تودو ازيك يا حبيبتى اخبارك ايه
شكرا على التذكرة بالميعاد

السلام عليكم ورحمة الله وبركاته
النتدى كا ن مش بيفتح جانى اكتئاب وبفتح تانى لقيته فتح حسيت انى زى الطفل ال لقى
لعبته ال بيحبه ربنا يديم بينا الحب فى الله
كنت بعمل تنظيف عميق للبيت عشان نهاية الاسبوع ويمالاجازه يكون البيت نظيف
ومشغله قناة الرساله بتابع برنامج جميل وكان فيه دكتور محمد العوضى والثوينى ومشارى راشد
اكثر الله من أمثالهم
والشيخ محمد العوضى حكى حكايه جميله لاثنين اخوان فى السعوديه فى بينهم قضيه
ومنتظرين حكم القاضى
وسبب القضيه الاخين كل واحد عايز الاب المسن يعيش معاه لانه اولى به ليرعاه فى كبره
سعدت جدا بالقضيه الحمد لله لا يزال الخير فى امتى حتى تقوم الساعه
وتذكرت الاخت رجيه عفو ربى فقلت اعرفها القصه واقول لها الحمد لله لازال فى خير
فى المسلمين وزى ما بنحكى عن الطالح نحكى عن الصالح لنتعلم كلنا
اللهم اعنا جميعا على بر والدينا
وما عرفتش اكمل البرنامج جانى تليفون من صحبتى قلب لى المود خالص
بداية المكلمه بتقول لى انا ما نمتش طول الليل خير فى ايه
حكت لى عن زوج صحبتنا الثالثه انه داتخل على علاقه نسائيه مع شابه مطلقه
وهى عرفت من زوجها حكى له وطبعا دى مش اول مره يبدو ان تاريخه حافل
بالعلاقات النسائيه زعلت جدا
صحبتنا دى بجد ونعمه الزوجه مهتمه بيبتها جدا وولادها وماشاء الله جميله
ومن اسره محترمه ونظيفه جدا وطباخه ماهره ومدلعه زوجها جدا
يعنى لاينقصه شىء فى بيته انه يكون له علاقات نسائيه
كان مريض العام الماضى كانت ونعم الزوجه تحملت ضغط نفسى كبير
وضغط مادى ايضا بصراحه نموذج يقتدى بيه ربنا يهدى لها زوجها ويسخره لها
ادعو لها يا بنات هى طبعا مش عارفه حاجه واحنا استحاله نقول لها
ازاى نحكى او حتى نلمح بجد نفسيتى تعبانه عشانها جدا
ليه الزوج بيعمل كده
طبيعى لما الانسان يكون بعيد عن ربنا ومش موصول بالله لازم المعصيه تجر معصيه ربنا يهديه
معلش يا بنات بس بحب افضفض معاكو
عملت غدا سريع عشان كنت بنظف
فى حلة الضغط حطيت لحمه شاورما مقطعه صغير وعليها جزر مبشور وبصله وطماكم مبشوره
وفلف اخضر وتوم وعود قرفه وزنجبيل فريش وقفلت عليها وسيبتها نصف ساعه
وبعدين فتحت عليها ضفت لها بسله ومشروم فريش وملح وتوابل وقفلت عشر دقائق
وعملت معاها رز وسلطه جربوها خفيفه وسريعه
سبحانك اللهم وبحمدك اشهد ان لااله الا انت استغفرك واتوب اليك

ما تنسوش يا بنات نتقابل الليله
نصلى ركعتين وندعى لبعض يالا ما تنسوش
عشان نشوف بعض وحتى يظلنا الله تحت ظله
ام يوسف كنت فكراكى طول اليوم ونفسى المنتدى يفتح
عشان اطمن عليكى يارب يكون زوجك وصل بالسلامه
ويديم عليكى حب الاخوات لك لانها نعمه من ربنا
وطمنينا على ام مريم ما تنسوش تدعو لها الليله
وكل المكروبين وكل من يتمنى الحمل بفكركو اوعو تنسو

رانيا و ام البنات و توده كل الحلوين انا من فضل اللبخير ربنا يكرمك

عروس.......... ازيك يا قمره عاملة ايه و صحبتك ديه ربنا يعفو عنها و ياجرها الثواب و بسخر لها زوجها كمان تحب يارب

ام يوسف ............ طيب الحمد لله اديكى قضيتى ليلة جميلة خالص و اتونستى اكثر ما زوجك يكون موجدو يعنى يمكن يكون كان هيدخل يسيبك و ينام ربنا يجمعكم دايا فى الخير و ميحرمكيش منه ابدا يارب

و انا شاء الله نتقابل كلنا النهاردة و تتلاقى اوراحنا بالطاعة و التقرب الى الله و كلنا ندعى لبعض بالخير و هزود على الددعاء ليكم ان بنا يكثر ارزاقكم و يبارك فيها و يرزقنا جميعا حفظ القرءان و يحعله حجة لنا لا علينا

الحمد للهالمنتدى من الصبح مش شغال وفرحت لما جه وبقول لجوزى اوعى يلا
اطمن على العيال
اقعد شويه معهم بص لى وقالى طب روحى اقعدى مع عيالك




بحبكم فى الله

عملت امبارح مسك ترمس مطحون وعسل ولبن للوجه
وجربت كمان

نشا ليمون وعلى النار ويبردوا وحطيتهم
لما نشف بقى حلووووووووووووووووو

امبارح البوتجاز
نظفته
وجارى فرشه