وينك ياأم الأمراء
عموما خليه بكرى على رواق اشرح لك وشهر زاد..
تصبحون على خير..

صباح الخيرررررررررررررررررررررررررر <<<غثيتيهم كل صبح وانتي محضره عندهم :icon10:

كيفكم كلكم
ان شاء الله طيبييييييييييييييين


بسمه
وش هالسهر للحين ما نمتي؟؟؟؟؟؟؟؟؟؟؟؟ :buck:


الاميره شهرزاد
ماشاء الله عليك قدرتي تنظمين نفسك
انا ان شاء في طريقي للتنظيم كل يوم انام بدري شوي عن اليوم اللي قبله
واليوم صحيت 5 ونص وطار النوم
يارب يستمر هالنشاط فيني ايام الدوام




عزيزه
يالله سوي اسبوع تمهيدي لام الامراء توها بأولى ابتدائي :biggrin:
وانا بساعدك واجيب البلونات والحلويات

خخخخخخخخخخخخخخخ ياربيه تذكرت اول اسبوع بالدوام وصياح البنات وتشعبطهم بأمهاتهم
لا وبعضهم ان لقوا باب المدرسه مفتوح حطوا رجولهم وهربوا كنهم هاربين من معتقل





ام الامراء
ان شاء الله وصلتك الرساله عالخاص





شموخ
ياقلبي تأثرت بقصة وفاة زوجك الله يرحمه ويغفر له ويسكنه فسيح جناته
ماشاء الله ربي رزقه حسن الخاتمه يكفي انه مات في شهر فضيل وايام فضيله الله يجمعك فيه بجنات النعيم
ويخلي لك اولادك ويصلحهم وتشوفينهم بأحسن المراكز يارب



ام الروقان
وصحوبه
بالنسبه للفطور فهو الظاهر معاناة الجميع
بس مثل ما قلت لكم خلونا نحرص انهم يأكلون التمر قبل كل شي حتى لو حبه وحده بس
انا إذا شفت بنتي اكلت التمر خلاص ماادقق على باقي الاكل
وشي احسن من لا شي
ومثل ماقلت سابقا التمر بيعطيهم الطاقه اللازمه طول النهار
وهو غني بالفسفور يدخل في تركيب الدماغ والاسنان والعظام وكثير وصفوه بأنه وقود النشاط والذكاء الي هم محتاجينه بالمدرسه

ومن فوائده كمان انه يعطي نشاط عضلي وجسدي لانه يحتوي على سكر العنب والفاكهه والقصب فبيساعدهم مع كثرة حركتهم
ومن فوائده تقوية الاعصاب السمعيه والبصريه
طبعا هذي بعض فوائد التمر اللي قرأت عنها






عشوقه
بالنسبه لموضوع التفاؤل
هذا الشيطان يبي يحطمك كل ماحاولتي تخرجين نفسك من الحاله اللي انتي فيها بدأ يوسوس لك
ويقول لك زوجك توه متوفي من شهرين وانتي تبغين تنبسطين؟
انتي مو مخلصه له...
انتي ماتحبينه ...
انتي لازم تدفنين نفسك بالحياه لانك صرتي ارمله ..
انتي لازم مايلاحظون عليك الناس انك متغيره للاحسن عشان ما ينتقدونك...
انتي لازم تكونين دايم حزينه...
انتي لازم تتحسسين من اي كلمه او موقف من اهلك...
انتي عاله على اللي حوالينك........
انتي كل اللي حوالينك مستغلينك لانك ارمله .......
وانتي وانتي وانتي ..............

كل هذي سوالف الشيطان اللي تدور براسك وكل ما استسلمتي لسوالفه بيطلع لك بسوالف جديده وبياخذك اكثر واكثر لعالم اليأس والحزن والكآبه

ادري ان المصيبه اللي مريتي فيها مو سهله ابدددددددددددددد وانا اعتبرها اعظم مصيبه ممكن تصيب المرأه في الحياه ..
لكن وبعدين ياقلبي؟؟؟
زوجك الله يرحمه مات لكن انتي مازلتي على قيد الحياه
هو انتقل لرحمة رب العالمين وانتي لا تكو نين تحت رحمة الشيطان وسيطرته على افكارك
هو لو يشوفك بيتمنى تكونين سعيده مو حزينه
الحزن بالقلب
والوفاء له مثل ماقالت اختي ام الغالين تكون بالدعاء المستمر له والتصدق عنه

والحين انا بعطيك منظومتين 1- منظومة الفشل والسلبيه 2 - منظومة النجاح والإيجابيه
وانتي اقريها بتمعن شديد وشوفي وقرري ايش تختارين

منظومة الفشل والسلبية

1. كن سلبيًا متواكلاً عديم الشعور بالمسئولية
2. قم بأعمال كثيرة لا تدري لها هدفًا
3. كن فوضويًا واعمل ما تشاء وقتما يحلو لك
4. كن أنانيًا يهمه أن يكسب ولو خسر الآخرون
5. لا يهم أن تفهمهم بل المهم أن يسمعوك
6. اعمل لنفسك لا مع الآخرين
7. ارضَ بواقعك ولا تحاول أبدًا أن ترتقي بنفسك


منظومة النجاح والفاعلية

1. كن إيجابيًا وخذ بزمام المبادرة
2. ابدأ وأهدافك واضحة لك
3. رتب أولوياتك وقدم الأهم فالمهم
4. فكر في المنفعة المشتركة لجميع الأطراف
5. حاول أن تفهم الآخرين قبل أن تتحدث إليهم
6. اعمل للمجموع وتعاون مع الآخرين
7. جدد قدراتك باستمرار


واحب اطرح لك نموذجين للايجابيه شفتهم من ناس حواليني واعجبت فيهم كثير
الحاله الاولى
قريبتي

كانت من ايام الدراسه طموحه ومجتهده بس كان نصيبها تترك الدراسه وتتزوج زواج مع الاسف انتهى بالفشل والطلاق وزوجها ماترك لها عيالها بعد الطلاق
حزنت وبكت وحست ان الدنيا خلاص قفلت ابوابها بوجهها وصارت حساسه من كل كلمه تنقال او تصرف لو بسيط من اهلها تفسره حسب تفكيرها انها صارت ثقيله عليهم

وبعدين..
قدرت تخرج من هالحاله وكملت الثانوي
ودرست حاسب وكانت حريصه ان دراستها مو مجرد هروب او مجرد تضييع وقت
لا كانت تحرص تكون مجتهده ومتفوقه ومنافسه لكل اللي معاها
وخلصت دراستها وتوظفت بتدريس الحاسب
وبعد فتره بسيطه جداااااااا نظرا لتفوقها وتميزها بمجال الحاسب مسكت ادارة احد فروع معهد نيوهورايزن
وتزوجت للمره الثانيه وعندها الحين ولد وبنت



الحاله الثانيه
اخت زميلتي
متزوجه وربة بيت
بس زوجها دايم مشغول
اهل زوجها وحمواتها دايم مشاكل معاهم

الجميع بيتوقع انها بتتقوقع ببيتها وتستسلم لانشغال زوجها المستمر وبتنعزل عن جمعات اهل زوجها حتى تتجنب المشاكل وبس

لكن هي وش سوت
دخلت دوره في تعليم المكياج والتسريحات والتفصيل والخياطه
وتعلمت من الدورات وتعلمت من النت بعد في مجال التجميل
والحين ماشاء الله تبارك الله
فاتحه مشغل حلو ومرتب وجابت لها كم فلبينيه شاطره ولهم خبره بالتجميل والخياطه
ومشت امورها ماشاء الله
وعرفت كيف تستغل المواهب المدفونه بداخلها واشغلت وقتها وفتحت لها باب رزق جديد

طبعا هذي نماذج اعرفها بنفسي خلتني افكر كيف ان الانسان بس ينوي ويتوكل على الله ويقرر انه بيغير من حياته للافضل سبحان الله ربي يكون بعونه ويحقق اشياء ما يحلم بيوم انه يحققها













ياكثر ثرثرتي توي انتبه :biggrin:

سحوووووووووبه
ماشاء الله عليك فعلا سحابه ما تمر الا تنفع ياضل يا مطر
ما قصرتي ما شاء الله عليك

ام الروقان مشكوووووووووووووره ياقلبي عالاطراء الحلو :nerd:

كبر راسي وطارت الشباصات من كبره :pinklove:

هلا بالغاليات لكم فقده كبييييييييييييييييره
الحمد لله استمتعت بها العيد وشفت اهل الغالي كلهم الله يحفظنا لبعض واهم شي ان نايف شاف عمانه وعماته الله لا يفرق بينهم

بروح اكمل قرايه بقيه المشاركات بس حبيت ارحب بحساسه واقولها عظم الله اجرك وهلا فيك
وسحايب صيف يابنت زين اللي طلعتي من جديد لك وحشه يالغاليه اخبارك
وام الامراء تراني مو مررررررررررره بزر عاد لا تصدقين عمري يالغاليه 23 بس ترملت وانا توي باول 20 عشان كذا الكل محسسني اني بزر بس يقولون عني عاقله خخخ _ ابد ماتمدح نفسها _
عزيزة نفس جزاك الله خير على الدعاء اللي بتوقيعك