كان عندنا الويك اند اللى فات شوية مطر حلوين واتبسطت اوى اصل كنا لسة خاررجين ومطرت علينا وانا بحب امشي في المطر
وقعدت ادعى لينا كلنا ربنا يتقبل

بمناسبة موضوع الايجابية واحنا في الجنينة عشان نلعب زيزو

لقيت ام سورية ما شاء الله عليها كلها حيوية ونشاط بتلعب مع ولادها تطلع معاهم الزحليقة ووراهم في كل لعبة تشجعهم وتطلعهم وتحمسهم وبتشجع الولاد اللى بيلعبوا كمان ولو ولد وقع تشيله وبتشيع جو من المرح في اللعب

فرحت بيها اوى واتضايقت من نفسي انا وامهات تانية اللى بنحس اننا لما نلعب مع ولادنا بيبقى واجب تقيل مش بنستمتع بيه واتعرفت عليها واتكلمنا ولقيتها عسولة ماشاء الله ومشيت لان ولادها بداو يلعبوا في الرمل وهى لازم تكون معاهم

وقررت انى احاول على اد ما اقدر استمتع مع ابنى بلعبه واشجعه زيها واكون ايجابية اكتر وما ابصش للزن او الاعتراضات او كلمة لا واحاول ابتسم اكتر وبدعوكم كلكم تبقوا كدة انتوا كمان

ابنى بقى اليومين دول بقى بيخاف

واحنا في الجنينة كل ما ولد يقرب منه يكش وييجي يمسك في

حتى لو بنت حتى لو اصغر منه يعني لو واحد كبير قرب له ولا بيهمه

لكن لو صغير يخاف ويستنى لما كل العيال تطلع تتزحلق وبعدين يطلع هو وممكن ما يطلعش وانا مش عارفة بقى دة من ايه ولا ممكن يتعالج ازاى ياريت حد يقولى

شكرا يامدام وائل احببببببببببببببببببببببببببببك في الله

بلو روز ............ جزاكي الله خير انك ضيفتيني للروم بتاع الحفظ
طبعا للاسف انا بقالي فتره مش بدخل بس انهارده لقيت الدكتوره جزاها الله خير بعتتلي لينك بتاع احكام التجويد ومخارج الحروف ما شاء الله حلو اوي هذاكره كويس جدا بأذن الله

حبيبه ........ بصي ياقمر انا مع رأي ام البنات جدا انتي فعلا ممكن تكوني لا ارادي مركزه معاها وده اكيد نتيجة لحاجات ومضايقات هي عملتها معاكي بس انتي عايزه الصح ((((((((( تجنبيها)))))))) وارتقي بنفسك وجوزك وولادك عن كلللللللللل الي مضايقك
وكفايه اوي صلة الرحم من بعيد لبعيد وصدقيني لو مافكرتيش فيها وفي عمايلها معاكي هتحسي بعدها انها ماتستحقش كل الوقت ده ألي انتي بتضيعيه بسببها وحرقة دمك واعصابك ياحبيبتي علي ................
يارب ربنا يهديها ويكفيكي شرها ويصلح امورك يارب

رشا بجد المقال تحفه والصور تخلي القلب ينقبض اللهم اعف عنا واغفر لنا وارحمنا فأنك بنا راحم ... انت علي كل شئ قدير

كنزي وروني حمد الله علي سلامتكم ماتغيبوش علينا تاني

ام سوسو جزاكي الله خير وبارك لكي في والدك اللهم امين انا مش برضي اقرا الي بتكتبيه غير لما اكون لوحدي وقبل ما انام لأني بركز اكتر وبقعد افكر فيه قبل ماانام سواء قصه او مقاله بحس اني بكتشف حاجات كده مع نفسي فيهم ربنا يكرمك يارب

انوووووووووووج مالك بس ياجميل اوعي تكوني بتغلوشي علي الموضوع كلنات مصرين نعرف الحكايه من طقطق لسلام عليكم

وبعدين خلاص كفايه تشويق عيب عليكي بنات كتير مننا سألوكي ولا لازم اهددك بالعقاب انتي حره

ههههههههههههه شفتيني وانا مركزه في الحكايه الي عايزه اعرفها وناسيه اقولك ما تضايقيش من اي حاجه واخفف عنك
شوفتي الانسان لما يبقي عايز حاجه ياسااااااااااااتر قمة الانانيه :35:

لا بجد قوليلي مالك انتي اكيد زهقانه طيب انتي ليه ماشفتيش حل للزهق ده والوحده ايه رأيك تحاولي تندمجي مع ناس جداد

انا مش عارفه انتي ساكنه فين بس اكيد ممك تلاقي مجال جديد تدخليه وجربي لو الحال مش عجبك تبقي مش خسرتي حاجه

وان كان موضوع اخوكي هو السبب تأكدي تماما ان امر المؤمن كله خير يعني مادام هو صح وماعملش حاجه نغضب ربنا معاها

خلاص يسلم امره لله وسبحان الله عسي ان تكرهو شيئا وهو خير لكم وياما ناس مروا بتجارب زي دي واكتر وربنا عوضهم بعد كده

وقالو ان الحمد لله ان ده حصل عشان نوصل للي احنا فيه
فهمتيني ياقمر انا مش عارفه التفاصيل بس تقريبا كونت فكره من الي قلتيه قبل كده
وربنا يقدم ألي فيه الخير .
ماتنسيش بأه بكره تحكيلنا ألي حصل :22: