ماما زوزو بارك الله فيك
دعواتكم

سما ازيك صطبعا قصه جميله ومؤثره
يا سبحان الله
انا من راى الغلط
من الولد والبنت طبعا
اما الست اللى ربيته برضو لها ذنب انها حرمته من اهله وظلمته
ربنا يرحمه

صباح الخيييييييييييييير

اولا هرحب طبعا بيوكي واقولها تنورينا ويا سلام هنعمل كده مقر رسمي في الرياض ماشاء الله في ناس كتير هناك هفكر جديا اجي زياره الرياض

نانسي معلش فتره وتعدي وان شاء الله تكون احسن وكويس انك طمنتينا عليكي

tadohميرسي علي المواعيد كل ما تكتبي ميعاد اخده واسيفه في صفحه عاملاها للبرامج عشان احاول اتابعهم

ام سوسو ازيك يا حبيبتي ربنا يخليكي لينا انت وباباكي وبوسيلي البنات بقالك كتير مش ظاهره عالمسنجر وحشتيني

هبه انت اللي عسل وسكر كمان انا بجد بفكر اجي الرياض عشان اشوفك وربنا يا رب يجمعنا في يوم علي خير ان شاء الله وكويس يا جميل انك اتبسطي

لميا الف سلامه عليكي زي ما مرمر قالتلك حاولي تشتغلي معظم الشغل وانت قاعد ويفضل كمان تكوني رافعه رجلك شويه وفرداهم ولو نايمه حطي مخدات تحت رجلك عشان يكون مستواهم مرفوع شوويه وكمان لو بتشتغلي في المطبخ اتحركي كل شويه مش تفضلي واقفه وقت طويل

عروس ازيك انت يا حبيبتي والاولاد عاملين ايه ربنا يخليهوملك ان شاء الله

مرمر انا فعلا موضوع الخشوع ده زي ما لميا قالت لما بكون حافظه حاجه جديده واقراها الاقي نفسي مركزه اكتر وكمان طبعا كل ما اكون الدنيا هاديه حواليه وربنا ان شاء الله يرزقنا كلنا بالاخلاص في كل العبادات


ام البنات الف سلامه عليكي اشربي زجنبيل فعلا سحري وبعد ما بشربه بشويه صغيره مش كنت بحس باي الم في الحلق وكمان يا ريت تحليه بعسل

سما القصه اللي حطاها فعلا من الحاجات اللي بتحيرني بصراحه ساعات كتير برضه وربنا يغفر لي في تفكيري ده لما بشوف اطفال الشوارع بيحيروني جدا وافكر هل المشاكل وحياتهم الفظيعه ديه هما اللي يتحاسبو عليها ولا حد تاني بس انا مش عارفه هي ليه الممرضه اخدته تصرف غريب مش فاهماه

femala انا رايي انك تبداي تغيري رايك في نفسك قبل ما تفكري تغيري رايه فيكي يعني ابداي بنفسك وانسيه هو خالص دلوقتي ولازم تقنعي نفسك انك تقدري تعملي كل الحاجات اللي وراكي وخصوصا انت بتدرسي من البيت مش كده لانك مغتريه مظبوط ولا ايه عموما كمان بالنسبه للاولاد المشاكل ديه هتقل لما يدخلوا المدرسه لكن حاليا حاولي تصحيهم بدري وتصحي معاهم لما يكون جوزك في الشغل وتعملي معظم اللي وراكي والاولاد معاكي وصاحيين وابداي بهدف دلوقتي ركزي عليه ولما تحسي انك امجزتيه ابداي في تغيير اللي بعده ان شاء الله هتلاقي نفسك غيرتي كل اللي مش مريحك وربنا يوفقك بس ليه سؤال انت ليه في المشاركات مش بتكتبي الله

السلام عليكم ورحمة الله وبركاته

عاملين اية يا احلى ستات

الحمدلله انا ومرمر بخير

وكلها ايام وننزل مصر باذن الله تعالى

بس اليومين دول طبعا مشغوووووووووووووله جدا جدا فى ترتيب شنط السفر وخصوصا انى هشحن حاجات كتير وكمان هسيب شقتى وهبيع العفش بس هخلى الاجهزة الكهربائية والمكيفات لحد منرجع تانى ان شاء الله عند وحدة صحبتى

اول ملاقيت نفسي فاضية قلت ادخل اسلم عليكم

وحشتونى جدا جدا
وكل يوم بيبقى نفسي ادخل اطمن عليكم بس والله الظروف ............................اعذرونى

هقرا اللى فات وارجع تانى

السلام عليكم اخواتي الغاليات
الان الدكتور امير صالح خبير
الطب البديل علي قناة الرحمة
مشاهدة طيبة للجميع شكرا .

FEMEL حبيبتي البنات وفوا يعني اي اضافه ليا مش هتزيد عن اللي قالوه حاجه بس الواحده مخننا بتتحمل كتير و بتطنش و بيبقي عليها العبء انها اللي تمشي المركب و لما لا قدر الله بيحصل الانفصال الناس بتنسي جوزك لو حتي هنقول وحش معاكي و بتفتكر بس انك مطلقه و كأنك انتي اللي غلطانه حتي لو هو اللي غلطان

سما
قصه غريبه بس انا من رايي الممرضه اللي اخدته هي اللي غلطانه لان دي امانه و هي خانت الامانه دي