صباح الفل يا جميلات

متشكرة لكل الحبوبات اللى دعولى ربنا يفرجها عليكم

الحمد لله احنا بقينا احسن 00 بفضل الله ثم لدعاكم ليا بجد
امبارح دخلت كدا على السريع و لقيت دعاكم ليا بكت ابكانى حسيت انى نفسى امسك كل واحدة فيكم و احضنها
بجد انتم نعم الاخوات

مادو
الف الف مبروك على الحمل يا قمر ربنا يقومك بالسلامة و خدى بالك من صحتك
و بالنسبة لزيارة القبور مسئالة انك بتتعبى من المشوار لانك بتبقى فى حالة نفسية معينة و دا بياثر على كل اجزاء الجسم يعنى انا مثلا لما بروح ازور بابا الله يرحمة بحس براحة نفسية رهيبة اولا ما دام ما فيش بكاء و الكلام المعروف ان الستات بيعملوة فى المقابر خلاص متهيالى ما فيش مشكلة خصوصا ان الزيارة اوقات كتير بتريح القلب
و الشيخ خالد الجندى قال ان الميت بيحس بالزيارة دى و ادى الدلالة بس مش فاكراها بالنص الصراحة عشان ما اغلتش
و فية شيوخ حرموها
احنا خلينا الوسط يعنى نروح كل فترة بهدف الاتعاظ و زيارة تريح النفس
ربنا يرحم مامتك و يجعل قبرها روضة من رياض الجنة

بالنسبه ليومياتى

أول امبارح ........... زى ما قلت لكم نظفت الحمام تنظيف عميق ......... جبت وعاء وحطيت فيه صابون سائل وملح ليمون وبيكوبونات وشويه خل وماء ........ ودعكت الحوض والبانيو الحيطه الى جنب البانيو لانى طبعا مش هقدر اغسل كل الحيطان بتاع الحمام ودعكت التواليت

وقمت كبيت باقى المايه ع الارض وجبت المكنسه ونزلت دعك فى السيراميك طبعا مفيش حيل اجيب فرشه وادعك فكده الى حدٍ ما كويس هههههههههههه
وبعدين شطفت كل ده ونشفت الحمام وبسسسسسسسس

بس بجد بقى كانه استحمى هههههههههه الحمد لله

وطبخت الغدا ......... رز بشعريه ولحمه وشوربة لسان العصفور ولوبيا

وطبعا الشقه كانت متنضفه من اليوم الى قبله بس روقت ع السريع ومقدرتش انظف المطبخ اوى لان ايدى كانت لسه وارمه ومحبيتش اجهدها

إمبارح بقه ............ صحيت الصبح فطرنا ودخلت ع المطبخ طلعت لحمه مفرومه من الفريزر وشلت كل الحاجت الى تحت الحوض هما مش كتير لكن كان وراهم تراب ومحتاج تنضيف ومسحت تحتهم بنفس الخلطه الى قلت عليها ورجعتهم مكانهم

وغسلت البوتاجاز ومسحت المطبخ مسحه حلوه

ورتبت التربو ونضفته وكان فيه شويه حاجات محتاجه ترتيب رتبتها ع السريع كده

وبعدين طبخت صينيه بطاطس بالكفته وكان فيه رز من اليوم الى قبله معاها وبس

وعلى ما الاكل اتطبخ دخلت ع الشقه روقتها برده

واتغدينا وبسسسسسسسسسسسسسسسسس

والحمد لله كنت خلصت كل الى ورايا

وقعدت العب شويه مع ايمان ع الكمبيوتر

.......................................................

النهارده بقه ......... قمنا بدرى وفطرنا ووديت ايمان الحضانه

وجيت قعدت معاكم على طول وهقوم دلوقتى انظف الشقه عشان بعد شويه هروح اجيب ايمان من الحضانه

وارجع لكم تانى ان شاء الله

..........................................................

كنت عايزه انواع كيكات سهله وبسيطه كنوع من التجديد

سلام يا حلوين مؤقتااااااااااااااا

ام البنات
ماشى معاك يا عم
مبروك النيو لوك الجديد
عملتية فين فى اكتوبر و لا لا
اصل انا كمن من اكتوبر و نفسى اعرف كوافير كويس اقدر اروحة و يكون عندوا بنات شاطرين
و بابا عامل اية انهاردة؟

دموع تائبة
انا معاكى من امبارح ههههههه
ابتديت البس لانجرى و انا نايمة
و الحمد لله كمان مع الوزن الجديد جوزى فرحان قوى:27:


بنات انا من ساعة ما تجوزت و انا بعمل سويت لكل جسمى تقريبا كل شهر يعنى ما بخلى شعرة الا و اطخها بالنار
بس الصراحة الايام دى بقيت بما و جسمى بقا يلتهب بسرعة و لما سمعتكم بتتكلموا عن براون قلت ما فيش غيركم هيفيدنى
اولا 00 عايزة موديل ممكن بية اعمل جسمى كلللللللة
ثانيا و الاهم 00 السعر و منين اجيب حاجة مضمونة و براون احسن و لا اميجوى

صباح الخير يابنات

امبارح كنت عامله محشي ورق عنب وملوخيه وفراخ محمرة ورتبت البيت على الماشي بعد مااهل جوزى مشيو هكمل الباقي النهارده البيت كان مهرجل هرجله غير طبيعيه وقمت عملت المطبخ وبردو كان كلو مش نضيف عيزة ابدا النهارده اعلم محمد انه يقعد على البوتى ربنا يقوينى بقا

حبيبه اوسو اللى ينفع مع الناس اللى على هذة الشاكله انك تطنشيهم وماتبينيش اى انفعالات ليكى صدقينى هتتغاظ اكتررررر لان بيبقى عندهم عقده نقص وتعاملك معاها يبقى في حدود ولوجه الله وشيليها من دماغك

لميا معصب ليه يا قمر روق ياجميل:32:

رانيا اسبانش رايك دايما بيعجبنى ربنا يبارك فيكى

ام البنات مبروووك النيولوك ياجميل


منمن بوسيلى الجزرةالصغنونه بتعتك ربنا يحفظها عاجبنى لقب جزرة اوى :D



مادو مبروك الحمل ربنا يتمملك على خير ربنا يرحم مامتك ويدخلها فسيح جناته حاولى تطلعى ليها صدقه جاريه اللى تققققدري عليه وعليكى بالدعاء لها بالرحمه والمغفره حكايه انك مش بتقدري تروحى ليها حساها حاله نفسيه مش اكتر

باقى البنات صباحكم ورددددددددددددددددددددددددددددد

صباح الخير يا بنات
بجد مش قادرة اقولكوا فرقت اد ايه معايا دعائكوا ليا ربنا يخلينا لبعض يا رب
وبالنسبة للشغل الوضع سئ جدا لان خلاص كل شغلي اتسحب مني واداه للسكرتيرة واداني انا شغل تافه يا اعمله يا اقعد منغير شغل او ازهق واستقيل

حسبي الله ونعم الوكيل

ربنا يحلها من عندة في ناس بتتحكم في ناس وفاكرة ان مفيش ربنا
كمان انا مديري مسيحي يعني مفيش امل يتصلح ومن اسوء نوع اللي يرقد ومن تحت لتحت لانه جبان انتهز فرصه اني اخدت اجازة لاولادي وضربني في ضهري