مساء الخير يا بنات
و كل عام و انتم بخير
اسال الله ان يباركلنا في شعبان و يبلغنا رمضان و يكتب لنا فيه القبول و الغفران
بدخل في الموضوع ، أنا وحدة عانيت من تساقط الشعر الرهيــــب ( بدون أي سبب ) < حطو عليها مليون سطر و طبعا تعقدت مرة لان شعري كان مرة روعة و طويل و كثيف
طبعا انا ماكنت اعتني فيه اللهم شامبو و زيت لما امشطه و خلاص و ماكان عندي لا تقصف لا قشرة و لا اي مشكلة < هذاك اول :(
حللت و حللت و يا غزل ماعندك اي مشكلة و كل بلاوي الدنيا اللي وصفوها لي الدكاترة حطيتها بعضها مافاد مرة يعني احط الموية على الرمل
و بعضها فاد بس بشكل بسيط مرة ياحسرة و يافرحة ماتمت اول مااخلص الكورس يرجع التساقط وبشكل أكثف
بقولكم الاشياء اللي مافادت معي بالاسم عشان لا تصرفو فلوس على الفاضي و تخسرو و حسبي الله ونعم الوكيل في الدكاترة اللي يضحكو علينا ، تصدقو ان فيه وحدة رحت لها اقولها ان التساقط عندي صارله سنتين تقول الحجاب السبب ! لا ياشيخة
جربت شامبو ديركوس من فيشي و بخاخات نيكوستيم الصباحي و المسائي و حبوب جوفابيول و حبوب فيتافان < كلها فرنسية و جربت نيوتريكاب < هذه زينة للي تبغى الطول < بس المشكلة انا ماابيه مكتفية
و كمان افشــــــــــــــــــــــــــل بخاخ في العالم النيوكسيديل و مهما تعددت اسماء ريجن ، هيرجو ، تعددت الاسباب و التساقط وااااااااااحد و دائم نصيحة لا تستخدموه و الله العظيم انه سبب لي عقدة :09:
و حاجات ثانية كثيرة و الله بعضها ناسيتها :icon33:
الزبدة الحين ادري طولت عليكم لكن يشهد الله اني ابي افيدكم و لا ابي منكم الا دعوة حلوة مثلكم في ظهر الغيب لعل و عسى وحدة فيكم تكون دعوتها مستجابة و الله اني بحاجة لها و لا تنسوا ان فيه ملك يقولك ولك بالمثل
نجي لرحلتي مع الخلطات
و انا الفلف بالمنتديات خاصة منتدى حواء و منتدى الفراشة و منتدى عروس < الله يجزي كل وحدة خطت حرف فيه كل الخير و يرزقها من حيث لا تحتسب
كنت وقتها واصلة حدي لاني وقفت النيوكسيديل و رجعلي التساقط
لقيت اول وصفة اللي اشتهرت بالنت ( بخلطة هاجرية كول )
سدر و مغلي بصل و ثوم وزيت زيتون و زيت خروع < انا زودت عليها زبادي و حناء و عسل
نتيجتها من اول استخدام لمعة بس جففت اطراف شعري
داومت عليها 3 مرات و حسيت ان التساقط خف
طبعا جربت خلطات ثانية ( صفار بيض + حلبة ) مرتين < سببت لي قشرة بس عليها نعووووووووومة خيالية و لمعة رهيبة
و جربت الزبادي و العسل و صفار البيض و قشر الرمان مرة بس < بس حسيتها عادية
^^
ماكررتهم لانهم ماعجبوني
و اخر شئ استقريت على خلطتين خلطة الحناء اللي ذكرتها
و خلطة ثانية صحيح خاااااااااااااااايسة اللهم عافينا بس رهيبة يا بنات انا كل مااشوف الشعر اللي طالع صغير اقول مو مشكلة ابتحمل
في خلاط احط ثوم و بصل مقطع + زيت زيتون و اصفيه بعدين و اخذ الموية و احطها على شعري و ادلك زين و اغطي شعري بكيس مدة 3 ساعات
و بما اني اعتمدت هذه الخلطة قلت بغير شوي في خلطة الحناء
و صارت كذا
( ملعقة حناء + ملعقة سدر + ملعقتين حبة سوداء + ملعقتين حلبة +ملعقة اكليل جبل + ملعقة اي زيت + زبادي و اعجنها بمغلي الكركديه والبابونج بس يكون مركز و اخليها طول الليل و الصباح ازود بيضة و اخليها شوية و بعدين اتحنى )
و اشتريت زيت ترشوب خطيـــــــــــــــــــــر ينعم و يخلي الشعر يلمع ، استخدمه بعد مااتروش ادهن فيه الجذور و الاطراف
هذا هو ، اكيد معروف
بالنسبة للشامبوهات كنت استخدم شامبو ultradoux من غارنيي للشعر العادي
هذه صورته
ها يعني مشو حالكم خفيف على الشعر+ مااستقر على بلسم معين < مشكلتي مالقيت بلسم زين :icon33:
و بعد بحثي عن افضل الشامبوهات انا طبعا ماخليت شامبو ماجربته ، حصلت بعض البنات يمدحو فاتيكا و جربته اليوم و فعلا طلع حلو
انا شريت اللي بالصبار والجرجير و الثوم هذا
وعندي كريم الشعر فاتيكا نفسها بس باللوز و الحناء و الصبار عجبني
احيانا اخلط ملعقتين من الكريم + ملعقتين من زيت ترشوب و اخليهم على شعري ساعتين و اغسله
و النتيجة بعد شهر و اسبوع من البرنامج شعري طاال و قصيت منه اليوم
و نبت لي شعر جديد هذا غير اللمعة و القوة ـ و التساقط خف:icon28::icon28:
اللهم لك الحمد كما ينبغي
فعلا ارتحت و طبعا بستمر ان شاء الله
الخلطات كل وحدة فيهم استخدمها مرة في الاسبوع يعني مثلا الاثنين بصل و ثوم و الربوع حناء و السبت ترشوب و فاتيكا
و الاهم من كل شئ الاتكال على رب العالمين و الدعاء و ذكر الله قبل و اثناء وضع الوصفة
و طبعا في كل وقت ^^
تصدقون عاد انا اول ماشفت الشعر الجديد طرت بالفرح هههههه و حتى ماما قالت لي لازم تنزلي موضوع في المنتدى عشان تفيدي البنات و تشكريهم بس انا قلت لازم اكمل شهر عشان كلامي يكون مقنع ^_^
على فكرة ترا مااستخدم لا جيل و لا سشوار و لا اي شئ
يعني غرتي احيانا اظبطها بالسيراميك و خلاص
عموما صحيح الموضوع طويل بس انا كتبتلكم تجربتي بالحرف الواحد بدون اي نقصان و يشهد الله اني ابغى لكم الفايدة و اشكر كل بنت طرحت تجربتها
و زي ماقلت لكم اللي يعجبها موضوعي تدعيلي بالتوفيق و تيسير اموري و ان الله يرزقني اللي ببالي
* الصور من النت
بنات مابي مشاهدات من غير ردود ترا مااكتبت الموضوع عشان اتفرج عليه الله يسلمكم :26:
تحياتي لكم