كل هذي الحرب إللي قامت بسبب جلوي 😂
وتلاقون جلوي جالس يلعب مع كلبه 😂
ومهو داري عن هالحريم اللي عقولهم صغيره
الله يسعد قلبك ياأم جلوي ويحفظ لك عيالك والأمير
كل هذي الحرب إللي قامت بسبب جلوي 😂
وتلاقون جلوي جالس يلعب مع كلبه 😂
ومهو داري عن هالحريم...
سلمت إشارة الى السلام والاحترام اللي جيت ارد عليك فيه واشارة لحسن النوايا والمقاصد ومن الاخر ماني حقت هواش
وانا بالعاده ما احب ارد عليك لان مافي شي جديد ينقال وينرد به على كلامك المكرر فكرامة لنفسي ولك ألتزم الصمت على الاذى اللفظي الغير مبرر منك اتجاهي
اما بخصوص رد أي عضوة هنا سواء افتعلت مشكله او غيرت مسار الموضوع فهو يمثلها وهي مسؤله عنه انا مالي أي دخل عشان تلوميني وتحمليني مسؤلية خلافاتكم الشخصية وذكرت هذا الشي عدة مرات وقلت مو شرط اذا كرهتوا عضوه تبوني اكرهها معاكم شوية منطق وعقل !
اما بخصوص كيف انفتح موضوع نجمة هنا ببساطه راجعي الردود بنفسك مثل ماعملت انا قبل لا ارد عليك رجعت تصفحت الردود ولقيت ان نجمة كتبت تعليق تقول بمعناه تتمنى ان ال الشيخ شاف موضوعها وانا رديت عليها مثل مارديت على العضوات اللي علقو هنا ومن بعد تعليق نجمه صار في اقتباسات من عضوات اخريات يردون على نجمه ويتكلمون عن موضوعها انا وش ذنبي تلقين باللوم علي ؟!
اما اذا تقصدين كلامي عن قوت ارجعي للصفحات وشوفي نفسك وانتي تطالبين احد العضوات انها تتكلم عنه وهي ردت عليك ومن ضمن كلامها انها ماتدري وش اللي صاير وانا رديت عليها اوضح اللي حصل فهل بعد كل هذا تلقين اللوم علي وتحمليني المسؤليه ؟!
اما كلامك عن الموضوع بكبره والمقصد منه فا اقول الله وحده مطلع على خفايا النفوس ويعلم النوايا افوض له امري فيما تتدعين وتلمحين وتقصدين ضدي وهو احكم الحاكمين
ختاماً ترى الحياه اسهل من كذا والله
لو كل وحده تركز على نفسها وعلى اهتماماتها وتترك التصيد على الاخرين كان افلحت وزانت امورها
ترى كلنا عندنا صحيفة اعمال لا تغادر كبيره ولا صغيرة الا احصتها وعند الله تجتمع الخصوم وكلن ياخذ حقه لا ينقص ولا يزيد ذرة
فليش نستموت ونستقتل ونتحارب عشان نقتص من الاخرين ونثبت جرمهم وندينهم لدرجة اننا نتحول لظلمه حاملين بظهورنا حقوق عباد مثل الجبال من كبرها !
لازلت اقول وش الشي اللي يستاهل انك لهذي الدرجه تحرصين على اثباته من كل اللي تسوينه
الله موجود مايكفيك وجوده وعدله ؟
الله يستر علينا وعليك ويصلح احوالنا واحوالك