أم الأمراء :

دايم اذا شاوروني عيالي بامر او عموما في اموري الخاصه حتى بالطلعه من البيت اسال نفسي كثييييييييير لو كان عايش وشلون يتصرف وش موقفه ثم احاول اختار الي كان يحبه ويبيه ويرتاحله لانه الوحيد الي اثق ثقه عمياء بحبه لي ولعياله ولمصلحتنا بس مع ذلك بسمه احس بدت الحياة تاخذني انا وعيالي بعيد شوي شوي عن نهجه وطريقته لكن رغم عني سنهم وظروفنا الجديده صعب تجاهل التغيير فيها تصدقين الى يومك احيانا يجيني شعور وانا جالسه في بيتي مع عيالي جلسه او وضع يحبه الله يغفرله ويرحمه او حتى العب ابنه الصغير اقول لو يدخل هاللحين علينا وبشوفنا بيفرح اننا حفظنا عهده انا وعيالي وكثير تجيني لحظات اقول لو يدخل علينا وش تغير في بيتي عقبه واتخيل وش ردة فعله على الرغم اني احافظ على كل شئ قام هو فيه بالبيت وكثير بعد احلم قبل نومي باليوم الي اجتمع فيه بالجنه واجلس قدامه كاجمل حوريه واقوله كل شئ صار علي وعيالي عقبه من يوم خبروني بوفاته لحد ماجمعني الله معه بالجنه اسال الله نكون من اهلها برحمته التي وسعت كل شئ واقوله وشلون دريت وعيالي وشلون فقدته ويحضني ويقبلني على راسي ويفتخر فيني لاشاف حفظي له بالغيب ولاشاف عيالي من الصالحين المهتدين البارين به باذن الله انتم مثلي ؟؟؟؟؟

دايم اذا شاوروني عيالي بامر او عموما في اموري الخاصه حتى بالطلعه من البيت اسال نفسي كثييييييييير...