يا حبيبتي يا كنزي الف سلامه عليكي شفاكي الله وعافاكي انتي والاولاد والله لو انتي جنبي كنت جيتلك
انا حاسه بيكي اوي لما بنعيا واحنا في الغربه لوحدنا بتبقي حالتنا صعبه اوي لا يعلمها الا الله
اللهم اشفيكي شفاء من عنده لا يغادر سقما معلش شدي حيلك وعليكي بالاستغفار
وربنا يطمنا عليكي يا قمر

يا بنات ان شاء الله الذكر النهارده

سبحانك اللهم وبحمدك اللهم اغفر لي

فضل الذكر ده حلو اوي لأنه فيه تسبيح وحمد واستغفار
افتكرت دلوقتي سها الاسكنرانيه ألي كانت برضو بتقولنا ذكر كل يوم ياتري هي فين واختفت ليه

ام يوسف

جزاك الله كل خير واكيد انا عارفة ان كلنا هنا اخوات واكتر وربنا العالم انا بحبكم كلكم قد اية

وفعلا اصعب حاجة المرض في الغربة بتحسي انك لوحد ونفسك تصعب عليكي قوي مهما كان عندك اصحاب او حتي معارف

غير الاهل وبالاخص الام والاخوات طبعا


سبحانك اللهم وبحمدك اللهم اغفر لي
سبحانك اللهم وبحمدك اللهم اغفر لي
سبحانك اللهم وبحمدك اللهم اغفر لي

صباحو نادي لبن زبادي

انا جيت تاني وعادت هاميس الى اتون واخيتاتون ههههههه

مع ان مفيش اي جديد والمدير عمال يدورلي على اي غلطة

بس انا قلت افك معاكو شوية مهو النكد مش هيغير الواقع

وبعدين لقيت الجو العام اكتئاب فقلت احكيلكوا حاجة لطيفة جدا حصلتلي امبارح يمكن انتزع ابتسامة منكو

امبارح قلت مبدهاش وجوزي ماله باللي بيحصل ده كله منكده عليه منغير سبب وهو يا عيني مش ناقص عنده هم الشغل هو كمان

فقلت اغير شوية
رحت انيم العيال على الساعة 9 ونص كده وبعدين قلت اقوم اشوفه طبعا اتقلبت جنبهم زي فردة الشراب هههههههه
وبعدين صحيت على 12 ونص كده قلت لا مش معقول لازم انفذ اللي في دماغي لقيته نام قلت برضه مش مهم
المهم لبست لانجري حلو كده واتظبطت وميكب خفيف وبرفيوم وحركات
ودخلت جبت كاستين وحطيتهم وولعت شمع كان بقاله فترة بيقولي انتي هتحنطيه متبقي تولعيه فقلت جه الوقت المناسب

المهم صحي الحمد لله من نفسه وبصلي باستغراب ومعلقش طبعا اصبت بخيبة امل بس افتكرت نصايح منتدى بلقيس وقلت هو مش لازم يتكلم علشان يكون خد باله
المهم عملت نفسي رقيقة وحنينه ( انا مش كده ده تمثيل ههههه) وكله كان تمام واذ فجاه لقيت النور بقى عالي في الاودة قلت عادي الشمع ولع شوية وشويه لقينا دخان ...دخان ...دخان

قمنا نجري لقينا الشمع اتحرق على التربيزة ويا عيني جوزي قعد يطفي فيه ويفتح الشبابيك ويجري على الحمام يفتح الشفاط
وانا مسخسخة وقلت لو قلبت بحريقة لا قدر الله او حد شافنا هتبقى فضيحة بجلاجل

ال شمع ال وواخدين راحتنا وبكره في شغل وهنحرق العيال ههههههههههههههههههههههههههههههههههههههههههههههههههههههههههههههههههههههههههههههههههه

المهم طفى الشمع بس الدخان كان مالي الشقة ورحه تخنق فجبت مناديل مبلولة وقعدت احطها على الشمع لغاية ما بطل يطلع دخان وبعدين شلته ورميته في البلكونة جوزي قالي ليه قلتله انا بخاف من الهوا يمكن يولع تاني ههههههههههه

وكانت ليلة سعيدة والعيال صحيوا وشيكو نام بالعافية























استنوا لسه

قمت الصبح لازم شاور الصبح طبعا وكمان مينفعش اتاخر على الشغل لان تعليمات الاشكيف ( المدير ) واضحة

وشيكو صحي بدري على غير العادة فسبته مع ابوه وهو بيبصلي شذرا لانه اتاخر هو كمان ودخلت اخد الشاور

المهم وانا في النص كده حصل ايه
















ايون المية قطعت عليا





مش بقلكوا اختكوا مبخته



المهم كملت حما بازايز المية بتاعة الشرب وتلجت طبعا وكنت هموت من البرد هههههههههههههههههههههه



اكيد انا مسكت ديل قطة وانا مش واخدة بالي

ال دلع وشمع وليلي ال


انا غلطانة



شكلي هرجع للكحكة اليتيمة تاني دي مش دنيتي انا دخيلة عليها ههههههههههههههههههههههههههههههههههههههههههههههههههههههههههههههههههههههههههههه

السلام عليكم

سبحانك اللهم وبحمدك اللهم اغفر لي

الله يجزيك الخير يا ام يوسف ، سبحان الله انا كمان من يومين اتذكرت سها الإسكندرية هي اللي كانت كل يوم ثلاثاء تذكرنا بذكر معين ، صحيح هي اختفت من زمان، ربنا يكون معاها دائما ويحفظها ويحفظ اولادها وزوجها.

انا معك خلينا طول الاسبوع نتكلم عن الصدق وكل فقرة بالتفصيل ، لو في مواقف او قصص وهكذا.
الله يجعل كل كلمة في ميزان اعمالك يارب ، وخلينا نستمر في هذه المواضيع حتى لو مش لقينا تفاعل اوكي يا قمر..؟؟

ميرو: ههههههههه سبحان الله ، الله يصلح احوالك ، المواقف دي بتصير دايما ، المهم انك اخذت ثواب ، خيرها بغيرها.

كنزي: أسال الله العظيم رب العرش العظيم ان يشفيك شفاءا لا يغادر سقما ، إن شاء الله فترة وبتعدي وبترجعي لنا.

اوكي خلاص اليوم كتبت كتير ولازم اروح وإن شاء الله ارجع لكم تاني يا احلى بنات.

في امان الله