اسفه على الكتابه الانجلش المعرب بس والله الكى بورد كانت معلقه معايا
الوعد الحق انا عارفه ان الحشو هتاخد وقت كبير بس مش اكبر من اللى هيخده التريكو لانه عاوز غرزة صغيره هو ده اللى عجبه هعمل ايه
حتى البلوفر بتاع رشا مرضاش اعمله زيه زوجى لسه عنده 32 سنه وحاسس بنفسه كأنه عنده 18 سنه كل لبسه تشيرت وبناطيل جنز شرلستون حتى الاسبانى مبيرضاش يجبها هو عجبه البناطيل الضيقه دى وكمان مبيحبش البلوفرات وكل لبسه تشرتات قطن ثقيله وبيصعب عليا جدا فى الشتاء لان مفبش حاجه تدفى من البرد الفظيع ده غير الصوف حتى الصوف اللى جبته كان على قطن وناعم عشان يرضى يلبسه انا مضطره انفذ رغبته عشان يلبسه وعاوزه كمان زى التيشرت يعنى باساور على الكمام فقطوينزل كده كجول وطالب حتة رسمه لو شفتيها هتقولى الله يكون فى عونك بس انا مستعينه بالله فعلا وان شاء الله هيوفقنى لانى ابغى مرضاته

انا عملت 136 سلسله وشبكتهم بمنزلقه وعملت اول سطر حشو فى كل غرزه وفى اخر السطر شبكت بمنزلقه وعملت سلسله و2 حشو فى التاليه و2 سلسله وحشو فى التاليه و2سلسله و2حشو فى التاليه وبعد 26 غ عملتهم حشو فى كل غ عملت نفس اللى فات 2 حشو فى نفس الغ 2سلسله-حشو فى التاليه 2 سلسله 2حشو فى التاليه وبعد 40 غ عملت نفس الشئ وهكذا البلوفر اتقسم معايا فعلا كمين وامام وخلف وحاسه ان الكمام هتطلع شبه الروجلان فعلا انا عملت 8 سطور ان شاء الله اصورهم وتقولولى ايه رايكم انا كده صح وله ايه

حبيبتي تنسيم الله يعينك على زوجك(أمزح ربي يخليكم لبعض) وعندو حق لساتو صغير .
احنا مستنيين الصور بس عاوزة أسأل انت كده بدأت من فوق على حسب فهمي ولا ايه أستنا منك الصور والشرح طبعا بالتفصيل(وحدة طماعة).

اطمعى كيف تشائين حبيبتى وان شاء الله هصوره المشكله ان الكاميرا عاوزه تتعرف ومحمد هو اللى يعرف يظبطها بس ام سمكناش فاضيين شويه لما يجى من الشغل هخليه يشغلهالى واوريكم ايوه انا بدأت من الرقبه لانى بحب شغل القطعه الواحده