دخولك ملفنا ومعايشتك لاوضاعنا والا الموت اذا بيجي صدقيني مايكون ببالك بالمرة زوجي الله يرحمه قبل وفاته قالو له الاطباء المرض منتشر في جسمك كله وايامك معدودة ومالك علاج لاتفكر تعالج او تسوي عمليات وتضيع هاليومين عليك روح اقضها بين عيالك وقال لي هالكلام بالحرف الواحد وهو منهار الله يرحمه والله ماصدقت ولاتخيلت اني بفقده مصدقه انه فيه مرض بس مستبعده الموت قبل وفاة بيوم كان بغيبوبة تامة رحمة الله عليه وكنت عنده من الصبح واطلع على صلاة العصر عشان وقت الزيارة للرجال وارجع عالساعة 9 بالليل واقعد اقرا عليه للساعة 12 بهاليوم من المغرب كان كل اشوى واحد من اهله يدق لي يترجاني ما اجي ويقول عشان عندنا ارجال وقلت اوكي ماراح اجي الا متاخر وكل شوى واحد يدق مافكرت ليش صدقت كلامهم والصحيح ان زوجي كان يحتضر ومايبوني اشوفه سمعت كلامهم ونمت ومن الصباح لبست بروح اقعد عنده بالمستشفى نزلت تحت والا خواتي وخالتي قاعدين بالصالة سلمت عليهم وقلت لهم عن اذنكم بروح لزوجي ياناس والله ماستوعبت ولافكرت اشجايبهم بهالصبح شفتي كيف رحمة ربي فينا والله لحظة الموت الله يبعدها عن بالنا فلاتوسوسين هذا كله من عقلك الباطن حبيبتي

السلام عليكم شلونكم خواتي جميعا وشلون عيالكم يارب الكل بخير اشكر خواتي اللي سالو عنى واطمنكم...

عزيزة نفس :

عاشقة القلم اخبارك ان شاء الله راح الطفش شكلنا بنتفق على الدخول بوقت واحد حتى نقدر نتكلم نسولف... ام الغالييين صدقتي والله الموت يجي للي مو متوقعه نهائي بس تدرين كنت نفس اميرة كنت اعتقد انه اللي يموت وهو مريض ارحم من موت الفجأة لأنه فجأة وانت تضحكين وتسولفين يقولون لك زوجك مااات!! يااالله صدمة مابعدها صدمة.. لكن المريض صحيح انه يمكن متوقعين موته لكن اللحظات اللي تسبق موته ومن خلال كلماتك خاصة انهياره لما سمع بمرضه حسيت بأنه الم تلك اللحظات يفوق كل ألم الله يرحمه ويسكنه فسيح جناته..

عاشقة القلم اخبارك ان شاء الله راح الطفش شكلنا بنتفق على الدخول بوقت واحد حتى نقدر نتكلم...