كيفكم يابنات حواء ؟ طيبوون؟
المهم انا جايه اقولكم فشيلتنا اليوم عند امي واخوي:44:
السالفه ياطويلات العمر اني انا واختي مطيحين بهالمنتدى وكل مانقرا موضوع الا نلقى انواااع المدح بعالم التوفير
واللي تنزل مشترياتها ومواعينها اللي تهبل وتقول من عالم التوفير !! عاد انا كل مانصدق كل ماشفنا موضوع طاحت سعابيلنا:42:
وقررنا قراااار لارجعه فيه الا وهوا انه لازم لاااازم نروح لعالم التوفير هذا ليه كل العالم يروحون وحنا لا >>حريم!
ونبدأ بالحن والزن فوق راس امي واخي الحنوون ونقطعه بالمدح ونقول بنات عالم حواء يقولون يجنن ويهبل
ويشروون منه اشياء ومواعين تهببببل ورخييييصه لين امي بدت تقتنع
ونجلس نحاول بأخوي كم يوم وكل يوم نعيد نفس الكلام لين رحمنا وقال خلاص بوديكم بس ماعرف مكانه قلنا
ماعليك بنات حواء يقولون فيه فرعين بالرياض بالنسيم وبسويقه عند قصر الحكم قال النسييييم لا تحلمون تروحون له ( الاخ يكره النسيم وكل شي فيه:()
المهم قلنا مو مشكله ودنا لسويقه اهم شي نروح قال اووكي
ونتشقق من الفرحه ونروح ونجلس ندور بسويقه ونحووس ندور عالم التوفير اللي يقولون واخيييرا لقيناه
بس من اول ماشفناه صارت وجيهنا كذا:( محل صغيييير قلنا ماعليه يمكن صغير بس زين
وندخل ندور مواعين ندور هاللي يقولون بس للاسف مافيه الا كم كاس وكم صحن والباقي ملابس بخمسه ريال!!
ضاعت وجيهنا وامي تسألنا وين المواعين اللي يقولون قلت هاه مدري!
قالت متأكدين هذا اللي يقولون قلت ايه:icon33:
وهاك ياتهزيء واخوي يقول كل هالمشوار على هالخرابيط!
بصراحه انا بلعت لساني ماعندي شيء اقوله طايح وجهي!
تخيلو ماشريت الا صحنين وعلب لقيتها الوحده بريال
ورجعنا البيت وطول الطريق تهزيء فينا وامي تقول هذا اللي يقولون حواء هاه!! يلعبون عليكم الحريم وانتو تصدقون:44:
وانا احاول ادافع اقول يمه يمكن قصدهم فروع ثانيه :09:
وبسس
هذي فشيلتنا
وسؤالي ياحلوات
تتوقعون ان الفروع تختلف؟؟
وهالمواعين والاشياء الحلوه اللي تشرونها من وين؟؟
وبعد ليش حظنا شييين:icon33: