كوبونات الراقية تسجيل الدخول

um susu
um susu •
إبك على نفسك
عندما تجدها ضعيفة أمام الشهوات
عظيمة أمام المعاصي

ابك على نفسك
عندما ترى المنكر ولا تنكره
وعندما ترى الخير فتحتقره
ابك على نفسك
عندما تدمع عينك لمشهد مؤثر في فيلم

بينما لا تتأثرعند سماع القرآن الكريم
ابك على نفسك
عندما تبدأ بالركض خلف دنيا زائلة

بينما لم تنافس أحدا على طاعة الله


ابك على نفسك
عندما تتحول صلاتك من عبادة إلى عادة
ومن ساعة راحة إلى شقاء
ابك على نفسك
إن رأيت في نفسك قبول للذنوب
وحب لمبارزة علام الغيوب
ابك على نفسك
عندما لا تجد لذة العبادة .. ولا متعة الطاعة
ابك على نفسك
عندما تمتلئ بالهموم وتغرقها الأحزان
وأنت تملك الثلث الأخير من الليل



ابك على نفسك
عندما تهدر وقتك فيما لا ينفع


وأنت تعلم أنك محاسب فتغفل


ابك على نفسك
عندما تدرك أنك أخطأت الطريق


وقد مضى الكثير من العمر


ابك على نفسك
بكاء المشفق .. التائب.. العائد

الراجي رحمة مولاه
وأنت تعلم أن باب التوبة مفتوح
ما لم تصعد الروح

اللهم ردنا إليك ردا جميلاً


من الإيميل
roney7892000
roney7892000 •
omyosef omyosef :
رانيا يا حيبتي صباح الفل والخير والبركات عليكي ياجميل معلش انا اتلخبطت وكتبت لبلو روز بدل ما اكتبلك انا كنت بقول فعلا أني مادخلتش تاني بس الدكتوره بعتتلي لينك حلو اوي ان شاء الله هنتظم معاكم انتي اخبارك ابه واخبار بنوتاتك ايه
رانيا يا حيبتي صباح الفل والخير والبركات عليكي ياجميل معلش انا اتلخبطت وكتبت لبلو روز بدل ما...
الحمد لله تمام ازيك انتى يا مى عاملة ايه يا قمر وازى زيزو وياسمين عاملين ايه






[ازيك ياولاء الله يسلمك يا حبيبتى انتى اخبارك ايه وازى دولى ومحمد عاملين ايه
توته البطوطه
توته البطوطه •
السلام عليكم ورحمة الله وبركاته

صباح الخير والسعاده والرضا والتفاؤل

أولا محدش يعنى علق على الكلام ده أخاصمكم بقه :(

توته البطوطه
توته البطوطه •
راونيو ......... الله يسلمك يا قمر ربنا يكرمك على سؤالك عنى ( هو انتى اسمك ايه ؟؟هههههههههه)

مرمر ............ الله يسلمك يا حبيبتى وانا فعلا بشرب العسل الاسود وباكل كبده والله المستعان ....... لكن البنجر مش متقبله اصلا فكره انى اكله مع ان الكل بينصحنى بيه لكن مش قادره اكله بصراحه

لمياء .......... يا حبيبتى روقى كده وخلى بالك الى انا لاحظته انك اصلا مشحونه شويه وده بيخليكى تفكرى فى السلبيات بس وتفسرى كل حاجه بطريقه سلبيه ودى حاله كلنا بنتعرض لها لكن تخيلى لو انتى اصلا مزاجك حلو ومتفائله اى موقف هيحصل هتفسريه تفسير ايجابى وهيعدى لكن متفضليش مركزه على سلبيات معينه وتكرريها بينك وبين نفسك لغاية ما تتأكد عندك وتبقى حقائق وبكده انتى هتتعبى اكتر ونفسيتك هتبقى وحشه

وكمان خلى بالك ان كل راجل له طبع ونظام يمكن زوجك يكون كده فحاولى تتقبلى الحاجات الى مش عجباكى لان هو ده الوضع ولو متقبتيهوش هتبقى متضايقه وفكرى وركزى على الحاجات الى بتحبيها فيه وطنشى الحاجات التانيه لان مفيش انسان كامل واكيد انتى كمان فيكى حاجات بتضايقه لكن بيعديها عشان فيكى مميزات تانيه

وربنا يهدى ازواجنا جميعا يا رب ويجعلنا قرة أعين لهم ..........آمين
توته البطوطه
توته البطوطه •
محبه للرسول ........ ربنا يفك كرب زوجك وييسر له أموره يا رب ويفتح عليه ........آمين

وطمنينا عليكى يا قمر

عطر........... ربنا يكرمك يا رب على ردك وطولة بالك ههههههههههه وخلاص ان شاء الله هخلى زوجى يجيبهالى معاه

ممكن بقه يا عسل تكملى جميلك وتقوليلى وصفه حلوه لسمار المنطقه الحساسه واى مكان لونه غامق فى الجسم

على فكره بالنسبه لموضوع يوسف ابنك يا عطر اظن ان كل ده حاجات نفسيه لان على فكره انا ظروفى مشابهه جدا لظروفك مع الفارق كمان ان انا وايمان عايشين لوحدنا خالص حتى باباها مسافر زى ما انتى عارفه فشفت معاها حاجات مريعه بجد

يعنى قلق يوسف وانه عايز ينام معاكى ده أظن انه مثلا محتاج حنان او محتاج يحس بالامان او مفتقد شئ معين عايز يعوضه وخلى بالك كل ما الطفل بيكبر بيكون حساس اكتر وبيفهم اكتر .......... انا مش عارفه انتى يومك بيكون معاه ازاى يعنى بتقضو يومكم ازاى حاولى تقوليلى كده وانا ممكن اساعدك لانى بقولك مريت بنفس الظروف مع ايمان .......... يعنى انتى مثلا لو اشبعتيه حنان ورعايه طول النهار ومليته وقت فراغه ده اكيد هيخليه مبسوط ومرتاح على ميعاد نومه ينام وخلاص مش هيجيلك

منتظره ردك عشان نشوف حل سوا

وكمان موضوع مص الاصبع ده معروف انه بيبقى حاله نفسيه عند الطفل ومطلوب منك مبدئيا انك متلفتيش نظره للموضوع ده باى حال من الاحوال .......... وزى ما قلت لك الحاجات دى كلها بتبقى نقص عند الطفل بيحاول يعوضه او يلفت الانتباه ليه

اوعى تزعلى من كلامى

عارفه انا مره ايمان بنتى بعد ما اتكلمت وبقت طبيعيه جدا فى الكلام بدأت تتأتأ وفجأة فقدت الكلام خالص وطبعا انا كنت هموت وقلت لا قدر الله حصل لها حاجه ولما كشفت عليها الدكتور قالى دى حاله نفسيه وهى معندهاش اى حاجه عضويه ابدا ........ وقالى اهم حاجه متلفتيش نظرها للموضوع خالص وسيبيها وهى هتتكلم تانى لوحدها بس المهم انك تعالجى النقص والاحتياج النفسى الى عندها عشان ترجع زى الاول وفعلا عملت كده وبدأت تتأتأ تانى ورجعت تانى تتكلم طبيعى والحمد لله .....

وبعدين لما باباها جه أجازه وسافر رجعت تانى تتأتأ ........والله المستعان