‏‏ سبحان الله وبحمده سبحان الله العظيم

.,.السلام عليكم ورحمه الله وبركاته.,.

لا تقرأ الفاتحة بسرعة ... انظر لماذا ؟


كثير من الناس يقرؤون الفاتحة في الصلاة بسرعة وكأن الذئاب تلاحقهم ولا يعلمون ما فيها،
عَنْ أَبِي هُرَيْرَةَ رَضِيَ اللهَ عنْهُ قَالَ
سَمِعْتُ رَسُولَ اللَّهِ صَلَّى اللَّهُ عَلَيْهِ وَسَلَّمَ يَقُولُ:


'قَالَ اللَّهُ تَعَالَى: قَسَمْتُ الصَّلاةَ بَيْنِي وَبَيْنَ عَبْدِي نِصْفَيْنِ وَلِعَبْدِي مَا سَأَلَ

فَإِذَا قَالَ الْعَبْدُ: {الْحَمْدُ لِلَّهِ رَبِّ الْعَالَمِينَ} قَالَ اللَّهُ تَعَالَى: حَمِدَنِي عَبْدِي

وَإِذَا قَالَ: {الرَّحْمَنِ الرَّحِيمِ} قَالَ اللَّهُ تَعَالَى: أَثْنَى عَلَيَّ عَبْدِي
وَإِذَا قَالَ: {مَالِكِ يَوْمِ الدِّينِ} قَالَ: مَجَّدَنِي عَبْدِي وَقَالَ مَرَّةً: فَوَّضَ إِلَيَّ عَبْدِي
فَإِذَا قَالَ: {إِيَّاكَ نَعْبُدُ وَإِيَّاكَ نَسْتَعِينُ} قَالَ: هَذَا بَيْنِي وَبَيْنَ عَبْدِي وَلِعَبْدِي مَا سَأَلَ
فَإِذَا قَالَ: {اهْدِنَا الصِّرَاطَ الْمُسْتَقِيمَ صِرَاطَ الَّذِينَ أَنْعَمْتَ عَلَيْهِم ْ غَيْرِ الْمَغْضُوبِ عَلَيْهِمْ وَلا الضَّالِّينَ}
قَالَ: هَذَا لِعَبْدِي وَلِعَبْدِي مَا سَأَل،،،،

السلام عليكم ورحمة الله وبركاته

ازيكم وحشتووووووووووووووووووووووونى

قلت اصبح عليكم سريعا لانى ورايا حاجات كتييييييييير وبعدين ارجع ارد على رواقه

ام يوسف ومرمر وفيميل وزوجه مصريه وام سوسو ورشا......... صباح الفل والرضا والرحمه عليكم

اوصيكم ونفسى بالصلاه على الرسول والاستغفار وقراءة سورة الكهف

وبالمره اكتب لكم برامج اليوم :

الساعه 9 نص ...... فضفضة .... للشيخ / محمد يعقوب ........ قناة الناس

الساعه 8 ..... أم تصنع أمه .... للدكتور / عمر عبد الكافى ....... قناة الشارقه

الساعه10 ونص ..... أبناء الصحه والجمال .... للدكتور/ ياسر نصر

أسأل الله أن ينفعنا وييسر لنا أمورنا ويوفقنا لما يحب ويرضى ......... آمين

بحبكم فى الله

السلام عليكم ورحمة الله وبركاته
فيميل كلامك هزنى وام يوسف وزوجه مصريه ورشا قالو كل ال نفسى اقوله
الطلاق مش سهل عشان ولادك ونصيحه انتى لازم تتغيرى وتعيدى
تقييم حياتك وقضك ضيق والولاد بتخرب ال عملتيه ويرجع من شغله لسه
ما خلصتيش شغلك كلها مشاكل مؤقته مجرد ما الولاد تكبر المشاكل دى حا نتهى
انتى بطيئه فى العمل حاولى رتبى البيت باستمرار والتنظيف العميق تكون معاكى شغاله
كل شغله حا تعمليها حددى لها وقت ده حا يخليكى تشتغلى بسرعه
واحكلى لك قصة أخت صحبتى
تزوجت من شاب من اسره عريقه ومركزه مرموق بعد الزواج اكتشفت
انه مدمن خمر ويخونها فى بيتها دخلت عليه وهو فى سريرها مع وحده تانيه
راتبه خمسة آلاف جنيه ويقول راتبى الفين قررت الطلاق
والدها غنى قال لها لكى شقه لوحدك ولكى منى راتب شهرى
قعدت فى بيت اهلها شهر ورجعت بيتها و كل اهلها خصموها
وقطعوها لكن قالت ولادى اهم كلمة مطلقه ليست هينه
ابناء المطلقه مهانين من الكل نفسية الاولاد تعبت جدا
رجعت بيتها وكان كل همها ولادها فقط ما شاء الله متفوقين فى المدرسه
هى وولادها قربو يختموا المصحف حفظ هى من اسره غنيه
ومع ذلك متحمله كل اعباء البيت حتى شراء الخضار
مش قادره تدخل شغاله البيت من زوجها لازم حا يخونها معاها مهما كانت دميمه
ربنا يعوضها خير وان شاء الله سوف يعوضها لانها صابره ومحتسبه
أعتقد عيوب اى زوج اهون بكثير من هذا الزوج وكل الناس بتلومها
على عدم طلاقها لكنها صابره خوفا على نفسية ولادها
عرضى للقصه للعظه وكل اخت تقول الحمد لله انا احسن من غيرى
ونصيحتى لك لازم قبل ما زوجك يتغير ابدأى بنفسك وانتى كمان اتغيرى
اكيد زوجك فيه عيوب وانت كمان
واكثرى من الدعاء والاستغفار
وربنا يسخر لنا ازواجنا جميعا

السلام عليكم ورحمة **** وبركاتة
مش عارفة اقولكم اية كلمة شكرا قليلة عليكم انا ماحكتش لحد غيركم لان مقدرش احكى لماما وماعنديش صحاب هنا فى الغربة بس كل كلامكم منطقى وجميل جزاكم **** خيرا انا الحمد للة احسن النهاردة وربنا يقدرنى واعمل اللى بتقولو علية زى ما زوجة مصرية قالت ماتخلوهوش يمسك غلط عليكى بس كمان اللى مزعلنى انى مابحسش بالامان على طول حاسة انة هايطلقنى دة من كلامةانا هاكون احسن من غيركم هارتاح وانجز فى شغلى اكتر ودايما يقولى لو طلبتى الانفصال ولو مرة واحدة هاحققهالك على طول علشان ماغصبش حد ابدا يعيش معايا يا ربى انا اسمع ان ممكن الستات تتنرفز وتتسرع وتطلب الطلاق والراجل هو اللى حكيم وعاقل حتى لو زعلان مابهدش البيت دة لا محسسنى ان املة فى الحياة انة يبعد عننا الحمد للة على كل حال بس حكاية صحبتك دى صعبة قوى يا عروس الحمد للة ربنا يهدينا واعرف اتغير للاحسن يا رب ادعولى ومتشكرة قوى تعبتكو معايا وغلست عليكم

أم سوسو جزاك الله خيرا وربنا يرزقك أجر كل ما كتبتى
احببت كل اهل العراق لحبى لك اللهم ظلنا جميعا تحت ظله يوم لاظل الا ظله
رشا جميله القصه وربنا يجعله فى ميزان حسناتك
ام سوسو كنتى عايزه قصص واقعيه
دى قصه ليفيميل ولو عجبتك اعطيها لوالدك
قصه لاحدى اقاربنا رحمها الله وغفر لها ولجميع موتى المسلمين
جمعت بنات العيله تحكى لهم قصتها عشان كل بنت مقدمه على الزواج تتعلم منها
زوجها مدير فى بنك وراتبه كبير ولكنه كان مدمن لعب ميسر ( القمار) وكل فلوسه ضايعه فى اللعب
زائد الديون ويرجع كل يوم الفجر لا يعلم شىء عن البيت او الاولاد البيت خالى من الفرش
لانه بيبع منه لسداد الديون وخالى من الطعام فكان خالها يزورها باستمرار
ويساعدها بالمال بسرعه تشترى طعام لاطفالها وكانو ثلاثه
ومقسمه الاسبوع يوم عند حماتها ويمومين عند خالها لانه حنون عليها
ومتحمله ظروفها ومحتسبه
لكن الزوج جمع الشله للعب عنده فى البيت انهارت وقالت خلاص
دى النهايه تحملت الجوع والفقر لكن انهم يلعبو فى بيتى لا يمكن
اخذت اولادها وذهبت بيت اهلها الاب والام متوفين واخوها فى البيت
قال لها انا متكفل بولادك وكان لازم تاخدى القرار ده من زمان
تقول صليت استخاره وفكرت فى حال ولادى بعد الطلاق
تقول بعد صلاة الفجر مباشرة صحيت ولادى ومشيت بدون اخويا ما يحس
ورجعت بيتى وقلت نار زوجى ولا جنة اخويا واخوها وكل اهلها قطعوها سنين
تقول الامر اصبح صعب قطيعة الاهل والفقر والزوج على حاله ولكنها صابره
وتقول فجأه بدون اسباب الزوج قرر انه ينهى علاقته بكل الشله ومش حا يلعب تانى
والتزم بالصلاه وقرب لربنا ولان راتبه كبير فرشت بيتها من جديد فرش كامل
وزوجها بقى زوج مثالى وكل ما كانت محرومه منه ربنا عوضها باحسن ما كانت تتمنى
الصبر له ثواب عظيم وهى صبرت واحتسبت عشان اولادها وربنا كافأها
قرار الطلاق سهل لكن عواقبه ليست هينه
والصبر على البلاء صعب لكن عواقبه فرج فى الدنيا والآخره
ادعو لصاحبة القصه بالرحمه والمغفره هى وزوجها




00