هلا والله ومليون مرحب الأخت شجون الحزينة

والله اتمنى اولادي ياخذوا معاهم سندوتشات من البيت انظف واحسن

لكن آآآه وآآآآه من عيال المدارس وحركاتهم

كان السنة الماضية ياخذ سندوتش من البيت

اسبوع وبطل" ليش يا بابا ؟؟؟" يقول الأولاد يضحكوا عليه !!!!!

وبعد كذا اذا أعطيته يرجعه زي ما هو في الشنطة !!!

والله معاها حق بنتك الكبيرة تخاف من الزحمة فسحتهم الربع ساعة تخلص والبنات

لسه عند شباك المقصف ما خلصوا يشتروا فسحتهم

اما ولدك الله يحفظه فكأنك تتكلمي على ولدي بس كويس منه يرضى ياخذ سندوتش وعصير من البيت

وياعيني على بنتك الصغيرة والله فكرتني بمدرستي الابتدائية

كنا نطلع 5 ادوار علشان نسوي الطوابير الصباحية وبعدين ينزلونا ال5 الأدوار

لفصولنا سنة اولى ، وبعدين يطلعونا 5 أدوار نتفسح في السطوح وبعدين ننزل 5 ادوار

نسوي رجيم طبيعي ههههههه واللي ناكله نحرقه في ال5 ادوار

معقولة لحد الآن في مدارس في عماير؟؟؟؟!!!!!!! الله يعين الجميع

الله يخليهم لك ويخليك لهم ويحفظهم من كل شر ومكروه اللهم آمين

والف الف شكر حبيبتي على المشاركة الله لايحرمنا من طلتك الحلوة .

لالالا اختي الوردة السمراء ابدا ً والله ما انت مقصرة معاهم

ريالين + سندوتش + عصير + ماء كويس مرة

وسبحان الله الأم دائماً تحس انها مقصرة مع عيالها أنا حطيت موضوعي

لمن شفت ولدي مو مقتنع ب3 الريال المصروف حسيت انه يمكن اكون مقصرة معاه

بس انا اعطيه 3 ريال بدون سندوتش وعصير وموية وبعض الأحيان يشوف اصحابه معاهم

5 ريال ويبغى زيهم بس كثر الفلوس مو لصالحهم والصح هو اللي لازم يتعمل .

وعجبتني فكرة الحصالات ومن زمان ابغى اسويها وان شاء الله راح اسويها

وفكرتك مع بنتك رائعة .. رائعة .. رائعة وصدقتي والله راح تتعلم حسن التدبير

بس ماتنفع مع اولادي راح يصرفوها في يومها ههههههههههه يمكن لمن يوصلوا سنة رابع

يعطيك الف الف عافية على مشاركتك وافكارك الحلوة

وربي يحفظلك اولادك ويوفقهم ويرزقك برهم اللهم آمين .

مرحباً اختي أم الثلاثة ،، انا مو متزوجه لكن اقول لك على مصروف اخواني الصغار

اختي في اول ثانوي ثاخذ 5 ريال وماتشتري فيها كلها ،، واخوي في اول متوسط وياخذ

ريالين مع العصير والسندويشه والماء واحياناً بس ريالين ،، واختي اللي في خامس

ابتدائي تاخذ ريالين مع العصير والسندويشه والماء اما اختي اللي في ثالث ابتدائي تاخذ

فسحتها ومصروفها وترجع للبيت بواحد منهم ،، يالفسحه او مصروفها ..

اما يوم الاربعاء نعطيهم 3 ريال علشان يستانسون انه اخر يوم مدرسة في الاسبوع :42:

وهذي الحركة من ايام ماكنت انا ادرس بالمدرسة :21:



اشجان

هلا والله ومليون هلا ومرحب باللي اسمها على اسم اختي بس اختي اشجان 1400 :39:

ما شاء الله على اخوك في المتوسط وقنوع !! الله يصلحه ويهديه لكم وكويس انه ما يقارن نفسه بالمراهقين اللي معاه

ونصيحة لكل الأمهات اللي عندهم اولاد في المتوسط والثانوي
المصروف الزايد عن الحد + شلة فاسدة = ضياع وشرب سيجارة والله يستر من الأشياء الثانية .

مصاريف اخوانك اخت اشجان مناسبة جداً وفكرة زيادة المصروف يوم الأربعاء فكرة حلوة
تخلي الفرحة فرحتين .

ومشكورة حبيبتي على مشاركتك وربي يرزقك الزوج والأولاد الصالحين ويخليلك ابوك وامك واخوانك اللهم آمين .

هلاااااا اختى

انا ولدى فى اول متوسط وياخذ سندويش وعصير و2 ريال هذا يومى لكن لو فى يوم جاب تقريره وكان حلو 5ريال
طبعا هذا مو من بخل لكن الافضل ان الاطفال يتعودوا على الاقتصاد

ولا لو على كيفهم كان كل يوم 10 ريال