يا بنات انا دخلت دلوقتي لقسم التحفيظ وشوفت فتوي المشرفه كتباها انه لا يجوز الحفظ والتسميع كتابه
انا بجد نفسي احفظ بس مش عارفه استمر لما دخلت مع رانيا حلقات التحفيظ ألي علي النت لقيت ان الكلمات عندي مش مظبوط
وانا اصلا مخارج الحروف عندي ضايعه وبحاول اظبطها ومش عارفه الدكتوره ألي بتحفظ جزاها الله خير بعتتلي لينك الموقع بس انا
حسيت أني جالي احباط اني مش هعرف احفظ بالطريقه الصحيحه ........... ياريت يا حبايبي تردو علية اعمل ايه

ازيكوا ياحبايبي وحشتوني جدا....
ميرو ضحكتيني اوي بالمغامرات بتاعتك الحمد لله ربنا ستر وكنتوا صاحيين وشميتوا الريحة بلاش بقي الشموع دي خليها سهاري وخلااص هاهاها

ساعات بيبقي فيه ايام كدة متعرفيش فيها ايه..انا امبارح برضو كنت بقلي بتنجان وللاسف كنت قريبة من الطاسة علي غير العادي بصيت لقيت بممممممم الزيت فرقع جيه علي وشي ورجلي وشعري ورقبتي صوت طبعا وحبيبة جات علي مفزوعة بس الحمد لله ربنا ستر حطيت تلج بسرعة
بعدها بشوبة بقلب المسقعة وكنت مستعجلة لان خلاص جوزي كان جاي ومنظري كان يخض وعاوزة اخلص بقلب بسرعة راحت الصلصة الملهلبة مطرطشة علي رجلي من ركبي كدة لتحت صوت تاني حبيبة جات تجري علي تاني كانت ياعيني عنيها بتقولي اجيب كرسي واقعد هنا بقي بدل ماكل شوية اروح واجي علي صريخ
بفتح التلاجة بقي اللي كنت لسة غاسلااها لقيت طبق عسل اتزق واتدلق ونزل علي كل حاجة جنبه بقيت هرمي نفسي مالشباك

يالا الحمد لله

مين ياحماعة شاف امبارح حلقة من كل بلد اكلة؟؟؟لان الشيف يسري عمل فراخ بانية محشية سوسيس تقريبا وحاجات شكلها كان رووووووووووووعة بس عاوزة حد يقولي المقادير والطرق لاني ملحقتش اشوفه مالاول يااااااارب يكون حد شاف الحلقة ويقولي

كنزى نصيحه اعملى عملية المراره هى سهله جدا حاليه
بالمنظار وترجعى البيت فى تفس اليوم والجرح بسيط
فتوكلى على الله لان انا جربت الامها العمليه كانت اسهل عندى من مغصها
موضوع الصدق
فى ناس تقول انا صريحه واقول للاعور انت اعور طبعا غلط
فى فرق بين الصدق والكلمه الطيبه
فى ناس بتعتبر انه لو قال كلمه طيبه انه نفاق لازم يقول الحقيقه
ممكن نقول الحقيقه لكن بصوره غير مباشره ونقول للاعور انت اعور
بطريقه لبقه ونكسب اجر الكلمه الطيبه
تعويد الاطفال على الصدق فى نقطه مهمه ناس كتير تعملها
التليفون يرن تقولى للولد قول ماما نايمه او ماما خرجت
طبعا دى كارثه انتى بدون قصد منك وضعتى منهج للابن يمشى عليه
ويتعلم الكذب مش عايزه تتكلمى فع حد يبقى ما ترديش على التليفون
لكن ما تعوديش طفلك على الكذب
لو وعدتى طفلك بحاجه يبقى لازم توفيها لانه حا يفقد ثقته فيكى
فلازم قبل ما توعدى توعدى بحاجه متوفره عندك عشان توفى
الجلسات النسائيه والاصفار ال بتضاف
شريتى حاجه بعشره تضيفى صفر وتبقى 100 الطفل ذكى
وبيسجل تصرفات والديه فلازم نكون قدوه لابنائنا فى موضوع الصدق
موضوع ان الطفل يحكى لى لازم ما اعاقبهوش لانه حكى
لكم ممكن يعتاد انه يغلط ويعتبر الاعتراف خلاص يسقط العقاب
لا نعاقب لكن مش فى وقت ما حكى نشجعه على صدقه
وامدح فيه صدقه لكن يعاقب على خطؤوه لكن مش فى نفس اللحظه
موضوع حلقة عمرو خالد اليوم على الرساله قال نقطه مهمه قريبه لموضوعنا
اوعى توعد حد بحاجه وانت من جواك مش حا تنفذها
فلازم نوعد بما نستطيع عشان نقدر ننفذ
ابنى كذب علينا وتانى يوم قالى الحقيقه
طبعا ما ينفعش اعاقبه لكن حكيت بسرعه لزوجى اول ما دخل من الشغل
واقنع الولد انه عرف الحقيقه من مدرسه واتعاقب بالخصام من والده
فحلينا المشكله ان طرف ما عاقبش لانه الولد قالالحقيقه وطرف عاقب على الغلط عشان يتعلم انه ما يكررش نفس الغلطه
وربنا يهدى ابناءنا جميعا ويرزقنا الاخلاص فى القول والعمل

أم يوسف بالنسبه لموضوع الحفظ
لانك غير ملمه باحكام التجويد والنطق الصح
يبقى تسمعى من شيخ وترددى وراه
حا يكون نطقك صح وتحفظى بتجويد
والمنشاوى والحصرى الحفظ معاهم سهل جدا
لان مخارج الحروف واضحه معاهم جدا
انصحك ببرنامج احمد عامر على دريم
وكنت نزلت الرابط له طريقته فى التجويد سهله جدا

هذاا نص الفتوى التي وضعها المفتي بعد ان قرأ الفتاوى في هذا الموضوع( التسميع الكتابى )


الحمد لله رب العالمين والصلاة والسلام على نبينا محمد المبعوث رحمة للعالمين، وبعد، فإن تسميع القرآن الكريم عن طريق كتابة الآيات المراد حفظها، هي إحدى الوسائل المشروعة المباحة، ولا يوجد نص صريح أو مقتضى نص يقضي بتحريمها أو منعها. فحينما جُمع المصحف الشريف فقد اتبع في جمعه طريقتان، الحفظ من الصدور، والكتابة في السطور بالوسائل التي كانت في ذلك الزمن. والحافظ يتأكد المسمِّع من حفظه بالمشافهة وبالكتابة، كما أنّ الحفظ عند علمائنا السابقين يقسم قسمان، الأول: ضبط صدر، والثاني ضبط كتاب. ومن فوائد التسميع الكتابي أنه يعطي فرصة اكبر للحافظ أن يتذكر.
ولا شكّ أن التسميع مشافهة أضبط للكلمات القرآنية، خاصة لمن ليس ماهراً بالقرآن الكريم، ولكن لا يمنع ذلك من استخدام الكتابة، وهو في حقّ المتعلم مقدّم. ولا يرتقي التسميع بالكتابة إلى درجة الحرام قطعاً.

الشيخ عمار بدوي
مفتي محافظة طولكرم - فلسطين
عضو في مجلس الإفتاء الاعلى
بكالوريوس في الشريعة الإسلامية
ماجستير في أصول الدين

" الفتوى ديه لأخت فى الله اسمها شهيدة فلسطين تعمل فى دار الأفتاء فى فلسطين و عرضت الموضوع على المفتى و كان ده رده
و انا اعرف هذة الخت جيدا و اثق جدا فى دينهما شاء الله عليها


احسن شىء لازم تسمعى الأيات الأول عشان تاكده من الحفظ و النطق و التجويد و بعد كده تسمعى كتابة

و فية مواقع كتيرة حلوة زى

http://quran.muslim-web.com/


تعلمى على الاات اللى عايزاها و بعدين و تختارى الشيخ اللى عايزه صوتة و بعدين تسمعيها كذا مرة عشان تعرفى التجويد و ممكن تقرى معاه من المصحف كمان

و افضل الشيوخ فى التعليم هو محمود خليل الحصرى صوتة واضح و مخارج الألفاظ ممتازة و كمان الموقع

http://www.tvquran.com/